السلام عليكم اختي ام بلقيس هذه احلام اختي لانها حامل وهي الان بالشهر االسابع
المهم حلمت في بداية الحمل انه عندها ولد وتلبسه بشت
والحلم التاني حلمت انها تاكل سمك بشهيه هي وزوجها وبنتها
وهذه الايام يتكررلها حلم انها شايله ولد وتنطنطه فوق بطنها والولد عيونه خضر واصلع علما بانها سوت سونار في الشهر السادس وطلع بنت

السلام عليكم اخت شذا ان شاءالله انك بخير وطيبه طمنيني عنك .... البارح حلمت كاني مطبقه وجايني واحد تقدملي وشفته وهو يكلم امه وقعدت اراجع نفسي وقلت لاامي انا مابيه ارفض اني اتزوج منه قال ابوي ليه وشفيه قالتله امي لاتجبرها خلها براحته وكانه صار نقاش وفزيت من النوم ..

اذكرج بحلومي اللي قبل الضب والثلاجه والاسواره والجوال الاسود وفسرتيلي ايهم الاغلب بنت والصندك قلتيلي اكثرمن الذكر .. يعطيج العافيه وماتقصرين انتظرج

السلام عليكم جزاك الله خيرا وياليت تفسري حلمي
اني كان معي بنت رضيعة مااعرفها وكانت جائعة فدورت لرضاعتها مالقيتها فطلعت لها صدري اليمين ورضعتها وكان ممتلئ بالحليب واشوف الحليب ينزل منه
وايضا اني اعطيت وحدة فقيرة ماعرفها خمسين ريال وطلعتها من محفظتي وكانت مليانة فلوس..وشكرا لك

السلام عليكم ورحمة الله وبركاته ,, تحلمت في زوجة أخوي أنها في زياره لي وكان بيتي كاالقصر جميل جدا وكبير جدا المهم وكاني مع خلاف مع زوجي فطلب من زوجة أخوي أن تتدخل بيناوكان يكلم زوجه أخوي من وراء باب المطبخ وكان يقووول انه يحني وااني غاليه عليه بالحيل ولاتزعل عليه وترووح لاهلها وبعد ذلك دخل علي في غرفة النوم ولبسني بشت (مشلح) رجالي لونه بني ومن ثم وكانت غرفة النو روووووعه وبعدين صعدنا انا وزوجة أخوي الي السطح وكنت أ قووول شوووفي بيت أخو زوجي وكان جميل جدا كالقصر بس صغير وكانه في ملحق ومن ثم نزل من السماء طااائر ابيض جمييل جدا وكبير كان في قمة الروووعه ثم أخذني وبعد قليل أنزلها وزوجة أخوي كانت خائفه علي وتبكي لما أخذني .. علما اني حامل ولله الحمد ,,في الشهر السابع تقريبا

انا فسرته عند وحده وكان تفسيرها حلووووو واقعي وبعدين فسرته عند شيخ وفسره لي بأن زوجه أخووي هذي ياتحضر ولادتي ياأان ولادتي راااح تكووون صعبه بصراااحه خووووفني الله يجزااااك الجنه وش تفسيرك له والله أني صرت خائفه حاسه أني بموووت في الولاده
يا أختي الله يجزااك الجنه لاتتأخرين علي

السلام عليكم أختي شذا الجنان ياليت تفسري حلمي
رأيت أيام التبويض أن ثلاث من زميلاتي في مدرستي القديمة أنهم زاروني في بيتي وأنهم قعدو في مجلس الرجال لكن عرفت ثنتين بس
معلمة الدين الملتزمة أمنه ومعلمة العلوم الداعية ساره وهم على خلق ودين عالي المهم في الحلم كانو ثلاث وطلعو من المجلس لمن صحا زوجي وكان يبغا دورة المياة وراحوا للصالة الداخلية للبيت ولبسوا عباياتهم واتحشمو انتهى الحلم
وفي الصباح كان موعد الكشف بالسونار و سوولي تحليل طلعت عندي بويضتين لكن وقت السحب لقيو ثلاث ولا تلقح الا ثنتين ورجعوها ليه والأن أنا الاسبوع الثاني من الترجيع

وفي الثلاث الأيام الأولى بعد عملية الترجيع رأيت رؤيا ثانية ياليت تفسرينها أختي

رأيت خيرا يكون بأن بنت أخت ضرتي وهي جارتنا قريبة من بيتي وهي في الحقيقة حامل في شهورها الأخيرة ماشاء الله

رأيت أنها عندي في مجلس الرجال ومعاها بضاعة اكسسورات نسائية وأشتريت منها ثلاث عقود أثنين حجارة كريمة مع الحلق وحد لونه تركواز وواحد لونه بنفسجي

وواحد أكسسوار بلاستيك لونه وردي وبدون حلق وبعد مامشيت الحرمة من عندي ندمت قلت ياليتي أخذت حلق العقد الوردي وكانت ضرتي الكبيرة معي وسمعتني قالت لي أنها كانت مستعجلة >>>> أنتهت الرؤيا
للمعلومية أنا في الواقع أحب اللون الوردي سابقا
وحاليا صرت أحب أخلط بين التركواز والبنفسجي في لبسي وشكرا لك
الله يعينك قدامك صف طابور تفاسير الله يكتب لك الأجر عنا جميعا.