المتفائله 66 :

هذا التحليل في اي يوم يعمل ثاني يوم من الدورة او متى

هذا التحليل في اي يوم يعمل ثاني يوم من الدورة او متى

bant_alnoor :

السلام عليكم ورحمه الله وبركاته أولا \ احب اشكر الاخت انا كويتية على اخبارها لي عن هذا الموقع ثانيا \ كنت اعتقد ان حالتي ناااااادرة جدا جدا جدا ومافي احد مثل حالتي ثالثا \ وماكنت اعتقد ان هناك تجمع لارتفاع هالهرمون وانا هناك حالات كثيرة مثل حالتي وااعبر منى رابعا \ عطيتوني امل ياخواتي بعد ماشفت ردودكم بعد مارميت كل علاجاتي وقررت اني مااراجع اي دكتور لان تعبت نفسيتي من كل الدكاترة والعلاج اللى اخذة والنتيجه في النهاية اهي نفسها اني مستحيل احمل الا اذا خذيت من وحده بويضه وهذا طبعا حرااااام ومستحيل اسوية او بمعجزة من رب العالمين خامسا \ انا الحين فوضت امري لله سبحانه وتعالى ماغيرة احد ولجأت له وطرقت بابه وعسى الله يفتحها على ويرزقني ويرزق كل من يطلب الذرية الصالحه و راح اشاركم بهالموضوع واطرح عليكم مشكلتي ومعاناتي لمده 8 سنواااااات

السلام عليكم ورحمه الله وبركاته أولا \ احب اشكر الاخت انا كويتية على اخبارها لي عن هذا...

bant_alnoor :

انا تقريبا سارلي 8 سنوات متزوجه وراح ادخل بالتاسعه بعد كم يوم والله مارزقني بالعيال لحد الحين والسبب هو هرمون الfsh وقالولي هالكلام بعد مارحت افحص بعد 7 شهور من الزواج عند عالية الفضلي وحطمتني نفسيا وقالت لى لو المكتب هذا يحمل بتحملين طبعا حزتها انا انهرت وكنت توني عروس مع ان مشكله هذا الهرمون من قبل مااتزوج والدورة ماتنزل الا بحبوب واذا وقفتها ماتنزل بتاتا والهرمون في الفترة هذيك كان في صعووووووووووود دائم وطبعا مع مراجعات الدكاترة وافضل الدكاترة اللى عندنا بالكويت كلهم رحتلهم وحاولو معاي بالحبوب المنشطات والابر والتفجير بس مالله كتبلي خروج البويضه وانا لما سويت المنظار على المبايض قالولي ان المبيض خالى من البويضات ولاعندج امل انج تسوين اي شي لاتلقيح ولاحقن ولا شي ارتاحي بالبيت واكلي البروجالتون عشان تسير حياتك طبيعية وتعوضين هرموناتج ولاتحاولين تعبين نفسج وكنت بعدها اريح فترة واروح لدكتور ثاني احاول ونفس الكلام يطلع وانا على هالكلام لحد الحين رحت لندن نفس الكلام رحت الاردن نفس الكلام رحت بلجيكا بهالصيف وعلى حسابي انا وزوجي عطونا علاج اوبرنامج علاجي لتنزيل الهرمون وفعلا يابنات الهرمون كل ماله قاعد ينزل الى ان وصل معاي 5 وكانو طالبين منى تحاليل ارسلها لهم اول يوم للدورة وهواول يوم ابدأ فية البرنامج و25 يوم من العلاج بعدها اذا مافي حمل اوقف الحبوب وتنزل الدورة على وابدا مرة ثانية بالعلاج واذا صار حمل استمر على العلاج لين يقولون لي وقفية طبعا انا ماصار معاي لحد الحين حمل الله يكتبة لى عن قريب ولما ارسلت لهم التحاليل طلعهرمون ال اف اس اتش اوكي نازل لكن الهرمون الثاني مومضبوط وبعدها صارت لي ظروف مايعلم فيها الا رب العالمين وبعدها وقفت العلاج ووكلت امري الى الله سبحانه وتعالى وها انا الآن انضم لكم عسى تكون فاتحه خير علي وعليكم ويرزقنا بالحمل يارب العالمين وانا حابة استفسر عن الدكتور الصفيان وين مكانه بالضبط ورقم تلفونه اذا ماعليكم امر واسفة على الطاله

انا تقريبا سارلي 8 سنوات متزوجه وراح ادخل بالتاسعه بعد كم يوم والله مارزقني بالعيال لحد الحين...