هلاااا بحلوات االقصيم
كيفكم
وكيف البرد ويااااكم
بقولكم عني
انا حامل لي 15 اسبووووووع و3 ايام تقريبا
وانا متنقله بين المدن
وحاليا انا بالقصيم بجلس معكم اسبوووعين
وقبل فتره كنت بالمدينه ورحت اكشف قالت لي الدكتووره المشيمه نازله
وقلت بتطمن ع حالي
واغلب البنات يمدحوووون لي الوفا الطبي
ايش رايكم فيه
ومن احسن دكتوره
اول مره اروح له

اعرف وحده ولدت قيصري بالحبيب(القصيم)عندالدكتورة ساجيلا تقول عنها انها ممتازة وان هذه العمليه بفضل الله افضل عمليه سوتها لانها كل ولادتها قيصري

فيه الدكتورة سهير بمستوصف البركة ممتازة ونفسها زينة

وينكم بنات بكره برووووح للوفااا ولااعرف الدكتورات
عند من تنصحوني بليز ردو

هلا والله وغلا ببنات القصيم
انا ولدت ثلاث بنوتات كل وحدة بمستشفى الاولى بمستشفى الوفاء الله لايوفقهم ولايعيدها بنتي صار لها خلع باليدين والرجلين واربع سنوات وانا اعالج فيها
و مستشفى الوفاء ثلاث من زميلاتي يولدون فيه ثنتين انجبوا عيال فيهم خلع رجلين والثالثة تقول لما تعسرت ولادتي ركبوني الاسعاف على مستشفى الملك سعود


والثانية بمستشفى الولادة ببريدة عنايتهم جدا رائعة كان معي ممرضة خاصة جالسه تقرأ وتسمي علي رغم انه كان مزحوم في ذاك اليوم لكن الخياطة سيئة للغاية
والثالثة بمستشفى البكيرية عنايتهم عادية ولدتني الدكتورة راسية لكن خياطتهم جدا ممتازة خيطتني دكتورة سودانية اسمها فوزية رجعتني عروس
وانا الحين حامل افكر اولد بمستشفى القصيم الوطني ادعولي بالولد العبد الصالح