هقولكم حبيباتى نظامى فى الترتيب لاجازاتى القصيرة
انا بحب الترتيب للاجازات دى جدا يمكن اكتر من الاجازة نفسها
بصراحة متعه انى اقعد ارتب واجهز وبحب اهتم بكل التفاصيل
انا باى رحلة سواء رحلة قصيرة او طويلة بحب اخد كل حاجاتى معاى تحسبا لاى موقف طارئ فاعذرونى للاطالة عليكم
انا اسرتى
الاب –الام –بنتى 3سنوات-ابنى رضيع9 شهور
مستلزمات الرحلة لمدة اسبوع
1-شنطة اسعافات اولية لازم وضرورى لمواجهة اى موقف لاقدر الله
وفيها(قطن طبى-شاش-مسحات طبيه او كحول-بلاستر طبى احجام متنوعه-علبة ديتول صغيرة لزوم تطهير الجروح-مقص طبى-رباط ضاغط-ترمومتر-مرهم للحروق(ميبو)-مرهم لتسلخات(كيناكومب)-كريم للحساسيه(الرجيكس)-قطرة منظفة للعين(بريزولين)-قرة لاحتقان الانف(افرين)-خافض حرارة للرضيع والطفلة 4 سنوات-مسكن للالم للكبار(بنادول)-كيس مستقل به الادوية اليومية لاى فرد بالاسرة واقراص منع الحمل ان وجدت-كيس به(ابر وخيط )
2-شنطة المنظفات العامة (لجميع الافراد الكبار)
طبعا كل العبوات اما حجم صغير يكفى للاستخدام لمدة اسبوع او ان عندك عبوات السفر الفارغة زى اللى بيوزعوها بالفنادق
بتمليها من الموجودبالبيت
1-معجون اسنان+فرش لجميع الافراد(لو مستعملين قبل كدة نحط كل وحدة بكيس ونلفهم مع بعض)كوب بلاستيك عشان نحطهم فيه مينفعش نرميهم هناك على الحوض+مضمضة الاسنان+سواك+خل اسنان(اعواد تنظيف اسنان))
صابون
-شامبو وبلسم خاص بى
-شامبو زوجى
-شاور-2لوفة صغيرة-
مناديل ديتول-
عبوة ديتول صغيرة
3-ادوادتى الخاصة(غسول للمناطق الحساسة-فوط صحية يومية-فوط صحية شهرية للطوارئ-عدة تنظيف الوجة اليومى(غسول –تونر –كريم الصباح-كريم المساء)-كريم للجسم-علبة فازلين صغيرة-برفان خفيف-مزيل عرق-سيلك ابيل-سيشوار خفيف)
4-شنطة زوجى الخاصة-دى دايماا فيها كل حاجاته يعنى هاخدها زى ماهى وفيها(ماكينة حلاقة كهرباء-ماكينة حلاقة عادية-امواس الحلاقة –معجون الحلاقه-جل بعد الحلاقة-مزيل عرق-برفان)
5- شنطة الاطفال(شامبو جونسون-بلسم شعر لبنوتى-بيبى اويل-لوشن-مناديل مبلله-كريم تسلخات للرضيع-بامبرز للرضيع)
7- لغسيل الملابس كيس صغير من المسحوق ويفضل البلاستيكى او تحطى شوية مسحوق فى كيس بلاستيك انا باخد كمية تكفينى مثلا يومين ولو احتجت بشترى من اى سوبر ماركت –نفس الحكاية مع غسيل الصحون بجيب السايل من السوبر ماركت بس باخد ليفة صحون معايا(سكوتش برايت- حتتة سلك استلس)
** نيجى بقة لاغراض الاكل :
انا عندى سلة للطلعت والشوى خارج البيت ودى دايما فيها *****
-اطباق بلاستيك
-اكواب ورقية
-ملاعق وشوك وسكاكين بلاستيك-سكين عادى(ضرورى دة)
-مناديل ورقية
-مناديل معطرة
-سفرة بلاستيك (رول صغير)
-ترامس الشاى والقهوة
-اكياس صغيرة لاي شيئ
فممكن اخد الحاجات دى معايا او استبدلها بصحون واكواب وملاعق عادية من البيت وانا بفضل البلاستيك رغم انه هيكلفنى بس اللى هستخدمه هرميه بالزبالة وكدة موش هغسل مواعين وحاجات ونوفر الوقت للدلع والفسح
