سلامتج يا روز عورتي قلبي،
دام البيبي أوكي فالحمد لله ،، لا تروحين عيادة الدوحة ،، ما به الا مها الشاطرة و زحمة موت ،، أنا من رأيي ريحي يومين اذا النزيف خف وعقب روحي لدكتور خاص ،، من تجربتي عدنان شاطر سحر العاني دقيقة ومخلصة و عندك بدر الدين توه فتح عيادة خاصه،،،،
يمكن المبايض متأثرة من المنشطات ،، أنا اليوم نزل علي دم مع الم و رحت للطوارئ ،، صورني البيبي بخير ولا فيه دم في الرحم ،، من وين نزل الدم ما ادري ،،،
الله يتمم علي وعليج وع كل المسلمات
سلامتج يا روز عورتي قلبي، دام البيبي أوكي فالحمد لله ،، لا تروحين عيادة الدوحة ،، ما به الا مها الشاطرة و زحمة موت ،، أنا من رأيي ريحي يومين اذا النزيف خف وعقب روحي لدكتور خاص ،، من تجربتي عدنان شاطر سحر العاني دقيقة ومخلصة و عندك بدر الدين توه فتح عيادة خاصه،،،، يمكن المبايض متأثرة من المنشطات ،، أنا اليوم نزل علي دم مع الم و رحت للطوارئ ،، صورني البيبي بخير ولا فيه دم في الرحم ،، من وين نزل الدم ما ادري ،،، الله يتمم علي وعليج وع كل المسلماتسلامتج يا روز عورتي قلبي، دام البيبي أوكي فالحمد لله ،، لا تروحين عيادة الدوحة ،، ما به الا مها...
الله يسلمج يا قلبي
بدر الدين وين عيادته ؟ ولا شنو اسمه الكامل علشان اطلع رقم العيادة من كيوتل
الله يتمم لنا ولج يارب على خير
بدر الدين وين عيادته ؟ ولا شنو اسمه الكامل علشان اطلع رقم العيادة من كيوتل
الله يتمم لنا ولج يارب على خير
هلا روز والله ما اعرف بس بسالج ،، الي اعرفه انها قريب من الاند ماركهلا روز والله ما اعرف بس بسالج ،، الي اعرفه انها قريب من الاند مارك
روزز باريس والله عورتي قلبي الله يشافيج ويخفف عليج ويهون عليج حمالج ان شاالله بنات بسالكم معطيني موعد حق التحليل عقب أسبوعين ممكن يبين في اليوم العاشر او الاحدى عشر وممكن تبين أعراض الحمل قبل الأسبوعين
الصفحة الأخيرة
انا وين اتنسى وانا كل يوم مرقده في المستشفى !!
ترقدت للمرة الثالثه 5 ايام وتوني طلعت امس
بس هالمرة الالم كاان غييييييييييييير
الله لا يوريكم شفت الموت بعيني ,,رحت الطوارئ ونزلوني بكرسي من السيارة لغرفه الطبيبة على طول
وانا احس نفسي انقز من السرير مو ثابته من شدة الالم
كان الالم من الجهة اليمين بس عطوني ابرة مهدئة ولا فادت حسيتها زادت الالم ,,جابوا جهاز الالتراساوند لين عندي في غرفه الطبيبة وتطمنوا على البيبي الحمدلله زين
بس المبيض صاير اصغر من قبل و السوائل قليله حييييل
وهالشي اللي حيرهم وحيرني ليش هالالم و المبيض صاير اصغر من قبل ؟؟
رفعوني الجناح والالم مثل ماهو قاعده اصيح من الالم وحطوا مسكن في الوريد وجابوا لي فريق جراحين من مستشفى حمد
لانه شكوا ان اللي فيني دودة زايده ,, وقرروا الجراحين ان مافيني زايده , وفي الليل صار معي نزيف قوي قمت اصيح تخرعت وخلوني النيرسات اصوم من 10 في الليل مادري ليش
الصبح جاني دكتور النساء الاجنبي اللي دايم بالطوارئ وكان الالم خف معاي و الدم خف تقريبا
قالي انا كنت بدخلج غرفه العمليات وافتح بطنج علشان جذي خلوني اصوم ,,انا بطلت حلجي قلت ليش ؟
قال لاني شكيت ان المبيض عندج ملتف وما يتعدل الا بالجراحه بس دام ان الالم خف معاج معناته ان امورج زينة
لان التفاف المبيض ما يخف معاه الالم
قلت زين و النزيف ,,قالي ان سونار الطوارئ مبين فيه ان فيه دم في رحمج حول الجنين ,, فاحسن ان ينزل
و سوو لي سنار مرة ثانية يتاكدون من البيبي بعد النزيف ,,لقوه الحمدلله اوكي ولقوا باقي نتفه دم
قالوا لي ممكن تنزل على شكل افرازات بنية او ممكن يمتصها الجسم
بس صار العكس نزل معاي دم احمر مرة ثانية بس اقل من قبل وطمنتني الدكتورة قالت عادي لا تخافين
وزادت لي المثبتات
بس الالم معاي للحين يا بنات بس بشكل اخف ما يروح الا لما اكل بندول حسب ما وصفوا لي
والحين انا في البيت وما اتحرك من السرير ,, اذا مشيت شوي يعورني ظهري
انا محتارة يا بنات ابي اعرف مصدر الدم من وين انا حاسه ان المبيض فيه شي
ودي اروح لعياده الدوحه اشوف شنو بيقولون لي ,, شرايكم ؟؟