غلا عمري حياج بينا يالغاليه.. والله يوفقج يارب

حبيبتي نواري ربي يفك ضيقك ويفرج همك انا ماعندي علم بالمنشطات لكن عليك بسورة البقرة والاستغفار وان شاء الله بترتاحين

جزاج الله ألف خير أخت ست بيت شاطره

اسم الله عليج نواري دلوعتنا .. أنا من بدئت علاج ساعات تجيني ضيقه يمكن تغيير هرمونات او شي  ... عليج بالقرآن والاستغفار .. حاولي تطلعين تغييرين جو وما عليج شر ان شالله وطمنينا عليج  :)

مسا الخير
ماشا الله الملف صار نشيط ،، انا خذت موعد في اخر شهر واحد
المهم يا نواري اهم شي نفسيتك،،

انا سويت أنابيب ونجحت من اول مرة بس جاتني ولادة مبكرة في السادس وماتوا الي ببطني
المهم قبل لسوي العملية كنت اكثر من البروتينات والبيض بالذات والماي والخضرة وكنت يوميا اقوم باخر الليل واصلي واستغفر واقرأ قران لين يأذن الفجر،، ويوميا اقرأ البقرة ، وطبعا جهزت لي غرفة بالدور الارضي وجبت دي في دي وأفلام كوميدية ومسلسلات احبها ومسرحيات،، وشريت ملابس نوم جديدة وكل هذا عشان اكون مبسوطة ونفسيتي زينه،،
واليوم الي سويت العملية ،، حاولت قد ما اقدر أتم عندهم بالمستشفى وبعدين طلعت البيت وخذت ثلاث ايام ما تسبح،، واصلي وانا جالسه ودائما منسدحه ع ظهري
وقبل العملية رحت لدكتورة بالخاص وفحصت عن كل شي واخذت كورس مضاد حيوي احتياط وطبعا في شي مهم والي هو الصدقة والثقة بالله
والله يسر لكم أموركم ويرزقنا جمعيا بذرية صالحه