عضوةذهبية :

السلام عليكم ورحمة الله وبركاتة انا من بنات التجمع 2009/2010 وتشرفت بهذا التجمع وكان فال حلو علي ولله الحمد عملت عمليتي الاولى بتاريخ 29/12/2009 عند الدكتورة ريم ونجحت وحملت ببنتي وولدتها بالسلامة وولله الحمد والمنة وراجعتهم يوم 27/11/2010 حتى اسوي ترجيع اجنة مجمدة عند الدكتورة ريم وعطوني موعد بشهر 2 والله يكتبلي الحمل ****لله ،،،، والله ومن بعد الله ان هذا التجمع كان انيسي الوحيد وكل البنات اللي فيه كانو خوات ونعم الخوات ودعواتي ****لله وباذن الله ان مايخيب رجاكم ويرزقنا ويرزقكم بالذرية الصالحة ،،، وعن تجربتي السابقة بعد عملية الترجيع عشت حياتي طبيعية يعني بعد الترجيع اعزكم الله رحت الحمام ولما رجعت البيت تسبحت وكانت حركتي عادية الى ابعد حد واكلي طبيعي طبعا باستثناء اني اشيل ثقيل يعني اللي بقولة يابنات ويا اعز خوات ان التوفيق من الله واللي كاتبة الله بيصير وكلامي هذا من منطلق اني شفت اكثر من منتدى نصايح بعيدة عن الصحة مثل لاتتسبحين لاتغسلين راسج في حمية اكل معينة لاتصعدين لاتنزلين ،،،، وانا اقول بس توكلي على الله والله لايخيب ظنكم ****لله وهذي انطلاقتي الثانية معاكم وعساها جمعة خير يارب * احبكم في الله *

السلام عليكم ورحمة الله وبركاتة انا من بنات التجمع 2009/2010 وتشرفت بهذا التجمع وكان فال حلو...

عضوةذهبية :

حبيباتي عندي ملاحظة واقتراح ****لله يعجبكم ويصب في مصلحة تجمعنا 1 انا بحكم مراجعتي لوحدة حمد للانابيب مشالله الخوات هناك تارسين العيادة بالمقابل اشوف عضوات تجمعنا قليل انا اقول لازم نسوي دعاية مباشرة او غير مباشرة يعني وحدة حلوة تتشطر يعني مثلا زعيمة العصابة code تطبع كم ورقة برابط الموقع ولما يكون عندها مراجعة تتسحب من غير محد يشوفها وتلصقهم في استراحة العيادة واذا صادوها احنا مانعرفها هههههههه خيانة من اولها 2 ليش ما يكون تواصلنا اكثر من المنتدى خبركم شكثر يعلق وبعدين ظروفنا ماتسمح ان نتواصل عالنت بصورة دايمة يعني ليش ما نتواصل على البلاك بيري نسويلنا جروب بهالطريقة اخبارنا بتوصل بعض فرش اول باول يعني مومجمدة ادري تعقدتوا من المجمد ههههههه 3 نتواصل عن طريق المسنجر بعد بهالطريقة نكون متواصلين بشكل اقرب الهدف من كل مقتراحاتي ان نتواصل بشكل اكثر وان نحاول نحتوي عدد اكبر من الخوات اللي يراجعون في عيادة الانابيب في مستشفى حمد وبالهطريقة تعم الفايدة على الكل ونفستيد من خبرات اكثر ،،،، عورت راسكم بسوالفي صح ،،،، هههههه ومني الى رئيسة العصابة عفوا رئيسة التجمع ارجوا النظر بالمقترح والعمل على مافيه مصلحة للتجمع """ ودمتم """"

حبيباتي عندي ملاحظة واقتراح ****لله يعجبكم ويصب في مصلحة تجمعنا 1 انا بحكم مراجعتي لوحدة حمد...

nano03 :

كلامك صح 100% بس اسمحيلي كود انبهك لموضوع هرمون الاستروجين / البروجسترون في الفرش يكون الهرمون عالي بسبب إبر التنشيط والتفجيرية و ثم الCyclogst لكن المجمد يعتمد فقط على cyclogest/Estrofem 2mg و بصراحة ما عندي ثقة أروح للعملية يوم الأحد بدون متابعة الهرمون. بنات عندي سؤالين: 1) هل تنصحوني أروح مختبر خاص /عيادة دكتور أتابع عنده مستوى الهرمونات المطلوبة؟ (وليش ما يفحصون دم قبل عملية إرجاع المجمد؟) 2) هل أحد سمع عن أو استخدم utrogest يمدحونه في النت و يقولون امتصاصه أعلى من cyclogest؟ و الله يرزقني و يرزقكم بالدرية الصالحة. للفائدة البنات المرجعات مجمد: http://www.ivf1.com/frozen-embryo-transfer/ http://humrep.oxfordjournals.org/content/20/5/1127.full المصدر الثاني يقول ارتفاع نسبة البروجسترون في يوم نقل الأجنة يعزز انغراس الأجنة.

كلامك صح 100% بس اسمحيلي كود انبهك لموضوع هرمون الاستروجين / البروجسترون في الفرش يكون الهرمون...

لين 1980 :

( القطوة ميمي ) الحلوة ( كود ) الامورة ياحلو سوالفكم الله يخليكم لعيالكم ولاهلكم ويرزقكم الحمل ان شاء الله (القطوة ميمي ) ياحياتي السعادة مب في العيال يعني ريلج عايش سعيد وراضي معاج بنصيبه مب عشان العيال وانت ما شاءالله تبارك الله حملت طبيعي وجبت له بنت امورة وان شاء الله ربي بيرزقج وانت ادرى ان ريلج مطوع يعني عارف ان هذي ارزاق من رب العالمين يعني الشي مب بيده واذا على امه يقدر يطيب خاطرها باي شي لا تقلقين هاي امه واهو ادرى شلون يتصرف معاها ........... ولا تنسين خلي نفسيتج حلوة ترى وراج انابيب ومحتاج نفسية حلوة وفرش ............ ( كود ) ياحلو سوالفج وان شاء الله ياربي تحملين بتوام وماعليج من الناس لو عندج عيال جان لقيت شي ثاني تحن عليه ...... بسالج رحت مجلس الامهات حق عيالج .........انا رحت وقالولي ان ولدي محتاج تقوية اكثر في الانجليزي والمحادثة الصراحة ماعرف شلون اقويه في الانجليزي ............... ( ام اسمى ) الله يردج لنا بالسلامة ان شاء الله .......... ( العضوة الذهبية ) الصراحة انت ذهبية بكلامج وردودج والله يخليج البنوتة الحلوة ان شاء الله ............. اخر اخباري غيرت موعدي خذت موعد عند د ارابو افريقي ومايعرف يتكلم عربي .........وقالي ان التحليل الثلاثي للسكر مرتفع وقالي لا زم اسجل القراءات يوميا واجيبها الموعد القادم واسوي اي ريجيم .........شدعوه على العموم انا قاعدة اسجل القراءات والله يستر مع اني مااكل كلش حلويات ولا دهون بس ماادري ليش السكر لازق فيني وعطاني موعد بعد اسبوعين ............والله يستر

( القطوة ميمي ) الحلوة ( كود ) الامورة ياحلو سوالفكم الله يخليكم لعيالكم ولاهلكم ويرزقكم الحمل ان...