مساء الخير صباياا

شخباااركم

انا اليوم رحت وسويت عمليه السحب ,,,يممممه كنننت خاايفه لان اول امرة اخذ تخدير كامل
دكتور التخدير عطاني جرعه وحده بس

سحبوا مني 18 بويضه

وقالوا لي اتصل بكرة

وصرفت لي الدكتورة تحاميل سايكلوجست بس

من رجعت البيت الظهر وانا احس اني موب قادرة اوقف على حيلي و لا اشد ظهري ولا قادرة اقعد مثل الناس

الحين احس احسن شوي من قبل ,,

بس ابي اعرف التحاميل اقدر اخذها من ورا ؟؟ سوري على السؤال

اي نسيت اسالكم بنات ,, شنو الممنوعات من الاكل بعد السحب ؟؟

روز باريس

الحمد لله على السلامة .. مبروك .. بضتي خخخخ ان شاء الله يارب يتلقحون كلهم ..

التحاميل خذيها من ورا عادي بس انا رأي تنوعين لان لو طول الوقت من الامام بعد فترة بتحسين بنوع من الالتهاب و لو من ورا فترة طويلة.. اسهال فالافضل بالنهار من ورا علشان تتحركين براحتج و بالليل من جداع لان لما تحطينها من جدام لازم ترقدين ٣٠ دقيقة بعدها.

اذا حسيتي بالم و تعب عادي تاخذين ( قبل الارجاع ) بندول او بروفين ..انا اخذ حبة بروفين تريحني.

بالنسبة للاكل .. شوفي في اراء وايد .. انا عندي قناعة ان اهم شي توقفينه الكافين (في الشاي في القهوة في البيبسي) و تكثرين من الماي علشان سيولة الدم و في ناس تقول الحليب.. و الاشياء الممنوعة عن الحوامل .. انواع من الاجبان .. التونة علشان الزئبق .. و الاكل الني او النص مستوي .. يعني انا اموت على السوشي بس اوقفه فترة الارجاع و الحمل .. علشان السمك ني ...
في دراسات تقول ان كثرة السكريات تقلل فرص الانغراس بس هي اقتراح او دراسة ..

ايش شي ثاني كلها اجتهادات .. اخذي الراي اللي يعجبج وتركي اللي ما يعجبج.. بتلاقين قوائم طويلة من ممنوعات الاكل ..بس انا ما احس انها منطقية ... ما راح يبقى شي تاكلينة اشدعوه تعذيب و رجيم مب حمل :)

موفقة يارب .

انزين هالتحاميل تعتبر مثبتة صح ؟
ليش اخذها قبل الارجاع ؟

تحمليني كوود فديتج

عادي يا عمري .. احنا نعين و نعاون ..

هذي هرمون البروجسترون اللي نسميه بالعامية مثبت .. يعطونج اياه قبل علشان وقت الارجاع يكون موجود في الجسم بكثره لان الهرمون يساعد على انغراس الاجنة و يهيئ الرحم لاستقبال الاجنة.. المبايض تفرز هالهرمون عقب التبويض بس مب كل الناس ينفرز عندهم كفاية ..
الله يوفقج يارب و تحملين و و نفرح فيج مثل ما فرحنا في اللي قبلج يارب .