السلام عليكم ورحمة الله وبركاته
دايما نلاقي مواضيع لعرايس يسئلون عن تجهيز المكياج و العطور .. وانهم حايسات وما يدرون شسووون:( وتتكرر هذي المواضيع كثيرا .. لدرجه بالشهر الواحد نلاقي ما يقارب 3 مواضيع !
لهذا السبب حبيت انزل لعرايسنا هالملف عشان يختصر عليهم الطريق .. ويساعدهم .. وطبعا الكل ان شاء الله يستفيد العرايس و المتزوجات وحتى العزوبيات مثلي << ويا رب يرزقنا الزوج الصالح:arb: عشان نجهز له هههههه
وترى يا بنات انا تعبت جدا جدا على ما جمعت الصور وظبت الموضوع .. حطيت لكم خلاصه كل اللي اعرفه بالمكياج .. ويا ربي يعجبكم الملف .. وما ابي منكم غير الدعوه ان الله يسهل امري ويشرح صدري ويفك ضيقتي ويعوضني خير من عنده ..
اولا : العطور
ما راح احط لكم اسماء عطور << لول من اولها :22:
لان كل بنت لها ذوقها الخاص بالعطور .. وممكن اللي يعجبني ما يعجبكم !
بس بعطيكم نصايح حلوه ...
1) لا تكثرين عطور .. يعني 2 طقم .. و 3 عطور(ويفضل حجم صغيرر) كااااااااااافي جدا .. لان مصيرك بتشترين ..وراح تملين وتبين تغيرين .. ف لا تكثرين عشان بعدين اذا شريتي ما تتحسفين
2) حاولي تبتعدين عن العطور المستهلكه .. واللي كل امه لا اله الا الله تستخدمها .. كوني (( مميـــــــــــــزه ))
3) شكلي بالعطور .. يعني مثلا اخذي لك عطر قوي .. وعطر خفيف .. وعطر منعش .. وعطر على وروود .. مو كلااا خفيف .. ولاا كلا قوي .. لأ شكلي .. شي للصبح وشي لليل وشي للسهرات وشي للزيارات
4) اذا بغيتي تشترين عطر لا تشترينه بنفس اليوم .. قولي للبياع يعطيك تستر= عينه .. او يبخ لك من العطر على كرت .. اخذيه معك البيت .. وشميه على روااااااق .. وقرري شنو بتشترين ..
5) اخذي كل وقتك باختيار العطور .. يعني مو تروحين مستعجله .. ولا باقي كم يوم على عرسك ورايحه تشترين عطور .. وروحي وانتي فااااايقه ورايقه مو متوتره ولا معصبه !
6) لا تشترين عطورك قبل عرسك بفتره طويييله ...ممكن العطر يكون موضه قديمه والناس ملوا منه .. وممكن من التخزين لفتره طويله وبطريقة خاطئه ان هالشي يخرب ريحته :09: .. ولا قبل عرسك بكم يوم .. اشتري عطورك قبل العرس باسبوعين .. 10 ايام .. عشان اذا نزل عطر جديد يمديك تخلينه بجهازك ويكون جهازك جديد x جديد