حورية لا تنسي ترسلي الصور

بنات تصدقون زوجي غريب.. له كم يوم بس جالس معاي ومايطلع لاصحابه واذا اتصلو عليه يتأفف ويعتذر<<< مو عادته دايم هو يتصل عليهم ويزعجهم ولازم يوميا يسهر برا
لا وامس حلف علي الا نطلع الساعة 2 بالليل ندور بالسيارة يقول الجو هدوء وحلو
موعادته مع اني ماتغيرت بشئ نفس حياتي

صباح الخير

بلوره و غندوره و بلسومه و بنت عزوز وعقولة وكلكم الباقين طبعا

الحمدلله وضعي استقر شوي فعلا زي ماقلتي يابلسومه بس المشكلة في جرح الأنوثه اللي في بغض النظر عن جرح القلب والمشاعر والكبرياء اللي في

وهادا كله كوم وصورة الملك الشهم اللي في نظري فعلا كانت هي السبب في انهياري لاني طول حياتي وانا انظر لزوجي نظرة بانه انسان معطي لنفسه قيمة زيادة وانه طبيعته جفص و جدي وعقلاني وتفاجأت لما عرفت انه هو بذات نفسه بيوقف زي المراهقين قدام باب مول و يجري ورا البنات والحريم يترجاهم و يذل نفسه عشان يعطيهم الرقم

يعني انا الموضوع كله كوم والنقطة دي كوم تاني والله ...... وهي اللي خلتني أنهار و ابكي و ينحرق قلبي
عارفين كيف انه تتفاجؤو بانه زوجك له وجه تاني مختلف تماما عن الصورة اللي انا ماخدتها عنه
ياجماعة ايش لسان ينقط عسل و ايش كلام حلو و ايش رسايل تفرفش القلب وايش صباح الورد ياورد و صباح الفل والورد والياسمين و ايش غزل يووووووووووه والله لو بيقللي هالكلام دا ماكان صار اللي صار

تصدقو عاد انه لما كنت ارسل له رسالة بصبح عليه فيها واكتب صباح الخير يقوم يرد علي برسالة مكتوب فيها ( صباحو )بس

تخيلو عاد اني بعد ماكنت ازعل من هالحكاية رحت مرة وقفت قدام المراية وكلمت نفسي وقلت لها طالما انه زوجك جفص في طبعه وشخصيته وهو كدا كتومي وماهو متقصد هالتصرفات معاكي لاسباب او مشاكل اذا لاتزعلي و تقبليه زي ماهو ومو شرط انه يكون طبعه زيي انسان يعبر دايما عن مشاعره او انه يكون شخص انا برسمه في خيالي بس واقعيا هادا الرجال ماهو موجود في زوجي للأسف ولازم اتقبل الموضوع دا بس برضو يانونة لاتوقفي محاولاتك في انك تخليه يتغير بس بكل هدوء و حب فجري بركانه المكتوم من مشاعر

عارفين يعني زي مايقول المثل رضينا بالبين و البين مارضي فينا

يعني انا اللي قبلتك زي ما انت و محاولاتي مستمرة في التعايش معاك زي ماانت تلافيا للمشاكل اطلع مخدوعة بصورتك الوهمية و شخصيتك دي بس ما اقول الا حسبي الله ونعم الوكيل

حاقللكم على موقف غلط بحقي عملته بنفسي وندمانة عليه جدا جدا جدا جدا جدا لاني نزلت نفسي للوساخات والحقارة بس كنت حابه السع زوجي و أقرصه و أوصل له رساله و اظن انها وصلته و زعزعته و زلزلته بس وصلت في النهاية
طبعا انا ما اغطي وجهي الله يهديني يارب و انا ما بحط ولاشي مكياج في الاماكن العامة وطبعا عيوني منفخة ومبطنة وطالعة كني جاوية بس بيضا
المهم ادخل في الموضوع سيدا

لما كنا راجعين من المستشفى وقفنا عند بقاله نشتري موية وكان في سيارة جنبنا واقفة برضو فيها رجال شباب و حليوة مرة وسيارته بي ام يعني ولد عز زي مايقولو قمت انا فجأة كدا ميلت على جنب و نزلت النظارة الشمسيةو نظرت في الرجال نظرة مابتتعدا الثانية والله بس عارفين النظرة الشريرة دي تبعت الحريم اللي تحسي الرجال كله تزلزل من مكانه وتلخبط
هي دي عاد اللي اناعملتها في هالرجال المسكين
يعني فعلا فعلا الرجال كله تلخبط على بعضه وصار محتار كيف يوصل لي و زوجي انتبه عاد على اللي صار و انكتم كتمة بنت كلب و فهم اني باشارة من اصبع يدي اقدر اجيب مليون واحد وراي
لا و الاحلى انه صاحب البي ام دا وصلني لغاية بيت اهلي و زوجي شايفه في المراية و مقهووور بس سكت لانه فهم قصدي من الحركه
بس بصراحة مرة احتقرت نفسي اني عملت كدا و غضبت رب العالمين الله يغفر لي سمحت لحرقة قلبي ترد اعتبارها بالطريقة الغلط


زوزو يا احلى و اغلى زوزو

انتي والله انسانة و زوجة رائعة الله يحفظك لزوجك استفدت مرة من مواضيعك الله يجزيكي كل خير يارب العالمين

شوفي ياستي
انتي كلامك هو نفس كلام بابا اللي قاله اني لازم اتصرفه وانا فعلا متجاهلته تماما ولكني بأؤدي واجباتي بحذافيرها بحيث انه مايقدر احد يمسك علي غلطة
بس بنفس الوقت حطيت في بالي اني انا صرت ارملة من غير شر و هادا الرجال هنا هو عبارة عن بنك يصرف علي انا و اولادي و أب لأولادي لكنه مو زوجي و انه سواق يجيب احتياجات البيت فقط لاغير

مع اني احس انه انشفى قلبي باللي عملته بس برضو موقفي مستمرة عليه

واللي صار انه انا كنت مع اهلي في كوفي شوب فاتح جديد مرة حلو و رائع ومريح نفسيا جدا جدا جدا وكله زرع ونوافير وشلالات ترا بنات جدة لازم تروحوه اسمه بابايا عند سوق الشاطئ والصواري مول ملاصق لكوفي بيين
المهم

انا رحت مع اهلي وقعدنا من 5 لغاية 8 و عالساعة 7 كلمني زوجي بيسألني فينك قلت له برا مع اهلي وماقلت له المكان فقللي انا في باقي كلام لازم اقلك هو بس انا مارضيت وقلت له انا ماعندي كلام ومابدي اسمعك بس بابا أشر لي انه لا مو لازم أصده كدا بقوة ولازم اكون شاطرة و اجرح و أداوي عشان لا أخربها اكتر وقللي خليه يجيكي هنا واحنا نروح عشان حرام اولادك يشوفوكي بتبكي خاصة راكان فقلت له طيب وقلت لزوجي في مكان كدا وكدا وكدا بيقولو انه حلو مرة ومريح للنفسية حخلي اهلي ينزلوني هناك ونتقابل فيه وفعلا جا وصار بعده اللي قلت لكم عنه مع العيلة المصرية دي وطلع كلامه اللي بده يقللي هي مفاجأة بورقة حجز على سوريا بشهر 6 ميلادي و بجوازات سفر سلطان و راكان وطبعا انا رجعت قلقت انه مستمر بخرجاته السرية

بس تدرو بنات انا ضايعة وبتخبط خايفة انه بعدي عنه يخليه يلاقي عذر لنفسه باستمراره بهالأشياء و كمان بنفس الوقت خايفة امثل اني طبيعية و ابطل احترم نفسي
زوزو
ما لي غيرك
ايش اعمل؟

مابدي يلجأ لهالبنات عشان يواسوه

مابدي ينظر للحريم بشهوة لاني مانعته

مابدي موقفي يخليه يلاقي لنفسه عذر بالزنا او القرب من الحريم

بس برضو ماني قادرة اسلمه نفسي او اخليه يلمسني وماني قادرة اتكلم معاه و اشوف وجهه وماني قادرة تجي عيني بعينه

بس خايفة اطيره من يدي بهالموقف

عاد انتي عطيني شورك و انا اكيد باذن الله لي مكالمه معاكي

وسامحيني انتي وغندورة ونداء لانه امس كنت في الكوفي شوب اللي قلت لكم عنه واشوف رسايلكم و اجي ارد بس الزفت جوالي معلق وبيرفض وبيطلع لي امسح بعض البيانات الذاكرة ممتلئة ولما اجي امسح يطلع لي لايمكن اداء العملية الظاهر انه فيه فايروس

نونه ..انا برد قبل زوزو ..>>>ملقوفه
شوفي انتي كم لك تترجيه تروحي سوريا ؟؟
يا نونه لو كان يبي يلعب بديلة بيلعب لو انتي موجوده ...يعني وجودك هو اللي بيرده ..اهو سوا اللي يبي وانتي ما عرفتي
لكن هذا اعتذار وانا من رايي انك محتاجه تروحي بس بشرط اذا بتروحي تروقي وتنبسطي روحي وهذا اللي نبي واذا بتروحين وانتي كل شويه اتصال وكل شوي قلبك محروق ليكون راح ليكون سوا ..لا تروحي لأنه كذا كذا انتي ما راح تنبسطي
لكن خذيها مني روحي وانسي ان وراك رجال خلي اهم شي انتي

نوارة ..بنتي بثالث ..تصلي وانا كل شوي يالله صلي وكل شوي محاضرة وساعات تنام ما صلت العشاء بس عموما الموضوع تدريب ولو استمرينا بالتدريب لحد ما يكبرون 10 ...اتوقع يصلون بس نمي عندها مراقبه الله وان الله مطلع عليها دااااااااااائما
بنت عبد العزيز ..بنتي سألتها بس بنتي عجوز ..وزعلت قالت ليه تورينهم وبغت تمسحها بس لا يفوتك اضحكي عليها جزء ماشاء الله عقل وجزء هباله بس يمكن تستخف دمها عشان عارفه عن اللقاء وغير كذا كبيره
صوت ..كيف ظهرك اليوم ؟؟
هبه ..ساعات يكون من طبيعة الطفل ويزيد لما يرشح ..اسألي الطبيب

زوزو ..ايه هذي النقاط اعجبتني وهذا اللي احاول اسويها وبالفعل الرجل ماهو الاطفل كبيييييير >>>حكم يا بت
لكن ساعات نمل من الاطفال الصغار فكيف بالكبار :(

وي بنات
خبركم الامهات اللي طعلت معاهم
خخخخ
اليوم ناوين نتريق مع بعض
تسيتهم وراحت علي نومه
خخخخخخخخخخخخخ

نـــــــــونــــــــــــه00

الله يهدي سركم حبيبتي 00ويرد لك زوجك زي اول واحسسسسسسن

ويبعد عنكم وعنا والقارين بنات الحراااااااام