لكن لو تحبى تاخدى من البيت مفيش مشكلة خدى بعدد الاقراد (اكواب واطباق-ملاعق-شوك-سكاكين)
**المأكولات والمشروبات
طبعا لاننا فى رحلة فمعظم الاحيان بيكون الاكل برة ولكن ممكن نشترى شوة جبن وحاجات يومية من بلد الاقامة بس ممكن ناخد من البيت :
شاى-نعناع—ينسون عبوات صغيرة+غلاية صغيرة بالكهرباء او براد عادى
سكر-ملح-عبوة بها بهارات مشكله-ولاعة او كبريت
علبة سريلاك للطفل+طبق وملعقة الطفل
لبن للطفل لو بيرضع صناعى+الرضاعات+فرش الرضاعات
***اغراض البيت
- ملايات للسراير
- كوفرتات
- مخدات ان امكن
- فوط لعدد الافراد
فوط لليد ووممكن نستغنى عنها بالمناديل الورقية
الملابس
طبعا كل واحد لية شنطة ان امكن تاخدى مكوة صغيرة معاكى والافضل الملابس اللى مبتحتجش مكوى
***شنطتى
مصحف اولا واخرا+اسدال الصلاة
*ملابس داخلية كتييييييييييييييييير لانى بغير كتييييييييير يعنى خدى اللى تشوفى انك هتستخدميه فى اسبوع وخدى عليهم 3
زيادة (اندر –ستيان-قمصان داخلية حسب استخدامك طويل او قصير)
*ملابس بيت مريحة والاحسن القطنيه ممكن كام بيجاما ناعمة بنوتى او كام بادى وبنطلون حسب طريقة لبسك نقول 7 بعدد الايام+شبشب للبيت
*انا بلبس عبايات سمرا فى الخروج فهاخد كام وحدة معايا+ملحقاتها من طرح وتحتها بلبس بنطلون اسود وبادى اى لون فهاخد نقول 4
*لو بتلبسي اى لون تانى خدى اللى تحسي انه هيكفيكى وحطى طقم زيادة للطوارئ
*جزمة او صندل خفيف
***شنطة زوجى
*غيارات داخلية كتييييييييييييييييير (الطيور على اشكالها تقع)يعنى 10
*ملابس للبيت بيجامات قطنية+شبشب للبيت
*ملابس خروج وغالبا بنطلونات جينز وتىشيرتات
*حذاء رياضى(كوتشى)او صندل
****شنطة بنوتى
*ملابس داخلية 10
*ملابس للبيت والنوم-شبشب
*ملابس خروج(كل طقم مع اكسسوارته وشرابه وشنطته وجزمته)بنتى دلوعة
*شنطة بها توكها ومشطها وسيرم الشعر وملمع الشفاة بتاعها وبرفانها كمان (دللللللللللللللللللللللللللع يانااااااااااااااااااااااس)
*****شنطة رضيعى
*ملابس داخلية
*ملابس للنوم والبيت10
*ملابس خروج
*فرشة شعرة حطاها فى شنطة بنوتى
وكدة خلصنا من كل الترتيبات اعذرونى اغراضى كتيييييييير بس مبحبش المفاجأت بحب اعمل حسابى للطوارئ
************نيجى بقة لترتيب الشقة قبل السفر
قبلها بيومين وبعد ترتيب كل الشنط واللوازم
برتب كل شبر فى الشقة موش مشكلة هتعب شوية بس مانا رايحة اتفسح وادلع لازم شوية مجهود عشان نحس بلزة الاجازة
*ميكونش فى غسيل لانى هرجع من السفر تعبانة ومعنديش استعداد لبزل اى مجهود
*حجرات النوم(مسحها وتنفيضها وترتيبها وتغيير الملايات والتأكد من ترتيب الدواليب )
*حجرة بنوتى(برتبها ليلة السفر ووضع الالعاب فى اماكنها بعد ماتنام عشان اتاكد انها موش هتلعب تانى)
