حلمت من زمان ان اخوي متزوج مع العلم انه ليس متزوج خاطب وجاء بشرني ان زوجته جابت ولد وسماه محمد

وتكرر لي الحلم باني في الحلم حالمه ان استاذه عندنا قد اعطتني ابنها واسمه محمد وفي نفس الحلم اقول لها حلمي قالت سوف تحملين وتجيبين بنت ؟؟؟هذا كله في الحلم

السلام عليكم ورحمة الله وبركاته....
حبيبتي شذا أول شي أشكرك على سعة صدرك وأهتمامك بأخواتك بارك الله فيك....
غاليتي اليوم حلمت حلمين""
الحلم الاول"
حلمت أني على سريري منسدحه وكان عندي الله يعزك كلبين واحد لونه ابيض منقط بأسود والثاني والله ما أذكر لونه بس تقريبا أسود واللي لونه أبيض منقط باسود طلع عندي على السرير وأحس أنه يبيني وأنا فرحانه فيه وأمسح على رأسه أم الكلب الثاني كان بجانب السرير يعني ماطلع فوق السرير وكان عاض بفمه شماغ وعقال زوجي وشكله شرس ومعصب والثاني لا بالعكس كان يبيني وجاء جنبي على السرير وكنت امسح على رأسه وكان مبسوط مني......
الحلم الثاني يالغاليه"
هو حلمت اني رايحه للدكتوره ابي اسوي سونار وكانت معي بنت عمي طبعا ماتزوجت الى الان الله يرزقها وقلت لبنت عمي أطلعي ابي الدكتورة تسوي سونار وأصرت أنها تقعد معي علشان تشوف السونار بس أنا رفضت ان الدكتوره تسوي سونار ألين تطلع وبعد جهد جهيد أطلعت وقلت لدكتوره يالله يالدكتورة سوي سونار وقولي وش نوع الجنين ولما سوت السونار قالت ماشاء الله بنت طبعا كان لي خمس شهور حامل بالحلم قلت يالدكتوره كنت متوقعه انه ولد قالت لابنت وشوفيها وماشاء شفتها بالسونار وكأنها على الطبيعه جميله وحلوه واجذبتني بنظراتها....المهم دخلت الدكتوره يدها من تحت وطلعت البنت بدوووووون ألم قلت ماشاء الله ولدت بالخامس وبدون ألم...وصحيت من النوم.. طبعا انا الآن حامل لي شهرين والله يسهل علي وعليك وعلى كل مسلمه.......

السلام عليكن ورحمة الله وبركاته ..

اذكركن ونفسي في هذا اليوم الفضيل (يوم الجمعة) :
بـــــــــ قراءة سورة الكهف
والصلاة على النبي صلى الله عليه وسلم
والدعاء في ساعة الإجابة
واذكروني بدعوة في ظهر الغيب
تقبل الله مني ومنكن صالح الأعمال..

:26:

الله يجزاك خير يا شذى ويجعله بموازين حسناتك يارب


انا حلمت اني راكبه خيل ابيض وامشي فيه والف يمين ويساار يعني أتمشى فيه في مكان شبه مزرعه .. ونفس الحلم تكرر بس الخيل لونه بني ..

الحلم الثاني اشوووف اني اضاجع واحد غريب عني غير زوجي .. وفي حلم ثاني اني معجبه بواحد ما عرفه وهو معجب فيني بس ماعرفه لاكنه مشهوور ..

الحلم الثالث : حلمت انو وحده عطتني صحن فيه تفاح اخظر مقطع ارباع واكلت منه ..

كمان في حلم رابع ا : شووف اني اسوووق جمس وادور فيه وطلعت من شاارع ولقيت قبالي مجموعه رجال بسياره يطاردوني بالبندقيه ويحاولون يصوبوني بس هربت منهم وتخبيت ..

الحلم الخامس : اشووف اني على وشك ولااده ورحت للمستشفى ولدت ولاده سهله ومسهله حتى استغربت اني ما تعبت ولا حسيت بتعب والام واشووف ماسكه ولدي في يدي

ارجو اذا تقدرين ربط الاحلام مع بعض وتفسيرها بنوع الجنين اذا اممكن وجزاك الله عني خير ^_^

شذا الجنان الله يجزاك خير ويجعل الجنه مثواك

سويت اشعه وطلع جنس الجنين ولد مثل مافسرتي حلمي

ولك دعوة بظهر الغيب في هذا اليوم الفضيل