الوجد
•
وش رايكم بمستشفى الفريح ابولد فيه وش احسن دكتوره وش اسعاره طبيعي ولا عمليه
^^^^
يمدحونه بس ماجربته
امي واخواتتي بس زمان قبل 11 سنة
والان يمدحونه وافضل وحده نوال
لكن اماني حاره مره حتى امي سبق ولدت عندها تقول ماتصبر وحارة
وترى خياطتهم وسط لازم تطلبين خياطه عشان تصير مضبوطه
طبعا كله كلام غيري انا ماجربتهم ابد الا مره رحت اماني كنت تعبانه علي الدورة وكانت حبابه معي بس مراجعه بالعيادات بس مدري عنها بالولاده بس من كلام الناس مايمدحونها بالولادة
يمدحونه بس ماجربته
امي واخواتتي بس زمان قبل 11 سنة
والان يمدحونه وافضل وحده نوال
لكن اماني حاره مره حتى امي سبق ولدت عندها تقول ماتصبر وحارة
وترى خياطتهم وسط لازم تطلبين خياطه عشان تصير مضبوطه
طبعا كله كلام غيري انا ماجربتهم ابد الا مره رحت اماني كنت تعبانه علي الدورة وكانت حبابه معي بس مراجعه بالعيادات بس مدري عنها بالولاده بس من كلام الناس مايمدحونها بالولادة
الوجد الدكتوره نوال نصيحه اذا بتولدين بالفريح اطلبيها اما اماني مااعرف عنها وفوزيه اعوذ بالله لا تقربينها من تجربه شخصيه المستشفى مو نظيف بس تعاملهم حلو
@همس@$
•
مبروك الافتتاح موضوع مهم بصراحه..جزاك الله خير اختي.
انا ولدت في مستشفى الولاده والاطفال في بريده بصراااحه المعامله زفت ولدوني بطلق صناعي وتعبت مرره.
متابعه الحمل في مستوصف رشيد ببريده الدكتورة احلام بصراحه شاطره
انا ولدت في مستشفى الولاده والاطفال في بريده بصراااحه المعامله زفت ولدوني بطلق صناعي وتعبت مرره.
متابعه الحمل في مستوصف رشيد ببريده الدكتورة احلام بصراحه شاطره
مراااحب
انا بعلمكم عن تجربتي وتجارب اختي
انا بولادتي الاولى تابعت بالوفا عند الدكتوره حوريه وولدت ايضا عندهم طبعا من ناحيه المتابعه الدكتوره حوريه ماشاء الله نفسها زينه وسنعه وخبرتها ماشاء الله واضحه ولاهيب ماديه بالنسبه للفلوس الصدق اشوف الوفاء ارخص من غيره بكثييير وبالنسبه للمواعيد نصيحه اللي بتابع عندهم لا تاخذ احتياط تاخذ موعد اساسي والصدق ما فيه انتظار طويل اذا كان موعدك اساسي
وبالنسبه للولاده ولدوني علا وليليى وستشاريه باكستانيه مادري وش اسمها بس الصراحه ماشاء الله شي يهبل عطوني الاوكسجين ويقرون علي ويهفون على وجهي والممرضات يمسحون وجهي ودلع الصراحه وخصوصا الدكتوره علا كانت هاديه بالولاده ومررريحه وطول الوقت تقرا علي تجنن عسى الله يوسع لها دنيا واخره والصدق تعاملو معي بكل حنيه يمكن عشاني بكريه
وبالنسبه لمستشفى سعود اختي ولدت طفلين عندهم مره قيصري ومره طبيعي هم ماهب ذاك التدليع بس الصدق فيه احترافيه بالعمل وكل الدكاتره والدكتورات مهب خرابيط ماشاء الله عندهم سنع خصوصا ان اختي حالتها خاصه تتعب بالحيييييييل بالحمل والطفل يضعف بمجرد دخولها الثامن وعندها ضغط وحالتها حالها بس ماشاء الله تطلع من عندهم طيبه وخياطتهم زينه مع انهم حكومي ومدري مفكره اولد المره هذي عندهم لان اختي تشجعني تقول ممتازين
