كود...
مرة قلتي عن ممرخة ..انا صراحة ما بعرف شو هو التمريخ ممكن اعرف كيف الطريقة
و اذا ممكن اقابلها؟؟

مرحبا بنات ..وحواملنا الجميلات ...والمقبلات على العلاج الحلوات .. والمنترات النتيجة ربييفرحهم ..
شحالكم كلكم ...و ربي يعوض على دوري ... ويارب يمن عليج بالجمل الطبيعي ان شاء الله ..
حياج الله الاخت حصباة معانا و ان شاء الله ربي لا يخسرج تعبج و تبشرينا ان شاء الله ويخليلج بنتي .. اعتقد اتذكرج انتي و مجنونة قطر نفس الفترة كنتوا تتعالجون اعتقد اذا ماخانتني الذاكرة ..
وكل البنات من دون عد على البال و الخاطر و لين خصوصا لا تخافين من الدم شي طبيعي وبيوقف بس انتي ريحي قد المستطاع و خلي اكلج فواكهه و خضروات و كثرب من الشرب حتى ما يصير امساك ..
كـــود ربي يعطيج العافيه متابعه معانا اول باول ...
اخباااااااااااري ... رحت قطر يوم الجمعه الصبح و ردينا باليل انا و بنت اخوي .. فاضين ماعندنا شغلة و استانسنا مرينا فلاجوواشتريت لاميمي كم لبس عند اج اند ام .. و سوق واقـف و تهاوشت مع الهندي محل الادوات المنزلية و ماشتريت شي .. مب كانة شوي ارتفعت الاسعار عندكم ...عن خاطري مريت اشتريت لي كم نقاب.. وووبس

نسيت اقولكم ..
اليوم الصبح كنت اريد اقص اضافر ايد بنتي ولا اشوف ايدها اليمين 3 اضافر بتطيح و اليسار ضفرين تروعت عليها وديتها قالي الدكتور نقص فيتامينات شو اسوي فيها :( ماترضى تاكل لا عيش ابيض من يوم صابتها الحمى و طلعت الها الحبوب وتعب و الحين صارت احسن و بخير ..ماترضى تاكل لا عيش ابيض و دياي بس بدون شي احاول سويت الها كل الاغراءات الاكل مب راضيه قالتلي امي شربيها حلول "عشرج " يمكن شي في بطنها و ميخليها تاكل باجر ناويه اشربها ..اشربها حليب فريش و تشربه ..عطاني الدكتور شراب فيتامين ان شاء الله بينفعها ..

و الله اللي اتكلم عنها اسمها ام محمد هي ايرانية لكنها من سنوات تمسد المراخ عبارة عن مساج شوفي انا جربت مسادات للحمل مرتين جربت ام نصر اللي في الوكرة تمسد و تسوي كاسات هوا على الجاف هي طيبة و خيره بس ربي ما كتب لي نصيب حمل معاها .. وجربت ام عبدو بعد تمسد و تسوي كاسات بس هي الله يهديها اولا تتكلم وايد و تشتكي ضيقت صدري و مواعيدها مب تمام و فضوليه بصراحة ماارتحت لها حتى بغيت امسد ٣ ايام خليتها بس يومين لكن الشهر اللي بعده حملت .
هم يمسدون البطن والرحم اكثر شي بزيت الزيتون و بعد باقي الجسم و كاسات هواء الجافة على البطن .
ام محمد انا جربتها في الولادة مسدتني و هي قديمة من يوم انا صغيرةاسمع عنها و اعرف وحدة معرفة شخصية حملت بعد ما تمسدت عندها هي ما شاء الله عليها ضخمة يعني تبارك الرحمن الله يعطيها الصحة تلفج بايد وحده:42: و كلميها تلفون و اسأليها و حاولي تتغلبين على اختلاف اللهجات و الحضارات خخخ:42:
الثلاث مسادات يعطون اعشاب و ادوية و تحاميل اعشاب بس الصراحة انا ما اخذ منهم اخاف و ما احب ادخل اي شي داخل جسمي .. المساج مافيه مشكلة بس الاعشاب ما احب :)
تبين رقمها قولي لي .. بس رقم الثنتين اللي قبل حذفته من زمان بس لو حابه بعد بسأل و اجيبه لج ؟



انا حسيت ان النور في الدوحة يوم الجمعة غير الجو صحو اتاري ام اسمى عندنا :) الحمد لله انج استانستي .. و غيرتي جو
و سوق واقف خلاص صار غالي المنطقة صارت سياحية :09:
بالنسبة لبنتج الله يعينج انا بنت اخوي بعد عندها مشكلة اعرضوها على طبيب نمو في حمد قال عندها نقص في هرمونات النمو و لازم تزودون وزنها خلال كم شهر .. قال كثروا بروتينات في اكلها و ابدأ الاكل بالبروتين لحم و سمك ودجاج و اكلوها غصب طولوا بالكم عليها و صج ما شاء الله مرت اخوى زودتها شوي وقال لهم الحين احسن شوي عاد هي ميته بتموت من الضعف زندها متن صبعي .. :42: انتي حاولي معاها و ابتكري لها في الاكل و اذا ما تحب الخضار خشي الخضار مهروسه وسط الاكل .والله يعينج .

كوود انا اول يوم دورة كانت 5/6 ..والسحب 19/6...والترجيع 22/6.....هههههه كتبت قصة حياتي ...انتظر الشريط حبيبتي ...