nano03 :

أمل و رجاء لا حول و لا قوة إلا بالله العلي العظيم الله يرزقك بالذرية الصالحة آمين إذا عندك مجمد فالمحاولة الجاية بتكون أهون بإذن الله.

أمل و رجاء لا حول و لا قوة إلا بالله العلي العظيم الله يرزقك بالذرية الصالحة آمين إذا عندك مجمد...

القطوه ميمي3 :

صباح الخير بنااااااااات قصتي باختصار او بدون اختصار مادري ............... قررت اني اسوي انابيب عشان اكسب الوقت ورحت المستشفى بعد ما تلاسنت مع المدير .. الشيخ ما يبيني اخذ مرضيه اسبوعين المهم وصلت مركز 2 وطلبت الدكتوره ثريه بحكم اني حملت عندها بس نزلت جاان تقولي جهان وقفنا ما نستقبل مرضى قرار من الادراة :( مني مناك قالتلي روحي كلمي الدكتوره ثريه .. ظنيت بتساعدني بس للاسف رافعه صوتها من ورا الباب وتقولي قرار من الاداره ماقدر لو علي اخذ مليون مريضه .. زعلت شوي:( المهم متهاوشه مع المدير مقدر ااجل الشهر الجاي وتقول جيهان احتما ل الشهر الجاي بعد نفس الشي .. كسرت خاطرهم طرشوني عند المسؤله وشرحتلها وضعي واني مسويه كي مبايض وماعندي وقت كافي كلها 6 شهور طبعا هنديه المسؤله شكلها حبتني وكسرت خاطرها وراحت كلمت ثريه بس بعد رفضت ثريه ..هني انا عصبت وقالتلي الهنديه خلاص تعاليلها الشهر الجاي وبندخلج على طول مع ان ثريه هي اللي قالتلي تعالي شهر 3 موعدج مفتوح جان اقول حق المسؤله لا مابي اذا ثريه ما تبي تاخذني حولوني على ريم ولا مريم قالتلي لازم موافقه ثريه لانج حملتي عندها من قبل وقتلها خذي موافقتها تكفين وراحت الهنديه ورجعتلي قالت خلاص ملفج عند ريم ..روحي عند جيهان خذي رقم حق الدكتور ريم الحمدلله قلت خير من 8 ونص عندهم خلصت معاناتي الساعه 10 ودخلت على ريم الساعه 12 عقب ما سويت تلفزيون ودعيت حق الهنديه وشكرتها الصراحه واايد طيبه والشكر لله طبعا وللدكتوره ريم اللي قبلت تاخذني .. في التلفزيون كانت المفاجاة انه طالعتلي بويضه ممتازه وانا ثاني الدوره حجمها 16 لما دخلت على ريم جان تقعد تطالع في الملف وتشوف عملياتي السابقه وقالتلي حالتي بالظبط وعطتني التفاصيل الصراحه ماتوقعت كل هالاهتمام منها قالتلي ماطلعتي ولامره بويضات عدله من الدرحه الاولى كلها من الدرجه الثانيه ولا الثالثه بس مره طلعتي والي هي الاولى عند شحاته اول ماشافت التلفزيون قالت ما يصير نسوي نفس طريقة ثريه لان عندج بويضه جاهزه راح تكبر بسرعه مع الابر الصراحه زعلت ماحب العلاج الطويل لان اصلا مافاد معاي وقالتلي على طول بنخليها علاج طبيعي لان رحمج ممتارز والدوره ممتازه وعندج ماشالله بويضه وانتي ثاني الدوره سبحان الله وهي تشيك بالملف جان تشوف تحليل زوجي وهني طبعا كانت الصاعقه قالتلي مايصير علاج طبيعي لان زوجج عند ضعيف شديد بالحركه وقبل ما توصل الحيوانات تكون ماتت :( سبحانك يارب كيف هالانسانه صريحه معاااي طبعا قالتلي في هالحاله يا يتعالج زوجج 6 شهور ويقوي الحركه وهذ ا طبعا بياخذ وقت يا انج تسوين خلاص انابيب لان الانابيب ما تبي حركه الزوج بس الحيوانات المنويه والحيوانات عند زوجج ماشالله وااايد بيرفكت .. ( ماشالله) :) توكلت على الله وبعد الدراسه الملف جان تدمجلي كل الادويه الي نفعت معاي واتبعت اسلوب ثريه وادويه شحاته وزادت لي بيبي اسبرين وقالت خلاص لا تشيلين هم البويضه اللي موجوده حاليا راح نسحبها لان لازم نتبع نفس طريقة ثريه هي اللي بس بتفيدج باذن الله طبعا هالكلام عقب مادرست الملف عدل .. الصراحه عطتني وقتي ووقت غيري الله يجزاها خير ريحتني ع الاخر قالتلي ما فيج شي بس عدم ثبات الاجنه لانها كلهم ماكانو اجنه جيده بس الحين مع عملية الكي اتوقع تكون بويضاتج ممتازة وروعه راح تكون هالعملية الي سويتيها من صالحج وتوكلي ع الله عطتني ابر ميجنوم في العضل زاد اخر ثلاث ايام ابر تحت الجلد وفوليك وبيبي اسبرين واتمنى بالموعد الجاي 16 مارس ما يكون في عقبااات .. والحمدلله متفائله خير لان اكيد تغير ملفي من دكتوره لي دكتوره خير وحتى هالكلام قالتلي اياه جيهان .. بس خلصت وسويت التحاليل وخذت موعد تخدير بنفس التاريخ 16 مارس وطلعت وادعولي كل شي صار بسرعه ****لله تساهيل من عند الرحمن حبيباتي نانو 3 ونونا وذهبيه وكووود وبيت سعيد وكل اللي مقبلين معاااي الله يتمم علينا بالخير فديتكم شيلوني من قائمه الانتظار وحطوني في مرحلة التنشيط :) ودمتم سالمين الى اللقاء بالحلقة القادمه من المسلسل المكسيكي المدبلج ( معاناة قطوة) :)

صباح الخير بنااااااااات قصتي باختصار او بدون اختصار مادري ............... قررت اني...