code :

المحاولة السادسة ... استودعها الله الذي لا تضيع ودائعه المهم حلوين من تاريخ 6 او 7 مارس و انا تعبانة و اكح بس طنشت و بعدها رحت الموعد تاريخ 13 يوم الاحد طبعا خذت الموعد بالموت 3 ايام اتصل محد يرد و بعدها كلمت مسؤولتهم قالت اي ادري ما يردون لان في ضغط في المختبر و الاولوية للقطريات قلت في خاطري ليش انا اثيوبية .. قلتلها انتوا قلتوا المجمد عادي ندخلكم على طول المهم بعد جدال خذت الموعد .. رحت الموعد و انا تعبانة دخلت على ريم قلتلها ابي فحوصات المناعة قالت انتي حملتي قبل ما يحتاج قلتها انا اعرف ناس صارت معاهم مشاكل بعد طفلين و اكثر قالت معناته تأخرين العلاج لان تحاليل المناعة تحتاج كم شهر قلت لو ربي ما كتب هالمرة يصير خير عقبها .. المهم قالت انا اصلا بعطيج ادوية و ابر المناعة احتياط عقب ما شافت ملفي ( ما شاء الله ملفي مجلد مب ملف) المهم قالت انا طريقتي افك الاجنة و اوصلهم مرحلة المضغة قلتها انا اصلا اللي عندي مضغة قالت اوكي صح .. المهم قالت انها بتروح العمرة و بترجع 4-4 تقريبا فممكن تجيني الدورة و ابدأ العلاج مع شخص ثاني .. و هي ترد تسوي الارجاع بس انا دورتي تتأخر يعني الاحد اكمل اسبوعين بس مب راحين الا بعد اسبوعين و كم يوم لانها اخر مرتين صار فيني نفس الشي و انزلت اسبوعين و يومين ... عطتني الابرة التحضيرية العادي خذتها يوم الاحد نفس اليوم .. طلعت كنت وايد تعبانة و رحت عيادة الدوحة طلع عندي التهاب حلق و اذن وعطاني مضاد خفيف و ادوية تناسب الحوامل علشان انا باخذ ادوية و ابر و ما تعارض معها لكن يظهر ان الادوية كانت وايد خفيفة اليوم عاشر و اخر يوم من المضاد و توني احس نفسي شوي رجعت طبيعية . الله يستر انا ادري ان المضاد و المسكنات و البروفين يأخر الدورة بس خلاص ان شاء الله خير يارب .... و بس هذي رحلتي ... الله يرزق يارب كل محروم و يرزقني توأم بنات و اخلص مهمتي في الحياة يارب ..اول مرة بسوي انابيب و انا اشتغل ما اعرف اشلون بيكون وضعي صح مجمد بس ما ادري وقت الارجاع اشكثر يعطون اجازة ..

المحاولة السادسة ... استودعها الله الذي لا تضيع ودائعه المهم حلوين من تاريخ 6 او 7 مارس و انا...

القطوه ميمي :

كووووووووووووووووووووووووووووووووووووووووود لااااااااااااااااااااااااااااااااااا ما اصدق والله اني كنت داريه انج بتردين بمصيبه ....يعني سويتيهاااااااااااااااااااااااااااااااا ع العموم والله والله والله كنت حاسه انج بتردين بتقولين انج في مرحلة العلاااااااااج :) قلب الام يا يمااااااااااا حمدلله ع سلامتج يا عمري والله وحشتينا بس الكل زعلان منج محد بر د عليج خخخخخخخخخخ

كووووووووووووووووووووووووووووووووووووووووود لااااااااااااااااااااااااااااااااااا ما اصدق...