عامر قلبي :

هل من احد هنا؟؟؟؟؟؟؟؟؟؟؟؟؟؟؟

هل من احد هنا؟؟؟؟؟؟؟؟؟؟؟؟؟؟؟

ام اسمى :

السلام عليكم .. الحمد الله سويت العملية يوم السبت و مدتها 3 ساعات شالو الحديدة و البراغي و الحمد الله على كل حال .. البنج متعبني و مدوخني ..و حجزنا كان باجر بس المطار مسكر و ان شاء الله يوم الاربعا يارب يتبطل و نفتك من ها الغربة .. ادوعولي ..

السلام عليكم .. الحمد الله سويت العملية يوم السبت و مدتها 3 ساعات شالو الحديدة و البراغي و...

{ غير ~ :

السلام عليكم ورحمة الله شخباركم حبيباتي , والله ولكم وحشه كلكم من كبيركم لصغيركم ومن الالف للياء بدون استثناء سامحوني على القطاعه و الغيبه بس نفس ماتعرفون رجعت بيتي و صرت اتحمل جزء من المسؤوليه و الجزء الثاني على ريلي خخخ و احس اني شوي مب ملحقه خصوصاً ان لحين ما وصلت خدامتي مع ان خوات ريلي وامه فديتهم كللللش مب مقصرين معاي اليهال مب متعبين بالعكس متعه بس ملحقاتهم ونثارهم هو الي يتعب ولا تجهيزهم لين جيت اطلع لازم ساعتين بالضبط .. ! بطلع 6 ابدا اتجهز من 2 تخيلوا ساعتين لهم وساعتين لي .. خخخخ بس خلاص هانت ان شاء الله قريب توصل المحروسه ونرتاح من العفسه واللويث شخباركم كلكم ؟ والله ماشاء الله مرت الايام بسرعه امس كملوا الارانب شهرين و الحمدلله رب العالمين احس انه فيهم حيل و كبروا احس من اول كانوا انتف يفشلون ..! انا لحين ما داومت على كيفي ان شاء الله نويت اداوم نص 1 مع رجعة ريلي للدوام لانه اجازة بعد و احتمال كبير امدد والاحتمال الاكبر اقدم استقالتي لان دوامي طويل ومع ساعات الرضاعه بخلص 2 .. بس مب اكيد اذا جات خدامتي وحسيتها زينه يمكن اتم يعني يعتمد لاني الحين احس اني عاله عالمجمتع خخخ زهقت من قعدة البيت بس مب لدرجه اني ابي ارد للدوام .. خخخخ و مليت من الروتين .. وبعد اخر اخباري : اممم والله مافيه جديد دخلت جم قاعدة اسوي رياضه خفيفه للبطن بس خبركم مافي لياقه كلش , كل ما سويت حركه طلعت روحي وردت ..! مارد البيت الا انا حددددي متفججه الله المستعان انا عقب الولاده نزلت وزن الحمل كله الحمدلله ماشاء الله علي صج سويت انجاز بس باقي بطني يبيله شد شوي و يبيلي شي لهالخطوط اللي جنه ياهل ماسك قلم ومشخبط علي ..! رحت لعايده وخذت علاج بس بصراحه يوم احطه وعشر لا يبيلي التزم شوي .. وبعد اخبار كتاكيتي اممم كل شهر يعطونهم تطعيم للخدج و ان شاء الله هالشهر لازم اعطيهم تطعيم الشهرين بس بسالكم ما يصير اعطيهم ف عياده خاصه مافيني شده اروح المركز الصحي ما ادانيه ولا اداني زحمته و شسوي عشان السخونه ترى اخاف من هالسوالف ولحين ماعرف اتصرف .. كله متصرقعه هههههههه وبس لاحظتوا اني هذرت وايد من زمان ما سولفت استحملوني , و نسيت اقول: الف الف الف مبروك لريج البنفسج و الحمدلله على سلامتج حبيبتي تستاهلين كل خير كنت احاتيج و الله وتطمنت يوم وصلني خبر ولادتج الله يباركلج في مريومه و يخليها لج ويجعلها من الذريه الصالحه يا رب و قصة ولادتج تعور القلب اهم شي انج ماشاء الله عليج بطله وماخذتي ابره الظهر انا مع اني محذرني عمر بو زينب لا تاخذينها ومعصب علي كذا مرة بهالسبه :mad: يقولي عيالج صغار وبيطلعون بسهوله لا تبالغين بس يوم رحت الطواري و قالولي ولاده وانا ابي ابره ظهر ابي ابره ظهر خخخخخ والله حتى انا انصدمت من نفسي اول ما قالتلي ولاده .. قلت ابي ابره ظهر على طول ..! لالا بخلي هالاكشن لما اكتب قصى ولادتي اللي مادري متى بكتبها .. يمكن يوم يكملون عيالي سنه ههههههه :39:

السلام عليكم ورحمة الله شخباركم حبيباتي , والله ولكم وحشه كلكم من كبيركم لصغيركم ومن الالف...

nano03 :

اللهم انى استودعتك اجنتى يامن لاتضيع لديه الودائع اللهم احفظهم وثبتهم فى رحمى لحين ولادتهم سليمين معافين لازياده فيهم ولا نقصان اللهم يسر حملهم وولادتهم واجعلهم من الصالحين اللهم ارزق كل مشتاقة من المسلمات الحمل السليم عاجل غيراجل امين --------------------------------------------------------------------------------------------------------------------------------------------- السلام عليكم إخواتي اليوم بحمد الله تم إرجاع 2 جنينين مرحلة المضغة (Blastocyst) إلى رحمى، خبروني المختبر إن السبعة ما كان وضعهم ممتاز فاضطروا يفكوا الثلاثة اللي في الأنبوب الثاني، و كانت النتيجة ثلاثة أجنة ممتازين بس د.ريم نصحتني أرجع بس 2 لأن في حالات اجهاض حصلت نتيجة الحمل يثلاثة...الله كريم وصلت الساعة 8 (و كنت أول مريضة للدكتورة ريم من أصل 7) و طلعت الساعة 1، يعني الزحمة وراي وراي حتي في أيام الإجازات (لأن اليوم كان إجازة) بس الحمدلله ما كان في اي أعطال بس لأن د.شحادة خلص مريضاته أول بعدين خلى د.ريم تعيش حياتها معانا.. عامر قلبي...يارب حامل نونا و كل البنات المرجعات قريبا"....إن شاءالله نكون فال خير عليكم أحبكم في الله

اللهم انى استودعتك اجنتى يامن لاتضيع لديه الودائع اللهم احفظهم وثبتهم فى رحمى لحين ولادتهم سليمين...