um buti
•
مشكوره وتسلم ايدج وعساج علي القوة
غرومة..
•
الفتوش روووووووعة جربو طريقتي هذي والله ماراح تستغنون عنها ..
المقادير:
1 1\2 ك خيار مقطع مربعات صغيرة
1 ك طماطم مقطع مربعات صغيرة
1 - 1\2 ك فجل أحمر مقطع مربعات صغيرة
1 - 2 ك بربين <<< الرجلة "نقطع الأوراق بس"
1 ك بقدونس مفروم ناعم
2 ك خس مفروم
2 م ك نعناع مفروم
خبز محمص مقطع مربعات
التتبيلة:
1 م م دارسين ، 1 م م سماق ، 1 م م فلفل أسود ، م ك نعناع ناشف ، ملح ، 1 م م بابريكا ، 1\4 ك دبس الرمان ، 1\4 ك ليمون ، 1\4 ك زيت زيتون
أو نستخدم التبيلة الجاهزة "بدل البهارات" من كنور بالريحان والزعتر " أحلى شي بكل الأنواع عن تجربة" هذي صورتها..
الطريقة:
تخلط المقادير مع بعض وتخلط التتبيلة في وعاء بروحها ونصبها على الخضار قبل التقديم ب10 دقايق أو أقل عشان ما تذبل..
وقبل التقديم مباشرة نضيف الخبز المحمص بهالطريقة بدون خلط وممكن نضيف شوي دبس الرمان على الخبز المحمص إذا تحبون طعمه زيادة "مثلي "..
وهذا شكله الثهائي..
وهذا كان لي عشان جذي زايدة دبس الرمان..
وممكن تقدمينها للعزايم بهالطريقة ..
غرومة..
•
سلطة المشاوي لذيــــذة جدا جدا ، مع أو بدون المشاوي "لاني من عشاق البصل والبقدونس :21: " ..
المقادير:
1 ك بصل مقطع جوانح رفيعة
1 ك بقدونس مفروم خشن شوي
التتبيلة : 3 م ك سماق ، 2 م ك زيت زيتون ، ملح
الطريقة:
افركي البصل بالسماق عدل وبعدين ضيفي البقدونس واخلطيهم عدل وباقي المقادير واخلطيهم وقدميها مع المشاوي ..
وهذي صور عملها بالترتيب..
غرومة..
•
حمص :21: ..
ترى المقادير على ذوقي يعني انت غيريها على ذوقج وسمك الحمص وسيولته على ذوقج :) ..
المقادير:
1 1\2 ك حمص حب مسلوق
3\4 ك روب
1\2 طحينية
التتبيلة: 1 م م كمون ، 1 م م فلفل اسود ، رشة ملح ، 1 م ص بابريكا ، فص ثوم مهروس ناعم ، 4 م ك عصير ليمون
الطريقة:
حطي كل المقادير بالخلاط وخليهم لحد ما يوصلون للسمك اللي تبينه واذا صار الحمص سميك زيدي شوية ماء بارد كل شوي م ماء لحد ما توصلين لللزوجة اللي تبينها او بالعكس اذا تحبينه جامد زيدي حمص ثم حطيه بطبق التقديم وزينيه وصبي علية زيت زيتون..
غرومة..
•
سلطة خضراء ولكن :42: ، روعة وشكلها مميز خصوصا بالبوفيهات ..
المقادير:
2 ك خيار مفطع ناعم
1 ك طماطم مفروم ناعم
1 ك بقدونس مفروم ناعم
1\3 ك نعناع مفروم ناعم
ك رمان
ك خبز محمص
التتبيلة: 1\4 ك زيت زيتون ، 4 م ك عصير ليمون ، ملح ، رشة دارسين ، م ص فلفل اسود ، م ص نعناع مجفف ، م ص بابريكا ، رشة سماق
الطريقة:
تخلط المقادير ماعدا الرمان والخبز ويرش خليط الصلصة فوقها وتقلب ..
ثم يصف كلا من الرمان والخبز على الوجه بهالطريقة وبالعافية :21: ..
وانتظروا القادم ألذ وأروع بإذن الرحمن :) ..
الصفحة الأخيرة