للرفع

:)

انا ولدت في المواساه عند امل نوح ماشاءلله قمه في الاخلاق حتى انا طلبت منها طلق صناعي لما تاخرت ولادتي وحسيت بالثقل لكنها رفضت تقول انك ماتحتاجينه والطفل راسه لتحت وراح تولدي طبيعي إن شاءلله واهي استشاريه حتى في الانتظار لحظت اكثر الحريم عندها مع انه في ثلاث اخصائيات واخصائي وحتى العناية بعد الولاده رهيييييبه والاجنحه حلوه ونظيفه وتعامل الممرضات مره حلوه وان شاءلله ولادتي الثانيه عندهم وعند نفس الدكتورة ومستشفى التامينات اعرف وحده ولدت عنده ولادتها الاولى وفي ولادتها الثانيه غيرته وولدت في دله ..

موجودييييين والله من زمان ادور على هذا الموضوع انا اتعالج عند الدكتوره سحر صالح سوووريه في مستشفى المانع بالدمام معاملتها حلووووه بس احس انها متهاونه شوي مافيه ذاك الاهتمام والمستشفى قديم ووصخ وفيه اشكال تسد النفس بعدين نقلت ملفي الي مستشفى سعد الطبي وكنت محتاره والي الان محتاره مين الدكتوه الممتازه فيه والله يكون بالعون

بنااااااااااااااااااااااااات حبيت اذكركم بشيء........
ابيكم تتذكرون عدة امور:.
1- ممكن انت ترتاحين لمستشفى ودكتورة والباقيين ما يرتاحون لها يعني توافق الدائرة الكهربائية.وبعدين لولا اختلاف الاذواق لبارت السلع.
2- ممكن الدكتورة تكون روعة لكن في لحظة معينة يجيها شيء يعكر مزاجها أو تخطئ بالتقدير
والبشر من طبعهم النسيان والخطأ , بالتالي الحكم على شخص من مرة صعب.
3- وبعدين فيه مرضى يجون اخلاقهم واطية والا متعاليه يخلي الدكتور مايهتم له.
4- وهو المهم ان كل شيء بيد الله سبحانه وتعالى وهو الي يسخر وييسر والله لايحيجنا الا لوجه الكريم .
5- الدعاء والصدقة تدفع البلاء.
6- هذا مو معناه الانسان مايسال ولايتحرى بل بالعكس يسال من حوله ويسال الله التوفيق اولا ويستخير على كل ماينويه عشان ربي يدله على الخير.
7- انا مريت بولادتي الاولى بتجربة تثبت ذلك: كنت بكر وفي امريكا وكانت صحتي تمام والبيبي تمام والدكتورة اكثر من رائعة والمستشفى اروع وكل السبل حلوة ووضع الطفل يطمن بس في الاخير ويمكن شيء محد يصدقه انتكست حالتي والمولود كبر بشكل مفاجئ في اخر اسبوعين والرحم ماانفتح وقعدت 30 ساعة اطلق وبالاخير قل الاكسجين وكتب ربياني اولد بعملية بعد ماذقت العذاب وارتفعت حرارتي الى 43 وصار عندي بكتيريا بالدم وولدت وقعدت بالعناية انا وبنتي وتخيلوا اول ما انولدت كانت زرقاء وماصاحت لين انعشوها .. والحمدلله انها سليمة والله يخليها لي ومن روعة الدكتور قامت تبكي علي هي والممرضات يقولون لي انت صبورة ويتاسفونوهم مابيدينهم شيء على فكرة زوجي طبيب وعارف الوضع.........وكان دائم يقول لي السهالة من الله.
8- انا الحين حامل وفي الرياض واطلب من ربي التسهيل واراجع في المملكة لانه قريب وهادئ ومريح على الاقل بالنسبة لي عند الدكتورة فاطمة العسيري الله يسخرها لي ويسر لي امري
9- اسفة اني طولت عليكم .
10- الله يسهل ويهون عليكم جميعاااااااااااااااا ويرزقكم الذرية الصالحة ,
آآآآآآآآآآآآآآآآآآآآآآآآآآآآآآآآآآآآآآآآآآآآميــــــــــــــــــــــــــــــــــــــــــــــــــــــــــــــــــــــــــــــــــــن