om_s_ali
•
الله يسلم هالاياااااااااااااااااااااااادي على الملف الاكثر من رائع
غرومة..
•
سلطة الـفــتـــة على طريقتي والله روووووعة ولذيذة جدا :21: ..
سبق ونزلتها من قبل بموضوع ، لكن مع إضافة جديدة..
المقادير:
2 ك بطاطس مقطعة مربعات صغيرة
2 ك باذنجان مقطعة مربعات صغيرة "القشر ممكن تخلينه << يعتمد على الذوق"
2 ك حمص حب
1 ك خبز مقطع مربعات صغير ومحمص
الصلصة:
1\2 ك طحينية
1\2 ك عصير ليمون
4 م ك مايونيز
1 ك روب "وممكن تزيدين إذا حسيتيها انها جامدة"
2 فص ثوم مهروسة ناعم جدا
ملح ، م م فلفل اسود ، م ص بابريكا
للتزيين : بقدونس مفروم
الطريقة:
قلي كلا من البطاطس والباذنجان والخبز بالزيت كلا على حدى وخليه يتصفى من الزيت ويبرد..
اخلطي الباذنجان والبطاطس والحمص شوي شوي عشان ما يتعجن :) ..
سوي الصلصة:
اخلطي الطحينية والليمون والروب والثوم والملح والفلفل الاسود عدل..
صبي نص الصوص واخلطي المكونات شوي عشان تتشربها..
وبعدين صبي باقي الصلصة على الوجه وقبل التقديم ضيفي الخبز المحمص على الوجه "بنفس الوقت عشان لا يطرى" وزينيه وقدميه وبالعافية ..
غرومة..
•
سلطة سيزر روعة بأقل من 10 دقايق وألذ من أكبر مطعم ..هالسلطة روعة وسهلة وحلوة للبوفيهات لانها ما تاخذ وقت بالمرة :21: ..
المقادير:
4 ك خس امريكي وعادي مقطع مكعبات عرض 2 سم
ك شرايح دجاج بدون عظم "مسلوقة ومسوية أو مشوية بس ، على حسب الرغبة "
خلطة سيزر سلاد من كنور
ك توست محمص بالفرن مع زيت زيتون
1\4 ك جبن آدم مبشور
4 م ك جبن بارميزان
هذي علبة البارميزان ..
وهذي خلطة السيزر..
الطريقة:
قطعي الخس واغسليه عدل ثم جففيه و اخلطي جبن آدم مع الخس..
اشوي الدجاج بالشواية لحد مايتحمر شوي مو وايد وصفيهم على الخس ..
سوي خلطة السيزر مثل ماهو مكتوب عليها وصبيها على الخس والدجاج ثم رشي جبن البارميزان عليهم ، ثم زينيه بالتوست المحمص قبل التقديم وبالعافية ..
الصفحة الأخيرة