*المجلس والصاله(مسح وتنفيض وترتيب المكتبه)
*الحمامات(غسيل عميق للحوائط والارضيات والتواليت والحوض)
*المطبخ(طبعا هيترتب ااااااااخر حاجة عشان ميكونش فيه اى طبق ولا ملعقة فى الحوض بس من قبلهانكون مظبطينه ومرتبين كل حاجة فية –الثلاجة نشيك عليها ونشوف اية الحاجات اللى ممكن تخرب مثلا زى الخضار صراحة ممكن ادية لجارتى لو كويس حرام ارمية واتاكد ان عندى خزين كفاية لما ارجع لانى موش هرجع اروح على السوبر ماركت واتاكد من الحاجات فى الفريزر واعمل اكلة حلوة سريعة لينا لما نرجع (ممكن كفتة او طاجن لحم بالجبنة ودى ممكن اطلعهم مع شوية مكرونة ونقضى اليوم )
*************اجراءات السلامة
قبل السفر لازم نراعى كام حاجة ضرورىىىىىىىىىىىى
*نقفل محبس الغاز او اسطوانة الغاز كويس
*نقفل محابس المياة فى كل الشقة
*نشيل كل افياش الكهرباء (ماعدا الثلاجة والفريزر طبعا)
*نتأكد من اغلاق كل النوافذ وفتحات الشفاطاتوالاحسن نغطى الشفاط بكيس او ورقة فويل (عشان الحشرات والاتربة)
*انا بدى نسخة من المفتاح لجارتى تحسبا للطوارئ او ممكن تسيبيه مع حد من الاقارب
*ممكن نرش بودرة نمل اوصراصير فى بعض الاركان حسب رغبتك
*انا برش بيكربونات صودا او بودرة سجاد على السجاد عشان لما ارجع ميكونش البيت له ريحة كتمه
*لو عندك زرع او اسماك ممكن تديهم لحد من الجيران ياخد باله منه
**************تجهيزات يوم السفر
*نلبس ملابس قطنية مريحه(دى قاعدة زهبيه)
*لو المشوار طويل بناخد بعض الوجبات الخفيفة(سندوتشات-عصائر-ترمس شاى-ماء-حلويات لبنوتى وشيبس وبسكويت)
*شنطتى بيكون فيها(الم بى ثرى عشان اسمع قران فى الطريق -الموبيل-المحفظة وفيها الهويات(البطاقات الشخصية او الاقامه) كروت الفيزا والكاش-نظارتى الشمسية والطبية-ديتول معقم للايدى-بامبرز احتياطى لابنى ومناديل مبلله-اكياس لرمى المخلفات-رضعة جاهزة لابنى لو بيرضع صناعى-لعبة صغيرة-كراسة رسم صغيرة والوان لبنتى وكمان لازم لعبتها المفضلة او عروستها
*****************عند الوصول
سواء فندق او شقة لازم تتنضف الاول و تنضيف عميق كمان
بطرد كل الناس (زوجى وبنتى )ينزلو يجيبو اى حاجة من المكان اللى احنا فية وانا انيم ابنى وابدأ تنظيف وتعقيم الشقة من الى وخاصة الحمامات والبركة بالديتول صديقى الصدوق
واغير الملايات واحط الفوط وادوات النظافة فى اماكنها واخد دش يفوقنى واعملى كوب شاى واقعد فى البلكونة اتفرج على الناس علىالبحر ياسلالالالالالالالالالالالالالالالالالالالالالالالالالالالالالالالالالالالالالالالام
متعة رهييييييييييييبه
يلا دوشتكو روحو جهزو حاجات السفر
ولا صورة نزلت
انا عينى اتمققت وانا بحملها
هحاول احملها تاااااااااااااااااااااااااانى
بس عشان عيونكم
حملتهم تااااااااااااااااااااااااااااااااااانى بس مرضيش ينزل اكتر من 10 صور
خلالالالالالالالالالالاص تعبت