المشاركة الأصلية كتبت بواسطة نونو يوعان
المشاركة الأصلية كتبت بواسطة نونو يوعان
هلا اختي ....الله يعطيج العافيه ........
انا حلمت اني لابسه عقد بس مو ذهب وكل الي يشوفه يقولي وايد حلو ذهب ؟؟بس انا اقولهم انه مب ذهب هو عندي من عيدين وما تغير لونه ..(مع العلم انا اتوقع حملي صاير بعيد الاضحى والله اعلم )وفنفس الحلم اشوف بنت اخوي تقريبا عمرها 14 سنه لابسه لبس ابيض ولابسه ذهب طاسة الراس و حلق ومرتعشه كلهم طقم ومكحله عيونها تقول تبي تروح عرس ...
حلمت انا وزوجي متزوجين مرة ثانيه وانا لابسه فستان ابيض وكنت وانا رايحه امشي وياه بالزفه بعد ما خلص العرس شاله فايدي بنت رضيعه كانها بنتي وانا اترجى اختي تخليها عندها على اساس اروح شهر العسل وبدال ما يكون مستننا الليموزين كان ينتظرنا بيكب ابيض ركبنا فيه..
حلمت انه حرمتين يمكيجوني ولما خلصوا دخل زوجي يشوفني واقوله شو رايك كانت عيوني مكحله بشكل حلو فطالع فيني وحطا ايده على حاجبي اليمين يعدله لي وقال كذا احلى ....

وحلمت اني افتح الثلاجه واخذ حبة عنب لونها عنابي وكلتها..
حلمت انه زوجي متزوج علي وكنا رايحين عمره انا واياهم لما وصلنا جريب الحرم قلتلهم انا ما يبت وياي جوارب حد عنده جوارب قالولي بتلقين عن باب الحرم ايبيعون هناك ..
جزاك الله خيرا.......................... ..........................




هلا الغاليه والله هذيلا مو حلم واحد هذيلا احلام ..........:hahaha:

انزين حلمت زوجي يعطيني غترته وعقاله .......
واختي اليوم الجمعه حلمت اني يبت توام ولد وبنت ( وقبل لا اعرف اني حامل حلمت اختي نفسها انها ماسكه توام ولدين وتمشي وياهم صوب بيتي)
(وانا قبل حالمه اني عندي توام بنات )
حلمت الدكتوره تنقش ريلي لين فخذي نقش وايد حلو وتقول لي هذا نقش ملكي الي طالبتنه............
حلمت اني رايحه اخطب لمنو ما ادري ....وحلمتني داشه مزرعة مواشي وزوجي يشتغل فيها كانه حملان صغار قاعده عندهم مربيه فلبينيه شليت واحد فايدي بس شفته كانه طفل بس ما اذكر نوعه بس الاغلب بنت ......
ترا انا احلامي ما شاء الله ما تخلص وانا حامل ومعظمها تتحقق الي احلمهم لغيري ...والله يستر لا يكون فيه توام لاني شاكه فالامر......وجزاج الله خير تعبناج ويانا ....





اهلين اختي ادري مغلبينج ويانا ........انا للحين ما عندي احلام جديده بس اذا حلمت بكتبلج على طول ...
بس هذي احلامي الي قبل فسرتيها .....(بولد) .......من الملف القديم..
قبل لا اعرف اني حامل حلمت اني اسوي سونار ودكتور الي يسويه لي مع اني مو متعوده اكشف عند دكتور وييراويني اعضاء ولد ويقولي شوفي ولد وعضوه طويل..وحلمت اني شايله ولد اختي محمد من بيتهم عمره سنتين وكنت ماخذتنه لبيتنا وهو يبكي .......

وبعد ما عرفت اني حامل حلمت اني يبت توام بنات...... وحلمت ولد اختي محمد نفسه الي حلمته قبل يضربني على عضدي (اليد من تحت الكتف) بعصا وعلمت ضربته على ايدي ........
وحلمت اني قاعده اكل من طاسه بيضا اكل شوفان مع الحليب والسكر نحن نسويه مثل المهلبيه وكنت اكل بملعقه بيضا واقول لخالتي وهي بعد حامل تيي تاكل وياي وجت جلست جنبي وقالتلي انتي بتييبين توام بنات شوفي ..وورتني رساله من ولد خالي وعلى فكره توه الله رزقه بولد كاتبلي (على حسب الكتاب الابيض الي يخص التبويض انتي فبطنك توام بنات )وكاتب اسمه حمد وللعلم هو اسمه خميس ..وكاتب اسمي انا ام حمد مع اني انا ام عبدالله ما عندي ولد غيره.....وسبحان الله لما سالت شو سما ولده طلع مسميه (حمد)فالحقيقه وانا ما كان عندي علم .....
حلمت شغالتنا تحني رجولي ومره حلمتها محطيه مقص على رقبتي ..........
وحلمت بنت اختي بعد توها والده ولد فالحقيقه انها تعطيني الف ورقه وخمسه دراهم ورقه ودرهم معدن يعني الف وست دراهم .....
واخر حلم حلمت اني قاعده اعدل مطبخنا القديم وهو فالحقيقه في بيت اهلي القديم مو بيتي واصبغه باللون البني بنقش ذهبي وكنت قاعده داخل المطبخ اشرب ماي في كاس زجاج اول شربه شربت الماي بارد وحلو وبعدين لما شربت ثاني مره صار كانه فيه تراب يعني متعكر وصرت ابي ارجع بس ما اقدر كانه الطعم لوع كبدي ..............واخر حلم حلمت اني اقرا قران بصوت عالي وحلو بس وانا اقرا نسيت اخر جزء من الايه ..

