عضوةذهبية :

حبيباتي عندي ملاحظة واقتراح ****لله يعجبكم ويصب في مصلحة تجمعنا 1 انا بحكم مراجعتي لوحدة حمد للانابيب مشالله الخوات هناك تارسين العيادة بالمقابل اشوف عضوات تجمعنا قليل انا اقول لازم نسوي دعاية مباشرة او غير مباشرة يعني وحدة حلوة تتشطر يعني مثلا زعيمة العصابة code تطبع كم ورقة برابط الموقع ولما يكون عندها مراجعة تتسحب من غير محد يشوفها وتلصقهم في استراحة العيادة واذا صادوها احنا مانعرفها هههههههه خيانة من اولها 2 ليش ما يكون تواصلنا اكثر من المنتدى خبركم شكثر يعلق وبعدين ظروفنا ماتسمح ان نتواصل عالنت بصورة دايمة يعني ليش ما نتواصل على البلاك بيري نسويلنا جروب بهالطريقة اخبارنا بتوصل بعض فرش اول باول يعني مومجمدة ادري تعقدتوا من المجمد ههههههه 3 نتواصل عن طريق المسنجر بعد بهالطريقة نكون متواصلين بشكل اقرب الهدف من كل مقتراحاتي ان نتواصل بشكل اكثر وان نحاول نحتوي عدد اكبر من الخوات اللي يراجعون في عيادة الانابيب في مستشفى حمد وبالهطريقة تعم الفايدة على الكل ونفستيد من خبرات اكثر ،،،، عورت راسكم بسوالفي صح ،،،، هههههه ومني الى رئيسة العصابة عفوا رئيسة التجمع ارجوا النظر بالمقترح والعمل على مافيه مصلحة للتجمع """ ودمتم """"

حبيباتي عندي ملاحظة واقتراح ****لله يعجبكم ويصب في مصلحة تجمعنا 1 انا بحكم مراجعتي لوحدة حمد...

code :

الله يعوضج خير يارب . شوفي انا كل محاولاتي اللي قبل ما صار لي نصيب تجميد محاولة شهرة 5 قريت عن تعديل نظام الاكل كنت اكل بيضة يوميا ايام التنشيط و اشرب ماي وايد لان البروتين اللي في البيض تقريبا نفس نوع البروتينات اللي في البويضات و كثرة الدهون الصحية مثل زيت الزيتون و زيت السمسم و جذي و البروتينات مثل اللحوم و الاسماك و الدجاج و السلطات و الخضار طبعا و قللت النشويات كلش كنت اكل حبة خبز في اليوم و خبز كامل القمح مب اسمر لا Whole wheat و ما شاء الله اسحبوا 21 و لقحوا 19 و رجعولي 2 و جمدوا لي 9 ما شاءالله تبارك الله كلهم مضغه طبعا بتقولين ما صار حمل اللي صار ان كل مرة تصير لي مشكلة شكل سبحان الله المرة الاولى ما صار لي ارجاع في مكان صح رجعولي مكان غلط و المرة الثانية بطانة الرحم عندي فيهم مشكلة و الا اجنتي زينة كانوا مارضوا اول شي يرجعون لي 3 لانهم قالوا بيصيرون الثلاثة .. سبحان الله مالي نصيب و اللي يكتبلي الخيرة المرة الجاية يارب. و نظام الاكل هذا انا قريب عنه وايد ووحدة اجنبية كانت بويضات كلش سيئة حتى ما تتلقح و قالولها خلاص مالج امل و جربت النظام و تحسنت جودة بويضاتها و حملت و انا صراحة شفت النتائج بروحي .. الحمد لله على كل حال .. فرصة المجمد اضعف لما يكون عمره يومين بس الاجنة اللي عمرها 5 ايام فرصتها ما تقل عن الفريش ابدا .. نفس النسبة تقريبا و بعدين الواحد يحاول يستغل الفرص عل و عسى تكون من نصيبه يعني بعد احسن من الابر و العذاب .. انا جربت المجمد هالمرة لا يقارن صراحة كانت محاولة خفيفة و التوتفر فيها اقل وايد .. و الله الناس الله يهديهم ما يتركون حد انا حتى الفلبينيات في المحلات بقولون لي ليش تاركه بين الاثنين هالكثر كان بمزاجي واذكر الناس كانت كل ما تشوف ويهي تقولي روحي تعالجين .. او سوي انابيب سعات اقول الله كريم و سعات اعصب و اقول انا اعرف مصلحتي يعني اخبر وحدة في الانابيب اختي مسوية انابيب و مرة اخوي مسوية انابيب و كم وحدة من بنات عمي يعني في مجتمعنا كلش عادي و انا صرت صريحة اقول عادي و ما استحي ما احس ان نقص فيني انا ربي كتب لي هالشي مب شي انا سويته يعني انا عندي مشكلة في الحمل ما اخترتها و لا سويت شي يداي لها مب بعيد الشر مثلا مريضة ايدز بستحي بيقولون اكيد مسوية شي لا و لله الحمد :27: و الله يعينج اذا مجتمعج من هالنوع انا في اهلي كلهم ماعندنا تعدد و عندنا كم وحدة وصلوا الخمسين و ما عندهم عيال و عادي متمسكين في بعض و محد اقترح عليهم الزواج ..!! بس فعلا في مجتمعات فيها تعدد و هني الواحد يخاف.. ان شاء الله .. انا قلت قبل اني احس اني بجيب بعد طفل صراحة احس اني بجيب 2 بس ما ادري مع بعض و الا مفصولين :27: سميه احساس سميه حسن ظن ما ادري شنو .. :27: يختي صراحة انا فترات تجيني ادخل التجمع اكثر من مرة في اليوم و ايام احس ان مالي خلق ادخل و اطلع او حتى ما ادخل مع اني طول النهار على الكمبيوتر فاعذريهم و اعذريني .. nonaa جزاج الله الف خير..ربي يجعله في ميزان حسناتج و يرزقج الذرية يارب ..

