أحاسيس :

السلام عليكم اختي شذاء انا حلمت اني في سفينه كبيره ونزلت منها للبحر وجلست اسبح فيها لما وصلت لسفينه اخر ايضا كبيره وكانت بهذي السفينه بنت عمي وكانت تكلم اخوي في الطائره الي فوق السفينه وكنت انا انتظرهم يردون علي عساس ابي ارجع لسفينتي الاوله قبل ماتبعد اكثير بس ماردو ورجعت اسبح في البحر وكان الوقت قبل الفجر يعني مافي نور حيل بالبحر كان مظلم اشوي بس كنت في الحلم مطمئنه اني راح اوصل ان شاء الله بدون مايصيبني مكروه وفي نفس الوقت كنت ابي اوصل بسرعه لاني خايفه يطلع لي حوت بس اغلب الحلم اني كنت اسبح اسبح واسبح في البحر وصحيت على صوت انفاسي في البحر وانا مابعد وصلت لسفينه لكن شفت انواره وقفت اريح ساعتها علما انا حامل بالشهر التاسع ياليت تفسرين الحلم اذا يبان جنس الجنين ولا لا واذا لا فسري الحلم نفسه يسعدك ربي

السلام عليكم اختي شذاء انا حلمت اني في سفينه كبيره ونزلت منها للبحر وجلست اسبح فيها لما وصلت...

lizzzy :

السلام عليكم انا حامل في الشهر 4 وحلمت كذا حلم بقولك 3 واختي حلمت فيني بعد حلم فسريهم لي الله يجزاك خير يااااارب ويرزقك ماتتمنين الحلم الاول حلمت اني قاعده اطلع نوى من تمر كثير واهرس التمر وافكر احط عليه مويه والا حليب محتاره عشان ابي ااكل ولد اختي عمره سنه واربعه شهور >> مع اني ماقد سويتها الحلم الثاني حلمت ان قرد صغير عضني بين اصابع رجولي الكبير واللي جنبه وماعورني بوقتها بس بعد شوي بدت رجلي تنزف ورحت الدكتورة لكنها بدت تدخل مرضى قبلي وعصبت عليها وقلت رجعي فلوسي انتي اخرتيني ولاعالجتيني وانا مستعجله!! الحلم الثالث حلمت كاني انا وامي جالسين في مكان كانه ملعب وكنا فارشين زوليه وقاعده عليها انا وامي والامير سلطان كان يركض بالملعب كانه مشترك في مسابقه بعدين جا وجلس على العشب قريب من فرشتنا ومعاه ولد صغير بلفة وكان جمييييل جداً وابيض وشعره اسود قلت له يابو خالد(اكلم الامير ههههه) ولدك يجننننننن ماشاءالله قال لااااااا ماشفتي الثاني اللي اسمه بدر توه مولود امه باكستانيه يهبل صدق.. واختي حلمت فيني حلم تقول حلمت انك تزوجتي الامير سلمان والحلم كان يوم الزواج وكانها تقول الحمدلله طلعت معاه خلاص (تقصدني) ومشكووووووووورة الله يعطيك العافية :)

السلام عليكم انا حامل في الشهر 4 وحلمت كذا حلم بقولك 3 واختي حلمت فيني بعد حلم فسريهم لي الله...

*حنين الطفولة* :

مساء الخير مره حلمت اني بروح عزيمة وطلعت للسوق مع زوجي ونقيت بلوزتين وحده مخرم ظهرها وانا أدور لها بودي عشان يغطي الظهر ومره كأني في حفل وكأن فيه لي حلق ضايع أدوره في الأرض ولقيت دبله وخاتم ورحت أحطها عند حق الأمانات ولك كل الود و الشكر

مساء الخير مره حلمت اني بروح عزيمة وطلعت للسوق مع زوجي ونقيت بلوزتين وحده مخرم ظهرها وانا أدور...