والله روعه وحفظتهم عندي

تسلمين والله يحقق لك الى في بالك يارب

مشاءالله تبارك الله قبل كل شي واللهم صلي على محمد وعلى اله وصحبه الكرام من جد تسلم الايادي مبدعه وجعلها الله في موازين حسناتك مجهود طيب و صدق مبدعه واكلاتك اكثرها مشاء الله سهله وانا اعتبرها بعد ذكر الله والصلا على النبي ..... كتاب طبخ ومرجع لنا :26:

ماقول غير رحم الله والديك وبارك الله لك ولهم بحياتكم وجمع شملكم ولا شتته ووفقكم الله بالازواج الصالحين البارين الي يشيلونكم عن الارض شيل ويحطونكم وسط العين ويعرفون قدركم ولاخوانك الزوجات الصالحات البارات فيهم ويرزقكم الذريه الصالحه المعافه ولوالدينك بطولة العمر والصحه وحسن الختامه والسعاده لكم بدارين :26:

غرومة الحلوة..أمس جربت لج هذي الأنواع..

هذي الفتة لذيييييييييييذة..لكني نسيت أحط الخبز المحمص:D
http://www.3roos.com/up4/DSC02288 copy.jpg

وهذي سلطة المشاوي..كنت أريد أصورها بالشكل النهائي..لأني فرشتها في صحن بعدين حطيت عليها المشاوي طلعت رهييبة جنها حديقة هههههه لكن كان عندنا عزيمة وزحمه ما قدرت أصورها..
http://www.3roos.com/up4/DSC02287 copy.jpg

الــكــابــتـشـيـنـو اللذيذ والسهل ورغوته كثيفة جدا ..
هالطريقة أخذتها من صديقة أمي "مها" جزاها الله كل خير ، جد هالطريقة ماقمت استغني عنها والله من لذتها وروعة الرغوة اللي فيها ، الرغوة تقدرين تحفظينها 3-5 أيام بالفريزر ماتخرب وإذا جاك ضيوق غفلة طلعي الرغوة وضيفي لها حليب ساخن وبس ..

المقادير :
للرغوة:
1\4 ك نسكافيه
1\4 ك سكر
1\4 ك ماء بارد

للكوب:
ك حليب ساخن
م ك كوفي ميت
م ص نسكافيه للتزيين

الطريقة :
اخلطي مقادير الرغوة مع بعض واخلطيهم بالخلاط اليدوي لحد مايتغير لون الرغوة للون فاتح وتشتد مثل الكريمة "تقريبا 10-15 دقيقة" ، حطي الكمية بعلبة محكمة الاغلاق وخليها بالفريزر والرغوة تقدرين تحفظينها 3-5 أيام ، صور الخطوات ..









نسوي الحليب عادي ونضيف له الكوفي ميت ونخليه يغلي ، أنا أفضل عمل الحليب البودرة لاني أتحكم بكثافته وأحلى الحليب الثقيل ..
نضع 2 م ك رغوة النسكافيه في الكوب وصبي عليه الحليب الحار وحركيه عدل لحد ماتختلط الرغوة بالحليب ، ثم صبي حليب زيادة لحد ماترتفع الرغوة لطرف الكوب ، تابعو الصور راح تفهمون قصدي ..

نضيف للكابتشينو النسكافيه كتزيين ..



قدميها وبالعافية عليكم ..



وهذا بعد ماشربت منها شوفو الرغوة شلون روعة :21: ..