انا ييييييييييييت
شخباركم

مالي خلق اقرا
في احد يعطيني المفيد

زوزو
شطلها مبدعه
ذكرتني بناعمه الهاشمي
وذكرتني بجوزاء الله يذكرها بالخير

هلا رقوووووو وينك مختفيه اليوم

اخواتي الغاليات الرائعات

الله لايحرمني منكم يارب

كلامكم بلسم على قلبي وما اقول الا ربي لايوريكم اللي شفته و يسخر لكم ازواجكم يارب

انا رحت بيت اهلي من بعد التطعيمه مباشرة وتغديت هناك و زوزو لما كلمتيني كنت بالنص بين بابا و بين زوجي بتغدا وبعدها مباشرة خرجت مع ماما وبابا وجلسنا في كافيه من الساعة 5 لغاية 8 و احنا بنتكلم هناك

طبعا انا كبرتها جدا جدا جدا وقلت لعم زوجي الكبير بما انه ابو زوجي متوفي و قلت لأخو زوجي وقلت لأخت زوجي وكلهم كبار وكلهم متأكدة من انهم ناس يحبوني مرة وما يسكتو عن الحق

خاصة اخته الكبيرة دي زي البلسم و كمان عاشت نفس ظروفي لانه زوجها خانها اكتر من مرة فهي مستاءة جدا من الوضع اللي وصل له اخوها و انه بيعيد قصتها معاي

اما عمه فهو شخص مرة يحبني و عأساس يجي بكرة عندنا و يكون وسيط
و اللي في نيتي طبعا انه يكون في وعود منه قدام ناس كبار في العيلة

طبعا امه حرمة عمرها 70سنة ومريضة و اخاف اقللها يصير فيها شي بس برضو هي ورقة اخيرة في يدي حارميها لو عرفت انه مستمر

اما الورقه اللي في يدي دحين هي خطة انا بمشي فيها حاليا

هي تتعلق في صديق في العمل ومقرب جدا جدا لزوجي و هو مصري و انسان طيب و غلبان عمره 60سنة
طلبت اليوم من زوجي نطلع نتعشى في مكان ونتكلم براحتنا عشان راكان حبيبي صاير نفسيته تعبانة و طول الوقت شابط في و بيبكي و يقللي حبوه ماما أبيبي =حبيبي

و لما جينا نطلع طلبت من زوجي يعزم صديقه المصري دا يجي معانا هو و زوجته اتعرف عليهم و زوجته عمرها 50سنة و انسانة رائعه بمعنى الكلمة والله بجد المصريين دول ناس رائعين بجد و ارتحت كتير لما قعدت معاها
وعلى فكرة صديقه دا بيعرف كل شي عن حياتنا الشخصية والعائلية وعن مشاكلنا

المهم واللي صار اننا رحنا وتقابلنا وقعدوا زوجي وصديقه يتكلمو في الشغل <<<<الا وهو المطلوب
كنت بدي اعرف مين اصدقائهم ومين دا ومين دا وطبعا فهمت تقريبا كيف زوجي بيقضي وقت دوامه
وعرفت انه كل اللي بيعمله كان بفترة الدوام وتقريبا عرفت مين اصدقاء السوء ومين اصدقائهم في الخير

و رميت جزء بسيط في الكلام عن مشكلتنا قدام الرجال و مراته فلقيته انصدم جدا انه في مشكلة عند زوجي و هو مايدري عنها وتقريبا فهمته هي بطريقه غير مباشرة فشفته بدأ نصايحه وانقلبو هو و مراته على زوجي و وقفو معاي مباشرة بس زوجي صدهم ومارضي يطرح المشكلة وانا قلت لهم ماحأقول الا اذا هو قال بس هو رفض تماما انه يقول و انا سكتت و رجعت في احاديث عامة مع الست المصرية العسل دي


و حاليا في بالي شي واحد انه اخلي الرجال دا يعرف الحكاية و انا متأكدة مليون في المية انه ماحيقبل ابدا باللي بيصر دا نهائيا و ممكن يكون عين لي هناك في العمل تبع زوجي و حيكون حذر جدا من انه يسيبه في حاله اذا حس عليه انه عنده شي

خاصة انه هالرجال عنده بنت قدي وزوجها بيخونها برضو و حكالنا عليها وعلى قهره من الرجال اللي مابيصونو كحل عينهم


بنات

تعبت ماني قادرة اكتب سامحوني بدأت ابكي و بكرة باذن الله بدي احكي لكم شو صار مع بابا لما عرف وكمان اقللكم عن تطعيمة سلطان و راكان واخبارهم

غندوره...الف شكر على رفعك لمعنوياتي الله يرفع قدرك.

انا البلسم...تروحين وترجعين بالسلامه والله يعطيك على قد نيتك

زوجة رجل طيب ..انا الاغلبيه نعم....وكتاب البوصله الشخصيه حلوو ممتع جدا..لكن الفايده منه نسبيه ..الله يعطيك العافيه على الوضوع انا قريته..

بلورة الشرق ..بالنسبه للمدرسه اذا تسمحي لي ..جربي مدرسه مو لازم تكون مشهوره ومعروفه لانها بيكون فيها تكدس ..لكن شوفي لك مدرسه فاتحه لها كم سنه بس اسألي عن تأسيسها لان بنتك فيالصفوف الاوليه محتاجه اهم شي تأسيس وكمان تكون معاملتهم كويسه (يدلعونها) علشان تكون خبرتها تجاه المدرسه ايجابيه ...وانتي جربي الترم الثاني وتقدري تغيري المدرسه عالسنه الجديده لو ماعجبتك
والسفر سافري وراك جلسه محترمه شهرين ..والاستخاره مطلووبه ..