الله يعوضج خير يارب . شوفي انا كل محاولاتي اللي قبل ما صار لي نصيب تجميد محاولة شهرة 5 قريت عن...

code :

و بعدين شكلنا بنسوي لج بلوك من التجمع ..انتي تابعة اي منظمة كل شوي انفجار انفجار .. لا تخوفين :35: على العموم ان شاء الله يارب تخلصين بالسلامة و ترتاحين و ترجعين لنا يارب .. احسج طولتي شوي فالحمد لله انج خذتي ميمي معاج و الا كنتي تعبتي :27: و بالعكس احس مرت عمج خلاص سكتتهم علشان محد يصجج كل شوي احملي و ما حملتي .. يختي انا عندي 2 الناس ما تتركني ! تخيلي الله يرجعج بالسلامة يارب .. كلامج اوله كان وايد حلو لحد ما وصلنا لموضوع كود تحط الاعلان و بعد فيها حركة نذالة يعني لو انصدت بتتركوني و ان بعد مب منقبة يعني اللي ما يشتري يتفرج الناس كلها بتعرفني ..من غير شي من انا مشهورة في قسم الانابيب صارلي 5 سنين اتعالج هناك ..حتى السيكيورتي اللي في المستشفى يسلمون علي ., انا راي ان التجمع لما يكون قليل احسن علشان نعرف نتابع بعض . و بعدين مب كل الناس تحب تشارك شوفي مشاهدات الملف بتعرفين ان في وايد ناس تقرأ بس ما تشارك ..انا مثلا كنت بس اقرأ التجمع فترة طويلة فوق السنة و بعدها قررت اشارك .. فاحنا باسلوبنا و تصرفنا و طريقة تعاملنا مع بعض بنجمع الناس وفي شي ان القطريات في عالم حواء اقل يعني لو كان التجمع في منتدى عروس مثلا بتشوفين عدد و تفاعل اكثر بحكم ان اهل قطر اكثر هناك ( انا كنت اتابع تجمع الحوامل هناك ايام الحمل ) :35: الخلاصة الاعلان عليج خخخخخ بالنسبة للوسائل الاخرى انا ما استخدم المسنجر من سنين لاني استخدم نظام ماك و الماسنجر عليه كان ممل و اصلا لغيب ايميل الهوتميل من زمان و استخدم ايميل صديقي الصدوق جوجل :39: و ما عندي بي بي بس عندي برنامج Whatapp ممكن اصحاب البي بي يركبونه و اللي مثلي عندهم اي فون يركبونه و يتواصلون ان جذي اتواصل مع ربي اصحاب البي بي اييي و بعد تذكرت شي ما نبي نفتح عيون القسم و الدكاترة على هالمكان لان يختي نعقر و نتكلم فيهم وبعدين من طريقة العلاج بيعرفونا :icon33: و فضايح و جذي خخخخ احس اني جبتلج احباط خخخخ ما خليت شي بتقولين خلاص ما كانت فكرة .. و بعدين انا اسوي اعلان للتجمع حق الموجوين في الموعد سعات يكون في بنات حليوات سعات ناس تقعد جنبج تبي تذبحج كانج السبب في عقمها شايلين الدنيا على راسهم و يلومونج فيها في مواعيد اسولف و استانس تكون المجموعة حلوة و يعدي الوقت و في مواعيد اللف يمين الف يسار حلج يتلزق ما اعرف اقعد بدون سوالف ( مثل ما انتي ملاحظة ) اتحرش فيهم اني افتح موضوع محد يرد عليج على العموم ما اطول عليج ( كلش ما طولت :35: ) انا سملتج القيادة و الدعاية و الاعلان ... الله يوفقنا كلنا يار ب و ما نشوف قسم الانابيب مرة ثانية و اجرب ياربي الكنبات الجديدة في متابعة الحوامل يارب خاطري اجرب الكنبات الجديدة بدل كراسي العمال مالت القسم

و بعدين شكلنا بنسوي لج بلوك من التجمع ..انتي تابعة اي منظمة كل شوي انفجار انفجار .. لا تخوفين...