بس سؤال ..اتمنى انج ما تعتبريني هبله......هل فيه من احلامي يدل على توام ؟؟؟لاني ما ادري عندي احساس مع انه الدكتوره قايلتلي واحد انه فيني توام ما ادري ليش .........

جزاك الله خيرا ....................................

اليوم حلمت اني شايله ولد نونو مهب ليه ووصخ وانا شايلته في الحفاظه فقمت وغسلت له
ومره حلمت اني شايله ولد اختي ووصخ وغسلت له

دايم احلم اني انظف بزارين الناس هههههه

تحلمت ان زوجي تزوج علي وانا ماكنت اعبرها اققصد زوجته يعني موغيرانه حتى زوجي ماراح لها وكان زوجي نايم عندي وما اهتم فيها
بس جت وحده نسيت من تكون وشفتها طلعته وهو نايم وماسكته بيدهالي فهمته من كلامها انه فشيله مادخل ولا حتى شاف عروسته
ودخلته بالغرفه اللي فيها العروسه
وسمعت اخت زوجي كانها تتمسخر علي وانتبهت اني سمعتها وجت لمي وانا خلاص حاقده عليها من جواة قلبي وتحاول تبرر موقفها وانا ادري انه تكذب علي بتبريرها بس استحت اني سمعتها
ووبنفس لحلم كنت اقول لبنت اخوي بزين المكيف اخاف زوجي يعرق وهو نايم لاني حسيته بالحلم وهو عرقان وركبت فوق طاوله انا وياهاوكانت تهتز واقولها اخاف اطيح واجهض وتقول لا ماعليك وفجاءه طحت من الطاوله وكان ظهري ع الجدار واقولها خايفه اجهض وتقول لي لا عادي انتي طيحتك كانت على ضهرك والطيحه هاذي ماتجهض

وتحلمت ان زوجي متزوج والي متزوجها تشبه جارتي
وكانت تعطيه اوراق تقول اقراها اذا وصلت اوراق رومانسيه وانا كنت اشوفها واقول بقلبي قديمه انا سويتها قبلك حتى زوجي راح يعرف انه قديمه هذا كل الكلام اقوله بقلبي
واخته جت تتكلم تقول تخيل لو ما خذتها تقصد المره الثانيه وقال ماذكر كلامه بالنص بس معناه لو ماخذتها مدري اش صار فيني
ولمحت عيني بعينه وجا عندي وبدا يقولي كلام كانه يقصدني يحاول يراضيني






الحلم الثاني
تحلمت يمكن اول حملي اني ولدت بس ماكان بالحلم جنس الجنين يعني مدري هل هو ولد او بنت
بس تحلمت انه له سنين فوق وسنين تحت
واقول ماراح اخلي الناس يشوفون الطفل واسنانه يقولون توه مولود وله اسنان علشان مايعطونه عين

وتحلمت ان زوجي متزوج والي متزوجها تشبه جارتي
وكانت تعطيه اوراق تقول اقراها اذا وصلت اوراق رومانسيه وانا كنت اشوفها واقول بقلبي قديمه انا سويتها قبلك حتى زوجي راح يعرف انه قديمه هذا كل الكلام اقوله بقلبي
واخته جت تتكلم تقول تخيل لو ما خذتها تقصد المره الثانيه وقال ماذكر كلامه بالنص بس معناه لو ماخذتها مدري اش صار فيني
ولمحت عيني بعينه وجا عندي وبدا يقولي كلام كانه يقصدني يحاول يراضيني (هذا حلم ثاني غير الاول يالغلا وعسى ربي يوفقك ويسعدك بحياتك ياقلبي)

جزاك الله الف خير يا شذى الجنان و ان شاء الله مثل توقعك يكون الي في بطني ولد