السلام عليكم
جزاك الله خير تعبناك معانا
انا قبل احمل حلمت إني جالسه مع اختي عند اهلي وشوي واشوف 3 رجال معاهم سلاح يمشون في ارض فلاة عند اهلي وكأني قلت لأختي شوفي حوثيين هي ما اهتمت اما انا جلست اراقبهم وودي ابلغ عنهم وشوي قاموا يحفرون الارض حفره كبيره فقلت في نفسي اكيد السحر اللي عندي يبغون يطلعونه (( انا مسحوره في الحقيقه)) وشوي ودخلوا في عماره لأخو زوجي في الحلم كانت عظم والحين له 5 سنوات من سكنها ولما رحت اشوف الحفره لقيت ضرتي عندها بعدين طلع من الحفره ولد عمره سنتيت تقريباً جميل جداً جداً وكانت ضرتي بتاخذه ولكن انا اخذته اول وضميته بقوه وانا ابكي وضرتي والناس يناضرونا وكأن الولد لي انا
بعد الحلم حملت انا الحين في الشهر الخامس وضرتي في الرابع
قبل احمل ايضاً حلمت كأني ابغى ارضع مولود ما اعرف جنسه ولكن ما طلع لي حليب (( انا في الحقيقه ما اقدر ارضع لإن ما يطلع لي حليب إلا شي بسييييط جداً وينشف بعد شهرين تماماً )) وانا جالسه اعصر في صدري عشان يطلع لي الحليب وبعد فتره طلع حليب غزير ولما انتقلت للثدي اليسار اول ما مسكته صار يصب بغزاره ونزل على الكنب بعدين ناديت اختي تعطيني منشفه امسك على صدري عشان الحليب ما يوسخ البيت وصحيت من الحلم
انا شفت الحلم هذا قيل الفجر وفي نفس الليله كنت عند شيخ يعالج بالرقيه وحمل في نفس الشهر انا عندي 5 بنات ولله الحمد
وجزاك الله خير مقدماً
السلام عليكم
جزاك الله خير تعبناك معانا
انا قبل احمل حلمت إني جالسه مع اختي عند اهلي وشوي واشوف...
انا حلمت اني ولدت من غير مااحس بأللام الولادة ولا نزول حتى دم الولادة ولا اي شي غير الجنين بكل سهولة حتى صياح ماصاح لدرجة لما ولدت مادريت غير لما سألت أمي انا ولدت قالت اي وبنت ووحلوة كثير وبعدين انا حملتها وحطيتها بحضني صارت اطالعني وتبتسم وبعدين نطت من ايدي وصارت تحبي وتزحف على الاعمدة الموجودة بغرفة الولادة واطالع فيني وهي تحبي وتبتسم قلت لامي يمه اول مرة اشوف طفل ينولد ومايبكي لا وبعد يضحك ويتحرك وينط ويحبي من اول يوم قالت لي امي عادي في اطفال كثير كذا
ولا بعدين صاروا اهلي بالمستشفى يقولون لما شافوها بنتها ماتشبهلها ولا تشبه ابوها طالعه على شكل قريبهم من بعيد اسمه محمد فؤاء وللمعلومة مافي احد من قرايبنا بهذا الاسم
وبعدين انا حملتها ووديتها لابوي وكان ابوي الظاهر بالمستشفى صاير عند شباك منور وريته بنتي وقال اشوف البنت مو طالعه عليكم طالعه على قريبنا من بعيد محمد فؤاد انا تعجبت وسكت
وشغلة ثانية صارت بالحلم انه قال بنفس يوم ولادتي اخوي ملك كتب كتابه
اسفه على الاطالة وشكرا
انا حامل بالشهر الثالث