لا و الله ما نزلت و لا لها اثر و شكلي باتخر لين بعد رمضان ... و انا نفسج خاطري اروح اسوي بديكير و اقص شعري و افصل عبي كل شي بس للأسف عندي حالة كسل بس اقط نفسي بيت ابوي .. عادي بيت ابوي مسافرين خلاص دفعة الاحد و دفعة الاثنين و عاد ذيك الخزه ممكن الزهق الشديد يخليني اقط نفسي ..
تعرفين مسألة الارجاع كلش عادي عندي يعني لو ربي ما ماكتب قبل رمضان عادي بس خاطري تجيني الدورة علشان اتمسد ... خاااااااااااااااااطري في المساد :)
و ما شاء الله الله يجمعكم مع خواتج دوم و ما يفرق بينكم يارب .


الورقة ممكن تاخذينها من الطواري قبل السفر ب ٢٤ ساعة بس انا اذكر اختي البست عباية واسعة شوي و قطت الشيله وكانت في السابع و محد درا عنها . لكن انتي احتياط اخذي الورقة .


انا ما تفرق معاي الاجبان و لا الحليب انا ما اكل اجبان اللي في الحمل اصلا اعرف اني حامل لما افكر في الاجبان و خاصة الاجبان المالحة .بس ما شاء الله زوجي و اولادي قوارض يحبون الاجبان .
وانا سمعت ان مشتقات الالبان و الدجاج لها علاقة بالتكيس لان المواشي و الدجاج تنحقن بهرمونات وايد و تسوي خلل .حتى اذگر مريم نور مع اني ما اقتنع وايد فيها قالت ان اللي تبي تعالج التكيس تقطع الاجبان و الدجاج من اكلها بس اللحين الحمد لله بعد ما نزلت وزني التكييس خف جدا جدا حتى اخر محاولة هرموني ما ارتفع الا شوي الحمد لله :) ودورتي منتظمة بس للاسف هالمرة تأخرت ٥ ايام الحين بس انا اعتقد من تأثير الادوية و الخربطة علشان جذي ما راح العب في نفسي و لا اخذ شي خلها تاخذ راحتها على الاخر نخاف من زعلها :42:



الله يعينج و يشفيج ..
انا حق اللوعة اخذ نافودكسين هذا مخصص للحوامل حتى النشرة مكتوب فيها انها فيتامين مخصص للحوامل يخفف اللوعة ..و الله اخذيه وايد بترتاحين ..اول كم يوم بتحسين انه يدوخ شوي بعدها اوكي .
بس ترى الحرارة لو زادت روحي المستشفى لانه مضرة على الجنين و تسخن الماي اللي حوالينه
انا في حملي الاول جاتني حرارة في السابع اول ما ترتفع ولدي يتحرك في بطني بجنون مثل السمكة واول ما تخف انا و هو ننام و بعدها باسبوع في التصوير قالولي انه متأخر في نموه اسبوع عن الطبيعي و قالوا لازم تاخذي ادويه و مضاد لان ضرر الحرارة اكبر من ضرر الادوية .
فانتي حاسبي على نفسج و على البيبي الله يتمم لج على خير يارب .
و الجنس على حسب انا ولدي الكبير بين في نهاية الثالث ..
بس في الثاني مريم سلمان عندها نظرية ما تقولج على في الرابع لو شافت قبل ما تقول الا في الرابع .
الاسبوع ال١٢ ممكن يعطونج تقريبي بس مب اكيد .. على حسب يقولون الولد يبين اسرع و الله اعلم .


ان شاء الله حلم خير يارب .. و تكونين حامل يارب ... انا لما احمل احلم بالدم و الدورة وايد بس ما ادري العقل الباطن و الا له علاقة .الله اعلم .

دوري يا دوارة
شفت امس الاعلان اللي قلتي عنه وظائف للقطرين .. و حاولت ارسل السي في على الايميل المكتوب . الايميل ماله وجود الرسالة ترجع لي... الاعلان بس حركات علشان يقولون ان احنا اعلنا و هم ما يبون حد تكون الواسطات خلاص ملت المكان .. مع اني كنت حابة وظيفة المبرمجة بس الله كريم .. شنقول .

هلو صبايا

اخباركم ؟

استغفر الله الذي لا اله الا هو الحيّ القيوم واتوب اليه

لاحول ولا قوه الابالله