#حنين الماضي# :

السلام عليكم ورحمه الله وبركاته ما شاء الله عليكم رفعتوا معنوياتي عقدت قراني على رجل متزوج والحمدلله على كل حال هو حبوب وطيب ويخاف ربه كان شرطي موافقة زوجته وحلف انها موافقه وجوووا اهله واكدوا هالشئ وتمت الملكه وكنت مبسوووطه وبيووووووووووم جاني اتصال من رقمه رديت الا هو صوت حرمه وانواع السب والدعاء ومن يومها بس يتصل علي على طول انتظار هي شلت خدمه الانتظار بس اقفل الخط احصل رسائل الدعاوي قلت له يقول اصبري مرحله وتعدي الحين صار ما يتصل مثل اول ولا يرسل وهي انواع الاتصالات والرسائل بس طمشتها وما ارد عليها فرحي وتخطيطي للخطوبه وحماسي كله رااااااااح حاسه بندم صراحه مدري اتراجع قيل الزواج او استمر خاصه اني مطلقه قبل وعندي ولدين وخايفه عليهم صراحه وووووووووووش الحل؟؟؟؟؟؟؟ كيف اتصرف معاها؟ هل ازعل منه على قلة اتصالاته او على كلامه اتحمل وفتره وتعدي؟ معليش ثرثرت كثييييييييييير بس ما صدقت احد يسمعني

السلام عليكم ورحمه الله وبركاته ما شاء الله عليكم رفعتوا معنوياتي عقدت قراني على رجل متزوج...

وله قلبي :

مراحب حبيباتي ,, حواء ,, الله ينور عليج دنيا وآخره بلمبه اكبر من حقتي :icon28: تاج ازيك ياجميل وين من فتره ماحدش سمع ليكي صوت هههههههههه دنووووو والله انك صادقه لكن تعرفين ؟؟؟ نحن بتكون نظرتنا اقصر لو التفتنا لهم وابتعدنا عن نفسنا ,, ياحبيبتي خلي اللي يقول يقول المهم ان نحن نتوصل للسلام الداخلي وعقبها صدقيني بيكون كلامهم مصدر بهجه لانج بتتوصلين لحقيقه عقلهم القاصر عجز انه يوصل لها ,, حبيبتي شو رايج انا الحين خمس سنوات وونيف خخخخ ولين الحين وابل الدعاوي والشتايم والسب مازال يرفرف على راسي :icon28::icon28:والله مالج عليه يمين انه مصدر بهجه وفرح لي ,,, بتقولين ليش ؟ بقولج لاني كل يوم احصل أجر وثواب عظيم والحمدلله رب العالمين فيه انسان عاقل يجيه الاجر لين عنده ويقول لا شكرا ما ابغي ؟ المهم نرجع لموضوعج حبيبتي ,, اولا طبيعي جدا انها تغار وان زوجها يحاول يهدي معاها هالفتره علشان مايزيدها قهر بالدفاع عنج وتشعلل زياده ,, بس اللي مب طبيعي ان مكالماته ورسايله تقل مممممم شوفي حياتي ,, انتي الحين متضايقه من تصرفاتها واكيد الشيطان معسكر عندج بالوساوس والهواجيس في مخج لكن اولا ,, اللي اباه منج ان تحظرين رقمها فيتعذر عليج رسايلها ومكالماتها وبجذه بتبتعدين عن سبب التشويش الفكري اللي تعيشيته ,, بعدين الله يسلمج اتفقي مع زوجك انه مايجيب طاريها وانتي باسلوبك حاولي ماتكونين لحوحه ومتطلبه وتضيفين عليه عبء اضافي لانج ماتعرفين انواع الضغوط النفسيه الي تمارسها عليه الحين وممكن تكون مخلتنه يقلل من مكالماته لج ,, انتي لما يكلمج ادخلي الفرحه لقلبه وتكلمي عنج انتي وهو ومستقبلكم لاتيبين طاريها موووووليه ,, وشوفي هل بيستمر بالبعد ؟ والله يوفقج والجميع للي فيه خير يارب

مراحب حبيباتي ,, حواء ,, الله ينور عليج دنيا وآخره بلمبه اكبر من حقتي :icon28: تاج ازيك...

ام معاذ القيسي :

هلا فيكم يااخواتي. انا اول مره اشترك وحبيت آخذ رأيكم بموضوع جدا تاعبني... انا مطلقة من وقت قريب وعندي ولد اللي صار تقدم لي شخص جدددا ممتاز ومتمسك فيني بس المشكلة ان زوجته اصغر مني بخمس سنوات بالنسبة له هو عادي وماعنده مشكلة ويقول يتمناني لان تعليمي يوافق تعليمه من الناحية الجمالية انا اجمل منها ووالله ماامدح نفسي بس هذا اللي صاير وانا الآن ترددت لاني اكبر منها وكلام الناس وتحطمت الثانية واكبر من الاولى احسها صعبه شوي واهلي يقولون عادي طبعا يبغون لي الستر وش رايكم ياأخواتي؟؟؟؟؟؟؟؟؟ ولاتجاملوني ابدا ولاتنظرون على اساس اني مطلقة ولازم اقبل بأي احد والي ثانية واكبر من الاولى تعطيني تجربتها تكفوووووووووون...

هلا فيكم يااخواتي. انا اول مره اشترك وحبيت آخذ رأيكم بموضوع جدا تاعبني... انا مطلقة من وقت قريب...

وله قلبي :

هلا اختي ,, شو دخل العمر في السالفه اذا الريال شارنج ؟ ياحبيبتي انتي مب اكبر عنها بدهر علشان تحصرين فكرج في هالناحيه ؟ بعدين الغاليه الريال ينظر للقلب للعقل للشخص اعتقد انها اهم من العمر ,,, احيانا تشوفين الام شكلها اصغر من بنتها فما بالج بخمس سنين اللي لاتذكر في راي ؟؟ خلينا من العمر الزمني وتعالي للعمر البيلوجي تحسين انج كبيره فيه ؟ ممكن تكونين طفله وفي عيونه عجوز والعكس بالمختصر لاتعطين العمر حيز أكبر من اللي يحتاجه واستخيري رب العالمين وخلي كلام الناس آخر همج وانا اول وحده اقولج بالعكس ,, في زواجك الثاني لازم تختارين الشخص عن اقتناع تام ,, والطلاق مب عيب لكنه حافز يدفعنا للاختيار بمنطقيه وعقلانيه أكبر والاهم التروي وعدم الاستعجال علشان مانكرر الخطأ ,, والله يوفقج الغاليه

هلا اختي ,, شو دخل العمر في السالفه اذا الريال شارنج ؟ ياحبيبتي انتي مب اكبر عنها بدهر...

* حواء * :

هلا اختي ام معاذ القيسي فديتك نجاح الزواج مايعتمد لا على جمال ولا على سن معين لا تعتمدين ان سعادتك وياه راح تكون علشانك اجمل !!! الجمال راح يروح ويبقى جمال الروح والعقل اقولك كلامي هذا علشان ما تنصدمين وتقولين محد نصحني اهم شي في الزواج التوافق والراحة النفسية وباقي الحواجز كلها تذووووب ماعليك من كلام الناس ووالله لو انتي اصغر واجمل وفيك كل المواصفات الحلوة راح يعذربون فيك استخيري ربك واستشيري واحد رأيه سديد في العائلة ما خاب من استشار والله يوفقك ,,,

هلا اختي ام معاذ القيسي فديتك نجاح الزواج مايعتمد لا على جمال ولا على سن معين لا تعتمدين ان...