السلام عليكم ورحمة الله وبركاته ..

حلمت بنني امشي في مكان عام وحصلت الشيخ محمد بن راشد ومسك باصبعي الخنصر والبنصر ويسالني ما الذي البسه قلت له هذا مجرد خاتم رخيص ،وكنت اشوف حبة اللولو في الخاتم قال لي لا هذا قعود (أي ولد الناقة ))قلت له طويل العمرلا هذا من محل عادي شارتنه بستين درهم ،وضرب بالعصا بالخفيف على الخاتم ويقول لي لاااا هذا قعود وبعدها رايت ذبيحه واعطاني قطعتين من اللحم المششوي يقول هذا الذ قطعتين وطلب من اطعمه وكنت بكل حيا اطعمه ومب متوقعه اني اطعم حاكم دبي ..وكل من القطعتين ..انا عندي اربع عيال الحين وحامل بالخامس .

اسمحيلي طولت عليج بالحلم ..شفت نوع الجنين انها بنت يوم كنت بالرابع وانا الحين بالشهر السادس ..بس عندي شك ..

السلام عليكم ..
انا قبل لا اعرف اني حامل با اسبوع حلمت وحده تقرب لاهل زوجي ان داخل عليهم رجال ولا بس بشت حق الرجال ما يعرفونه وبعدها با اسبوع حللت وطلعت حامل ..

وتحلمت بعد ان ابوي شاري ثلاث بلايز نفس الاشكال بس الالوان تختلف فانا قلت لااختي هاذي للك والثانيه لا اختي والثالثه لاامي بعدين قالت لا هاذي ماهي لاامي لا نها مو مقاسها هاذي حقتك انتي لانك حامل ,,طبعن انا متزوجه وحامل ما شاالله واخواتي الثنتيين مو متزوجات واصغر مني بس ووحده مخطوبه لا اخو زوجي ,,,

وايضن تحلمت اني اتزوجت شخص غير زوجي وكنت خايفه منه والشخص هاذا اعرفه في الحقيقه ,,,

السلام عليكم شذا
انا حلمت قبل اسبوع تقريباً وكأني في مكان عند اهلي وفيه قرود كثيره مره كل شوي جايني واحد بيأذيني وكنت خايفه مره ولكن اتصارع معه واقتله وكلما قتلت واحد جا اللي بعده إلى ان حسيت إن إيديني تعبت فتركتها وهربت منها بسرعه ولما رحت من عندها على مزرعة ابوي لقيت وحده من اخواتي في المزرعه وكنت اتكلم معها وفجأه قلت زين علمتيه قبل لا يموت او لا تموتين وكأني اعني اخوي بعدين رجع لي الخوف من القرود ورحت انا واختي نجمع من العنب اللي في المزرعه ولا حسيت إلا وانا آكل من العنب وهو في عناقيده كان لونه اخضر مايل للأصفر رويان وطعمه لذيذ جداً وشوي وصحيت اصلي الفجر

الحلم الثاني

اليوم الصبح شفت كأن اخوي مسوي مناسبه زواج لزوجته الثانيه عند اهلي ولما جا العشاء دخلت اتعشى ما لقيت على السفره إلا اطفال رحت اكلت معهم رز ولحم وكنت جيعانه مره وكان العشاء عند زوجة ابوي ام المعرس وكنت افكر في امي ابغى آخذ لها من العشاء لكن دخلت اختي من ابوي ولاعاد قدرت اشيل معي عشاء لأمي لكن اكلت لين شبعت (انا واختي بيننا خلاف )

الحلم الثالث

حلمت كأني في مكان غريب عند اهلي وشوي يطلع لي فار وثعبان في نفس الغرفه كنت انا ابغى اقتل الاثنين والفار يبغى يقتل الثعبان في النهايه الفار قتل الثعبان ومات بعده وقبل ما يموت الفار قال لي لا تنسين تقولين إني انا اللي قتل الثعبان مو انتي وشوي ويطلع لي فار وثعبان ( غير اللي ماتت) وحاولت اقتلها وبالفعل قتلتهم بعدين طلعت اعلم لأهلي عن اللي صار لي وخاصه مع الفار الاول

اعذريني يالغاليه كثرت عليك ولكن أحتسبي الاجر الله لا يحرمك

غاليتي شذا عندي حلم تكرر معي اكثر من 5 مرات كل ما انام اشوف هذا الشي وودي ارسله لك على الخاص وتفسرينه لي لإني ما اقدر اقوله هنا فلو ما عندك مانع اعطيني خبر الله يسعدك ولو ما تقدرين فأنا اعذرك
وجزاك الله الفردوس الأعلى

اختي شذا الجنان ارجوك فسريلي هذا الحلم انا حامل بالشهر السادس
تحلمت ان زوجي ملك علي وان اناضر لبطني وانا حامل
الثاني انو فيه مجموعة حيات وحدة كانت متوسطة ونحيفة تبي تؤذيني ضربتها بالجزمة فماتت ولكني اصريت
على قطع راسها بالجزمة فقطعتها

طيب اذا حلمت باسم البنت الي في بطني اسميها نفس الاسم ولا عادي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟شكرا