وإياكِ ..





ماشاء الله عليك ..

وبما أني من زمااان ماجيت للموضوع .. ابيك تبشريني كيف صار الحين ؟


لو كان عندك مبلغ ..

افتحي محل بسيييط بأي مكان ( طبعا محل للنساء بس ) ..

ووظفي فيه وحده بالإستقبال ..

وسوي اعلانات على المحل .. نفس الاعلانات الي بتوقيعك ووزعيها بكل مكان ..

ولما الناس يجيبون شغالاتهم .. أو اطفالهم او او او ..

موظفة الاستقبال تستقبلهم وتتفاهم معهم على السعر .. والشغل يصير عليك ..

بكذا قدرتي تسوين الي تبين بدون ضغوطات عائليه ..

لأن الي بالواجهه راح تكون موظفة الإستقبال ..


وممكن تطلبين من مشغل مشهور انه تستأجرين منهم ركن تبدين فيه ..

اتمنى تكتبين لنا تجربتك خلال الاشهر الماضيه ..


وبالتوفيق .. :)







اختي الوظيفه راح تجيك بإذن الله ..

بس متـــى ؟؟

هذا السؤال الي خلاني اكتب هالموضوع ..

مستحيـــل نضيع اعمارنا ننتظر الوظيفه ( حتى لو هي بعد سنه .. ليش اضيع سنه من عمري كذا ؟ )


بالنسبه للرسم سبق وذكرت نصايح للأخوات ..

وفيه اضافه ..

اذا تقدرين ترسمين على الجدران .. سوي اعلان بسيط ووزعيه على المشاغل والمدارس لأنهم يحتاجون تغيير الديكورات كل فتره ..

تصميم ملابس واكسسوار ايضاً كتبت الافكار للأخوات الي قبل ..

وانا اشوف تصميم الملابس والاكسسوارات اكثر شي ماشي سوقه بمواسم الزواج ..

بس فيه مصممه ازياء رحنا لها انا وخواتي علشان نصمم عندها تخيلي الفستان الواحد مايقل عن 3 الاف ..

اول شي :

حاولي تستأجرين مكان صغير ( غرفه وصاله وحمام " الله يكرمكم" ) واتفقي مع صاحب المحل انه كل شهرين تدفعين الايجار ( علشان ماتضطرين تدفعين مبالغ كبيره بالبدايه )

ثانياً :

انتي بخبرتك ومواهبك .. غيري ديكور المكان .. خليه تحففففففه .. :32:

ثالثاً : سوي اعلانات واطلبي من اهلك واقاربك ومعارفك كللللهم انهم يسوون لك اعلانات لاني مثل ماذكرت سابقاً الاعلانات الغير مباشره أفضل ..

رابعاً والي هي الاهم :

اذا جتك الزبونه وريها التصاميم واذا هي ببالها تصميم معين ارسميه لها واضيفي لمساتك .. وقولي لها انك راح تتكفلين بالقماش والاكسسوارات وكللل شي حتىة الشنطه جيبيها لها ( بإستثناء الجزمه " الله يكرمكم " لأن صعبه يمكن ماتناسبها لكن في حالة هي تجيب لك جزمه وانتي تسوين عليها حووسه تغيرينها ممكن )

واعطيها سعر معين .. بحيث انك تربحين اقل شي الف ريال ..

الناس الحين ملت من انها تروح تدور موديل وبعدين تروح تدور قماش وبعدين اكسسوارات ووو الخ .. انتي ساعديهم وسوي لهم كل شي وقولي لهم ترا مكسبي الف ريال بس يعني لا يحسبون المبالغ كلها بجيبك ..

واذا يبون جيبي لهم فواتير كل شي ( الخامات )

وعلى فكره ..

اكتبي بالإعلان الي راح توزعينه انه كل شي عليك .. يعني الزبونه ماعليها الا تجي وتختار ..

طيب خلصنا من القماش والخامات ووو الخ ..

تاخذين مقاسات الزبونه ..

وتروحين لأفضل خياط تقولين له انك راح تتعاملين معاه بشرط يخفض لك السعر .. ( احسبي سعر الخياط من ضمن الفلوس الي راح تدفعها الزيونه مو من الالف حقتك )

وبكذا ماراح يكون عليك مصاريف خياطات وماكينات ووو الخ ..

وبعدها كبري المشروع وخليه مركز للتصاميم .. وجيبي خياطات وكل شي تبينه ..

لازم نطلع الدرج حبه حبه ونخطط زين ونحط كل أفكارنا وقدراتنا بمشروع واحد وبعدها ننطلق ..

وأهم شئ : لا تقلدين أحــد .. وخليك مميزه .. وخليك الأفضل ..

بتقولون لي فكرة التصميم قديمه ووو الخ ..

صح لكن انتي اضيفي لها لمستك .. انتي بتجهزين كل شي للزبونه وهي ماعليها الا تجي وتختار ..

وبالتوفيـــق .. :)






اختي حرام عليك ..

والله حرام مواهبك هذي هي المطلوبه الآن .. :(

انسب شي لك يالغاليه تنظيم حفلات زواج ..

امسكي الحفل كلـــه ..

بس ضروري يصير عندك محل صغير ( نسائي )

صغير جدا .. بس انتي تكونين فيه .. يعني بدون فشخره زايده ..

طيب الحين سويتي محل ..

سوي اعلانات .. اعلانات بأوراق وإعلانات عن طريق اهلك وقرايبك ومعارفك وو الخ ..

وانتي خليك مميزه بتنظيمك ..

انتي اشتري الشوكولاتات ( باتشي وشوكولاين وسعد الدين ) .. والفطاير .. والعصاير .. ( كل التقديم يكون عليك )

طبعا اشتريها بالكيلو .. وبعدين روحي صفيها بصياني من تصميمك ..

واذا قدرتي سوي كوشه للعروسه .. وإذا ماقدرتي اتفقي مع محل تصميم كوش يسوي لك كوشه .. وانتي على نفس طريقة الكوشه سوي صياني التقديم .. يعني كأنها جايه مع بعض ..

وخلي ربحك أقل شي 3 الاف ريال .. ( طبعا الزبونه تدفع ثمن الشكولاته والمعجنات ووو ( حوسة التقديم ) وتدفع بعد سعر الكوشه ( في حال انتي ماتقدرين تسوينها ) ..

وأنا أفضّل انك انتي تسوينها جربي ترا كلها كم عمود على كم قطعه قماش على كم باقة ورد وكنبه !!

أعتقد أن وحده عندها كل هالمهارات تقدر تسويها :)

وشوفي الارباح اذا كل يوم بتسوين حفله او حفلتين .. شوفي كم يكون ربحك 6 الاف يومياً ..

واحسبيها بمواسم الاعراس ( بالعطل ) ..

وحبه حبه .. راح تكونين صاحبة اكبر مركز تنظيم حفلات بمدينتك .. وبالمملكه كلها ..

بس لاتنسين بصمتك الخاصه فيك .. خليك مميزه ..

وبالتوفيــق :)





آميــن وإياكِ ..




كيف مافيه احد يساعد ؟

محد بيساعدك إذا ماساعدتي نفسك ..

والبضاعه الصينيه دامها مطلوبه .. جيبيها وبيعيها على المحلات ولا على الزباين مباشره ..

ماقلتي لي وش مواهبك .. فـ ما أقدر أفيدك ..

وخلي اليأس على جنب ..

بعد 5 سنين راح تشوفين كل الناس تغيرت إلا إنتــي ..

ابدي من الحين .. لو بشي بسيط ..

ترا مشوار الألف ميل يبدأ بخطوه ..

ليش ماتخطينها الحين ؟

بالتوفيــق .. :)

انتي الاروع ..

فعلاً أنا اشوف الموظفات بس يأدون واجبهم علشان الراتب .. مافيه متعه بالعمل ..

ولا راح يكون فيه متعه .. دام الي تشتغلينه مايعجبك ماراح تبدعين ..

أذكر دكتورتنا بالكليه كانت دايم تقول لنا مقوله ( نسيت لمين ) المهم كانت تقول :

إذا أُجبرتي على عمل .. حبيــه ..

وإذا ماقدرتي تحبينه .. اتركيـــه ..

كذا بكل بساطه ..

اتركيــــه ..

لأنك راح تعيشين بدوامة الروتين القاتله ..

عموما يالغاليه ..

انا اشوف انك تبدين بتصميم الازياء .. والأموال الي تربحينها اجمعيها وكملي بمشروع العقارات ..

ابدي خطوه خطوه .. ولا تشتتين افكارك بأكثر من مشروع ..

ابدي بمشروع واحد وحطي كل ماتملكينه من أفكار ومواهب فيه ..

وكونك تركتي تزيين المكياج خوفاً من الله .. ثقي تماماً بأن الله راح يعوضك ..

" من ترك شيئاً لله , عوضه الله بخير منه "

بالتوفيــق :)






كيف ماهي موهبه ؟

الحين حفلات التخرج .. والاعراس .. وتقديم الحفلات بوشو يسوونها ؟

مو بشعر وخواطر ؟

روحي للمحلات الي يسوون شرايط الزفه .. او اتصلي عليهم ..

قولي لهم انا اكتب لكم القصيده للزواج بسعر ( مايكون أقل من 500 ريال )

واكتبي لهم قصايد عن الخطوبه .. الملكه .. الزواج .. التخرج .. النجاح ..

بحيث ان هالقصايد يكون مافيها اسم بس تتركين فراغ لاسم العروسه والمعرس او الناجحه ( اتمنى تكونين فهمتي علي :)

هذا بالنسبه للشعر والخواطر ..

بالنسبه للمقالات ..

اتصلي بمجلات البنات او المجلات الدينيه المعروفه وقولي لهم انكم تبين ركن لك مقابل مبلغ مادي بسيط ( 50 ريال مثلا ) لكل مقاله ..

وبالتوفيــق :)

ماشاء الله ..

انتي نموذج للبنات الموجودات بهذا الموضوع ..

بديتي بالخطوه وراح توصلين بإذن الله ..

بالنسبه للكتاب بديت اسويه وبإذن الله قريباً يرى النور " إذا ماصار فيه مشاكل بالطبع " ..

و بالتوفيـــق :)




بإذن الله راح تشوفون الكتاب قريباً :)

بالنسبه لك اختي انصحك تبدين بمركز تنظيم الحفلات .. وحطي ركن بمركزك لتغليف الهدايا ..

بعد مايكبر مشروعك وتربحين منه مبلغ كبير ..

روحي لتصميم المجوهرات بس لا تصممين كذا .. لا ..

سوي ماركه معتمده خاصه لك انتي وابدي بنشر الماركه بالخليج .. بعدين الدول العربيه .. بعدين العالميه ..

لو قريتي وش كتبت على الطاير راح تقولين اني احلم وان الي كتبته مستحييل وانه مستحيل يصير عندي ماركه خاصه فيني .. بس لو فكرتي فيها شوي لقيتي انها راح تصير بإذن الله .. وأول ماتبدين بسجل الماركه تذكريني :)

بس طبعا الماركات يبي لها راس مال كبير .. علشان كذا أفضّل انك تبدين بالأقل ..

وبالتوفيـــق :)

مشكوره ..

أثابك الله وجزاك الفردوس الأعلى ..





طيب اختي كل شي تملكينه ..

الموهبه .. والمال ..

وش تنتظرين ؟؟ :angry2:

اختي بما أنك موظفه خصصي جزء من راتبك لمشروعك القادم .. وإذا توفر عندك راس المال ابدي ..

أكثر مشروع مناسب لك هو انك تفتحين مركز لتعليم اللغات ولصقل المواهب ولتعليم الأشغال اليدويه بمدينتكم ..

وحددي شريحه معينه من الناس ( سن معين ) وركزي عليهم ..

والأفضل الأطفال .. صحيح بيتعبونك لكن بتفيدينهم وبتفيدين أهلهم وبالمقابل هم بعد بيفيدونك ..

المركز هذا سوي له ديكور بسيط بس مناسب للأطفال ( يعني فيه ألوان .. الكراسي والطاولات خليها للأطفال ) ..

وسوي دورات بالمركز هذا بأوقات العطل .. أو بالأوقات المسائيه بايام الدراسه ( شوفي الي يناسب )

وخذي مبلغ بسيط من كل طفل ( علشان الباديه بس ) وبعدين لما يشتهر مركزك عند الناس .. ابدي بتوسيع المركز وغيري الأسعار ..

طبعا اختي انا قريت انك من الجزائر فـ ما ادري اذا ممكن ومسموح انك تشتغلين من بيتك يكون أفضل علشان ماتخسرين مبالغ ..

يعني خصصي لك جزء من منزلك وسوي فيه مشروعك ..

وبالتوفيــق :)

شكراً على مرورك ..



طيب ليش تدرسين وانتي عندك موهبه ؟

بما أنك تبدعين في الديكور .. ممكن تسوين محل خاص بكوش الأفراح وديكورات الأفراح ..

وانتي عارفه انه مطلوووووب ..

سوي إعلانات عنك .. او استأجري ركن في مشغل مشهوور عندكم وحطي فيه صور لكوشات من تصميمك ( تكونين مصممتها قبل ومصورتها )

وخلي الربح أقل شي الف ريال لكل ديكور ..

وبالتوفيــق :)