هلا بنات


وحشتوني بنات
ادري اني مقصرة وما ادخل بس مشغولة
داخلة عالسريع ابي اطمن عليكم

عامر
ان شاء الله تبشرينا بحملج عن قريب ان شاء الله

انا معاج حبيبتي عضوه ذهبيه واتوقه بسبب الاكل الغير صحي والفاست فووووود وانواع الادويه اللي بناخذهاااااا الله يعين

اما اسعار العمليات فالله يعينا عليها يارب كسرت ظهورنا ومع هذا نقول اللهم لك الحمد ويارب تضبط معانا ولا يضيع مخاسيرنا وعمرنا وحنا ننطر ويارب تكون نطرنا قصيييييييييييييييره يارب
انا بالنسبه لي 5 مرات عملت العمليه 2 فرش و3 مجمد والحمد لله على كل حال
الله يعوضنا يارب قريبا

انا معاج حبيبتي عضوه ذهبيه واتوقعه بسبب الاكل الغير صحي والفاست فووووود وانواع الادويه اللي بناخذهاااااا الله يعين

اما اسعار العمليات فالله يعينا عليها يارب كسرت ظهورنا ومع هذا نقول اللهم لك الحمد ويارب تضبط معانا ولا يضيع مخاسيرنا وعمرنا وحنا ننطر ويارب تكون نطرنا قصيييييييييييييييره يارب
انا بالنسبه لي 5 مرات عملت العمليه 2 فرش و3 مجمد والحمد لله على كل حال
الله يعوضنا يارب قريبا

بنااااااااااات موضوعي بس لاقى القبول من 1- كووود
2- عضوه ذهبيه

هل من مزيد

الصرحه لي صار عددنا 15 وحده راح نحدد وقت ومكااان ... انا وااايد مشتاقه اتعرف ع الكل
ومثل ما قالت الاخت ذهبيه .. فعلا يمكن خواتنا ما يعرفون عنااا كثر ما نعرف عن بعض ومحد راح يحس فينا الا اللي مثلنا

يعني انا مثلا خواتي عندي 3 بس ما يسالوني عن الانجاب ولا يدرون عن حياتي الزوجيه .. ولا يتدخلون
سبحان الله سوالفكم تهون عنهم بواايد مع انهم خواتي بس سبحان الله تحسين بالنقص اذا تكلمواا معاج او اذا فضفضتيلهم لانهم ينجبون وانا لا ... او ما يبون يحرجون .. المهم انا مقتنعه ان الفكره مافيها احراج ولازم نتعاارف شكليا عشان اكيد كل وحد ه حاطه للثانيه مخليه في مخهااا ... وشكل كل عضوه ...

مثال زعيمة العصابه كووود اتخيلها وزنها 95 الى 100 وشعرها طووويل ..... ترى امزح لحد يزعل بس ... انا اضرب فيج المثل بس اصلا انا والله حاستج قمر يا عسل ,,,, ترقع خخخخخخ

ها يا بنااات اش رايكم يالله عااااااااااااااااااااااااد نبي اصوووووووووات بسوي جدو ل وكل وحده توقع جنب اسمها بالموافقه واذا في جديد تعدل الجدول وترد تنزله ... انا ام الاقكار واحس انه بنحقق شي ... شنو هو مادري ؟ بس بنوصل لشي جميلللللللللللل

العضوه الذهبيه ... شوفي بقولج

بسم الله الرحمن الرحيم...

مااويد ابد ا انه من الاكل او المعلبات او الوزن ابدا

موضوع الانجاب هذا شي انتوا مو راضيين تقتنعون فيه انه من رب العالمين وحده ,, ولما قال ربكم اسعى يا عبد وانا اسعى معااك
الدكتور ما ينجح بعلاجه الا برضى رب العالمين وحده شوفوا انا يمكن ازعل واايد اذا فشلت عمليتي او ما حملت كل هالمده ممكن تلاقوني اتشاؤم وانفعل وازعل لكن كلي والحمدلله يقين انه من الله ..

انا بقنعكم والعهده ع الراوي والي هي انا .. مثلا صحيح انه مشكله العقم الموقت منتشر بس .. عمري بحياتي ما توقعت اني انا الوحده من العشر البنات بالعيله ما تحمل بسرعه وتطول .. يعني انا والله اول عرس بالعائلات كلها بنات عمي وخالاتي وخوالي .. اللي بعدي كلهم تزوجوا بعدي بثلاث سنين خواتي وبنات عمي وبنات خالاتي وماشالله عيلواا وانا لسه بس بنت الله يحفظها وانا ترى يالنسبه لهم عااااااااااااقر رغم انه عندي بنت .. بس والله والله ولا فخر ولا فخر انا توفقت بزوج صالح بمعنى الكلمه لا اله الا الله الله يحفظه من الناس يارب وكل وحده عندها مشاكل والبيوت اسرار بس مو لانه زوجي ولكن انا مقتنعه انه بلاااء ..

