السلام عليكم ورحمة الله وبركاته
مساء الخير على الجميع
يومياتي
صحيت الفجر وصليت وبعدها صحيت اولادي للمدرسه سويت لهم فطور وراحوا ورجعت نمت لاني سهرانه لحد 3ونص صحيت بعدها الساعه9 الصباح ولدي الصغير كان مسخن حرارته نار والدكتور يحذرنا من السخونه عشان القلب فكيت له مضاد حيوي وعطيته مخفض حراره وسبحته عشان السخونه وغيرت له وارتاح اشوي غسلت وجهي بغسول ورشيته بماء ورد بارد
بديت بغرفه اولادي الكبار فتحت الشباك ورتبت الاسره ومسحت الدواليب والتلفزيون وكنستها وشفطت الشباك بالمكنسه
وغسلت حمامهم وطلعت على الممرات وكنستها وكنست الصاله لانها مكان جلستنا ومسحت المكتبه والتلفزيون وبعدين رتبت غرفة بنتي وكنستها وشفطت الشباك
ودخلت غرفتي وابو الشباب نايم بغيت ابدا بالسرير بس محتله هههههه فتحت الشبابيك وكنست اخر الغرفه وشيكت على المرايا ومسحت مدخل غرفتي
طبعا المطبخ نظيف من الليل
خلصت 11 حطيت لي فطور انا وبنتي وفطرت وبديت في الطبخ طبخت وخلصت ونظفت معي الكونترات والعلب وغسلت كل الصحون الي على الغساله
وكنست المطبخ ومسحته وكنت جالسه اشتغل على اذاعة القران ما حسيت بالوقت
بخرت الصاله ورحت اصلي ووصلو اولادي من المدرسه وجلست معاهم حتى صحي زوجي وحطينا الغداء



تغدينا وخلصت الصحون غسيل وتنشيف وعلى الدواليب حطيتهم وسويت شاهي وجلسنا وصليت العصر
وزوجي طلع شغله نومت ولدي الصغير
وعلى غرفة النوم
هنا بدات بالتنظيف العميق وهو واجب اليوم
السرير المكيف التسريحه
فكيت المكيف وغسلته في الحمام وخليته ينشف



رجعت على الغرفه فكيت السرير ونظفت تحته ومسحته ومسحت الخشب وعطرته
ورجعت المرتبه بعد ما قلبتها
وعطرتها وحطيت الشرشف ومسحت المرايا وماعندي شرشف مونظيف الحمد لله كلها نظيفه والشرشف الي فرشته توه حاطته يوم الخميس
ومسحت الكومدينات ورتبتها
ورجعت ركبت المكيف بعد ما نظته زي طريقه هموسه بفرشه المكنسه
ونظفت التسريحه ورتبتها وكنست الغرفه
وعطرتها وبخرتها وخلصت
رحت حطيتلي خلطه للشعري زيوت من زيت السمسم والزيتون وزيت الخروع والصبار والجرجير ودابر املا وزيت النارجين ورحت اصلي المغرب وجيتكم اكتب يومياتي
انا عجبني الجدول لانكم العميق بكون شويه
عشان ما اتعب واعطي باقي البيت حقه في التنظيف وخصوصا انه عندي حوشين كبار وانظفها انا يوم ايه ويوم لا كنس ومسح
اما بالنسبه للخلطات الي حاطينه عجبتني وجاري اجيب اغراضها عشان اغلبها مو متوفره عندي
الحين البيت كله معطر ومبخر ويفتح النفس
بسوي عشاء لولادي واخذلي دش واستشور شعري

عدت بتكملة اليوميات :icon28:

بعد صلاة العصر راح ابو الشباب يتفرج على مباريات كاس العالم سويتله شاهي وخرجت البزوره يلعبون في الحوش

وانطلقت لغرفة النوم كنستها وشلت مفارش اسرة اولادي وغسلتها وشريتها

وبعدين فكيت المكيف وغسلته وعطرته



وهنا بعد التركيب



وبعدين فكيت الستاره وغسلتها وبعدين فكيت الشباك وغسلته


ونظفت الزوايا الضيقه وكل الشغل كوم وهذي كوم تعبت منها





هذي قبل وبعد

وبعدين ركبت الشباك والستاره وفرشت مفارش السرير

وصارت الغرفه تفتح النفس :)

السلام عليكم ورحمة الله وبركاته متأخره شوي بس اعذروني غصب طلعت مشوااار العصر

لكن رجعت وفي جعبتي الكثيررررر

قمت على مكيف غرفتي فكيته من عروقه<<حاقده عليه

المهم فصفصته فصفصه




والقطع دخلته تتسبح شوي وبعدين شمستها




بعدين رجعت لامهم ومسحتها مسح عميق <<والله ياطلعت بلاوي

المهم النتيجه كانت مرضيه

شوفوا كيف تبرق بررق ماشاء الله





المهم بعدها اتجهت الى اين؟<<<اتجهت الى التسريحه يأبله هموسه

وبصراحه ماكان عاجبني انها تكون فاضيه قمت دورتها دورتها براسي وطلعت بفكره بس لاتنخرعوووون منها

طلعت فستان صباحيتي وشفت شغلي معه ههههههههههههه

قصة تهوري نزلتها على هالرابط
للي يبي يضحك

http://forum.hawaaworld.com/showthread.php?p=47079253#post47079253




وهذي النتيجه ولله الحمد









تخيلوااااااااااااااا هذا الفستان كنت مرتزتن فيه عند ابو الشباب بيوم من الايام واليوم هو ضحية تهوري

لكن طلع طقم روعه

والعجيب والي قاهرن ان الشيخ فتح فمه يوم شافه ويقول متى شرينا هالطقم متت من الضحك
قلت هاه مالت علي


وبس هذا الي قدرت عليه اليوم وباسر لنا بقيه

السلام عليكم .....

قمت متأخر اليوم لآن زوجي ماداوم سحب على الدوام .....ونسيت أفتتاح الملف فكانت أموري شوي ملخبطه..
طبعاً أول ماحطيت ردي قبل العصر رحت هجمت على الغرفه نفضتها نفض ...شلت الفراش القديم ومسحت السرير والطاولات إللي جنب السرير حتى الزوايا نظفتها (نظفت من قلب)ولبست الفراش بفراش جديد بس قبله لبسته بشرشف علشانن ماتتوسخ إللي تحت ونظفت اللمبات ونظفت التسريحات وبما إن ماعندي مكيف ديرتنا ماتحتاج مكيف سبحان الله جوها دايم يهبل ....بس نظفت المروحه وهجمت عالشباك ونزلته كله ونظفته وكنست الغرفه وشلت الشعر من الفرش ...وبكذا خلصت الغرفه ...ورحت على باقي البيت نظفته تنظيف عادي وكنست وبخرت زوجي جاب أغراض للبيت ورتبتها ورتبت المطبخ وغسلت غسيل عزوز لآني بديت من فتره أعلمه على الحمام ويوسخ ملابسه ولازم أغسلها أول بأول

بعدها سويت العشى ...وخلصت ألحين

يتبع.......