code :

مشكورة يا عمري الله يتمم لج على خير .. انا مقتنعة بالهكلام ... بس وين داخل قطر ما في احسن من حمد .. خارج قطر في اماكن وايد .. مثلا وحد مثلي 9 اجنة مجمدة كلها من نوع مضغه( يعني مثل ما قلتي كلهم اجنة من عمر 5 ايام - نظاهم في المجمد يجمدون اللي يوصل خامس يوم بس .ز) غير الاثنين اللي رجعتهم في الفريش ... ما يصير حمل في ولا واحد و كلهم من درجات عالية .. حتى بعد الفك .. انا ادري انه نصيب بس في اسباب ... في تقنيات وايد متطورة اولها الفحص الجيني .. و المناعي .. و بعد في تقنيات مثل تحفيز بطانة الرحم .. وايد امور بس هو قسم محلك سر .. و الشكوى لله هذا المتوفر ..اصلا احسه استعباد .. انا ما كنت ناوية ارجع المجمد هالمرة و اسوي محاولة فريش تدرين ايش قالولي ؟؟؟!!:angry2: اذا استغنيني عن المجمد هالمرة و سويت محاولة فريش و صار عندج اجنة اضافية ماراح نجمدلج ..:eek: قلتلهم شنو يعني عقاب ؟؟! قالوا عندنا تكدس و اجنة من 16 سنة و اكثر .. و مب عارفين نوصل لاصحابهم و نشوف الخبير القانوني علشان نحط اعلان لمدة شهر و من هالسوالف ... عاد انطر يا ........ لكن انتي وين سويتي .؟؟ في قطر و الا في دولة ثانية ؟؟ بالعكس انا وجهتي الجاية ان شاء الله مركز ثاني بس فعلا محتارة مادام عندج خبرة فيدينا ؟؟؟ ليش خخخخههه عادي .. انا سبحان الله شاقة الحلج اليوم ..يوم الثلاثاء كان يوم الانهيار بالنسبة لي .. صحت شوي اول على الخفيف و كنت مكتئبة .. بس بعدها الحمد لله .. تعرفين اول شي دايما اسويه اول ما تفشل محاولة .. اسوي لعيالي كيك .. ما ادري ليش .. ؟؟!؟!:o هل هي صدفة ؟؟ هل في شي العقل الباطن ما ادري ؟؟؟!!

مشكورة يا عمري الله يتمم لج على خير .. انا مقتنعة بالهكلام ... بس وين داخل قطر ما في احسن من...

امل ورجاء :

حبيبتي انت وين رحتي باي دولة واي مركز وعند اي دكتور ؟؟؟؟ انا مشكلتي الاجسام المضاده الله يشافيني ويشافي كل مريض يارب وسؤال ثاني كم الفترة اللي تميتي هناك وكم المبلغ كامل ؟؟؟؟؟ واسفه على الازعاج

حبيبتي انت وين رحتي باي دولة واي مركز وعند اي دكتور ؟؟؟؟ انا مشكلتي الاجسام المضاده الله يشافيني...

Smile Forever :

تعالجت في لندن عيادة الدكتور محمد الترنيسي ال ARGC في موقعهم بتحصلين لستة الاسعار بصراحة اتجهت لهم لان الدكتور كانوا يهاجمونه على نجاحه واسلوبه المبتكر لنجاح الكثير من الحالات الي عندها تكرار الفشل و السبب كان غير معروف و هي الاجسام المضاده و هي كثير و التحليل الي يقوم فيه ينبعث لمختبر في شيكاغو حتى في بريطانيا ماعندهم هالمختبر هني يمكن يحللون الي يقدرون عليه لكن مب كل النحاليل يقدرون يعملونها هني و من فتره كان في دكتور زائر لحمد و كان مع محمد الترنيسي في السابق كان مع دكتوره لولوه و جيت عطيتهم تحاليلي علشان يكون عندها فكره و قالت بيحاولون في المستقبل يتعاقدون مع المختبر هناك و يستخدمون نفس الاسلوب للعلاج:)واشوف بدؤ يصرفون لكم الاسبرين والكلكسان والكرتزون وهو يجزء مهم من العلاج لكن في شي عالجته قبل, كان عندي جسم مرتفع اسمه TNFa وعلاجه بتستغربين ابر للي فيهم التهاب مفاصل ولما تصير النسبة معتدله يبتدون العلاج للحمل..اتمنى اكون افدتكم.

تعالجت في لندن عيادة الدكتور محمد الترنيسي ال ARGC في موقعهم بتحصلين لستة الاسعار بصراحة اتجهت...

امل ورجاء :

إيوا اذكر جاه دكتور بريطاني وخذيت عنده موعد 29-1 بالضبط وهو اللي طلب اعمل التحاليل وبقيت مع د.لولوة

إيوا اذكر جاه دكتور بريطاني وخذيت عنده موعد 29-1 بالضبط وهو اللي طلب اعمل التحاليل وبقيت مع...

code :

خخخ انا سويت كب كيك عيالي كلوا شو و قطوه و زوجي قال شكله ما يشجع .. و انا بروحي جبرت في خاطر نفسي و كلت حبتين .. و عطيت الخدامة حبة بس ما ادري كلته و الا قطته :eek: عادي انا زوجي بعد فشل المحاولة يبعد شوي .... تعرفين الريايل ما يعرفون يعبرون .. هذي طريقتهم في الزعل.. اي انا دخلت الموقع و شفت .. وبعدين بحثت عنه و شفت مشكلته مع البي بي سي في 2007 لما هاجموه على سالفة علاجات المناعة ..و اسعارهم صراحة حسيتها معقوله جدا ما حسيتها وايد .. فاحتمال اروح لندن على شهر 12 يمكن امر لو بس اسوي فحوصات .. الكلاكسان و الاسبرين صارهم كم سنة متعلمين عليهم .. بس مثلا انا اخذهم بدون ما اسوي اي فحص من فحوصات المناعة مرة ثانية نرجع لنفس المشكلة .. فستان مقاس واحد للكل .. و هل جربتي الانابيب عندهم ..؟؟ حملتي؟؟

خخخ انا سويت كب كيك عيالي كلوا شو و قطوه و زوجي قال شكله ما يشجع .. و انا بروحي جبرت في خاطر نفسي...