بعدين موضوع الوزن بنااات خالي اوزانهم تحت الاربعين يعني 36 و 38 بس والله احملوا من ليلتهم
خالي وزوجته فوق ال 180 كيلو بس حملت ع طول من ليلتها
كل انواع الاكل ناكله الجنك فوود والمعلب والفلفل اللي يحرق البطن والقولون ومع ذلك محد ماشالله يوقف خلفه
زوجي عنده 3 خواات ما تتصورون اوزانهم مصيبه بس بعد الله يحفظهم عندهم قاعده كل سنه لازم حمله ولله لدرجه انهم عيالهم ماخذوا حقهم بالتربيه ومع ذلك كل وحده الله يستر عليها عندهم مشاكل مع ريايلهم .. وعيالهم اعوذ بالله رغم صغر سنهم الا انهم شياطيين .. تدرون اللي ما خذ حقه بالتربيه يكون شرس مع اليهال والتعامل معاه يكون صعب الا من رحم ربي ..احنا عيالنا طول الوقت مذابح مع بعض .. وهذي صفه حريمنا ما يقدرون يسيطرون الا نادر على عيالهم ... انا بالنسبه لاهل ريلي غير مقبوله لاني طولت بحملتي الثانيه وطبعا بعد غير معذوره ومطالبه غصب اني اتعالج بسرعه ولا كلامهم واضح معااي راح نزوج اخونا اسمحيلنا احنا نحبج بس نحب اخونا اكثر .. لكن سبحان الله وحده من خواته تزوجت معاي من 7 سنين توها بس من شهر جابت ولد وعلى كبر ... مو نقص في الدين هي صلاتها ما تفارقها بس الله يعطي الانسان سواء كان صالح او طالح على نيته ..

صدقوني بنات واللي تقول عشان قريبه اوبعيده من ربها انا اقولها الله يرزق المسلم والكافر متى ماشاء وهذا مكتوب له قبل لاينولد وما يتبدل ولا يتغير بس .. الله اذا حب عبد تمنى يسمع صوته ..

انا شفت امثله حيه جدامي عشان جذي رديت ع الموضوع .. الله اذا حرمكم من شي اكيد عطاكم شي بداله ..

انا عندي نقص بالانجاب بس عندي زوجي بالدنيا زوجي من المسيد للبيت والبيت للشغل او عند امه لا ميالس ولا حش ولا عقار .. صلاه تالي الليل وصيام خميس واثنين .. هل هذا معناه عقاب انه ما رزقه عيااال لا طبعا ..
كنت عرفت وحده الله يستر عليها من سنتين التنوره تحب الركب والتدخين 24 ساعه وهي مسلمه وما تغطي شعرها ونمص بحواجبها والوصلات بشعرها وكنت احبها رغم اني كنت واايد انصحها بس ماكو فايده تزوجت على حالها وحملت والحين عندها 3 ورا بعض ..حتى الصلاه ما تصلي ..رغم هذا الله عطاها وهي سعيده مع زوجها ...

اللي حابه اوصله لكم انه هذا مكتوب لكم من يوم ما كنتوا في بطون امهاتكم وانا مقتنعه اقتناع تااام انه الالحاح بالدعاء هو سبب في العطاء ..
كنت اتهاوش مع زوجي والله كل يوم لما اسمعه يصلي ويدعي ويقول يا رب ارزقني الذريه الصالحه فقط.. عصبت علي يوم وقتله بصريخ حرااااااااام عليك صالحين ولا غير صالحين خلهم بس يجون لا تقول الذريه الصالحه قول الذريه بس ,.... قااالي لااااااااااااا
يا يجون صالحين يا مايجون ودعائي ما بغيره...
وسبحان الله لما شفت عيال اهل زوجي وعيال خواتي وبنات عمي وخالاتي ايقنت انه بنتي غير عنهم بالادب والاخلاق رغم صغر سنها عمرها ما قالتلنا كلمة اوووف ... ومطيعه وباره ,.. ولما حملت فيها زوجي حلم بالرؤيا انه الرسول صلى الله عليه وسلم يمسح على راسها بالمنام ويقولنا الله يبارك لكم فيها ...

ايقنت انه هذا من الدعاء اللي دايما زوجي يدعيه .. الذريه الصاااااااااااااالحه ...وغيره مانبي ,,,

فيا بناااات اللي عندها تحمد ربها ع اللي عندها والي ما عندها تيقن انه هذا رزق من عند الله واذا جا وقته راح يجي سواء بالانابيب او من غير ..
هذا رزق حاله حال الفلوس وزينه من زين الدنيا يعني بس اذا الله اراد .. لو نجري جري الوحوش غير رزقنا ما نحوش ..

الطب وسيله بس اكبر من الطب هو الله سبحانه ,,,

اما الموضوع الثاني اللي هو تكاليف العمليااات ,, فما راح اتكلم فيه لاني ان بطلت حلجي مثل ما انتو شايفين فوق ما راااح اسكت :)

فخلوني ع موضوع واااحد ,,, واقول قولي هذا واستغفر الله لي ولكم