على فكره خياطه الوفاء زينه مهب شينه ومهب كبس انا خيوط بس ما تطيح من حالها لازم تروحين هم يفكونها متينه بالحيل
بالنسبه لمستشفى الحبيب انا مكلمتهم بالتليفون اسال عن سعر الولاده قالة لي سعر الطبيعي ثابت ب 4800 والقيصري اول مره بعشره الالف والثانيه ب 12 وكل ما تكثر القيصريات تزيد الفلوس
والقصيم الوطني ب1500 بس ما سالتهم خاله زوجي قالت لي عنهم وتمدح فيهم بالحيل تقول زميلاتها بالعمل يمدحونه بالحيل وبالنسبه للفريح مدري شكله مريب ويسد النفس ما افكر ولا اتخيل اولد عندهم
الله يسهل اموركم جميعا يارب وييسر ولادتي وولاداتكم ياحي ياقيوم
انا بعلمكم عن تجربتي وتجارب اختي
انا بولادتي الاولى تابعت بالوفا عند الدكتوره حوريه وولدت ايضا عندهم طبعا من ناحيه المتابعه الدكتوره حوريه ماشاء الله نفسها زينه وسنعه وخبرتها ماشاء الله واضحه ولاهيب ماديه بالنسبه للفلوس الصدق اشوف الوفاء ارخص من غيره بكثييير وبالنسبه للمواعيد نصيحه اللي بتابع عندهم لا تاخذ احتياط تاخذ موعد اساسي والصدق ما فيه انتظار طويل اذا كان موعدك اساسي
وبالنسبه للولاده ولدوني علا وليليى وستشاريه باكستانيه مادري وش اسمها بس الصراحه ماشاء الله شي يهبل عطوني الاوكسجين ويقرون علي ويهفون على وجهي والممرضات يمسحون وجهي ودلع الصراحه وخصوصا الدكتوره علا كانت هاديه بالولاده ومررريحه وطول الوقت تقرا علي تجنن عسى الله يوسع لها دنيا واخره والصدق تعاملو معي بكل حنيه يمكن عشاني بكريه
وبالنسبه لمستشفى سعود اختي ولدت طفلين عندهم مره قيصري ومره طبيعي هم ماهب ذاك التدليع بس الصدق فيه احترافيه بالعمل وكل الدكاتره والدكتورات مهب خرابيط ماشاء الله عندهم سنع خصوصا ان اختي حالتها خاصه تتعب بالحيييييييل بالحمل والطفل يضعف بمجرد دخولها الثامن وعندها ضغط وحالتها حالها بس ماشاء الله تطلع من عندهم طيبه وخياطتهم زينه مع انهم حكومي ومدري مفكره اولد المره هذي عندهم لان اختي تشجعني تقول ممتازين
على فكره خياطه الوفاء زينه مهب شينه ومهب كبس انا خيوط بس ما تطيح من حالها لازم تروحين هم يفكونها متينه بالحيل
بالنسبه لمستشفى الحبيب انا مكلمتهم بالتليفون اسال عن سعر الولاده قالة لي سعر الطبيعي ثابت ب 4800 والقيصري اول مره بعشره الالف والثانيه ب 12 وكل ما تكثر القيصريات تزيد الفلوس
والقصيم الوطني ب1500 بس ما سالتهم خاله زوجي قالت لي عنهم وتمدح فيهم بالحيل تقول زميلاتها بالعمل يمدحونه بالحيل وبالنسبه للفريح مدري شكله مريب ويسد النفس ما افكر ولا اتخيل اولد عندهم
الله يسهل اموركم جميعا يارب وييسر ولادتي وولاداتكم ياحي ياقيوم
الصفحة الأخيرة