ملف جميع ....( ( نوادي الرياض ) ).........لبنات الرياض الي يحبون الرياضه وبس

علاج السمنة والنحافة

السلام عليكم

هلا وغلا اقلطووو وسمو بالله ....

الموهم يا بنات الرياض الحلوين انا لي فتره ابحث عن نوادي
وطلعت لكم بتقريبا ((22))نادي
حلووو ..اكمل لا احد يقاطع >>صدقت البنت!!

طبعا الي يشوفني ابحث يقول هاذي بتسوي اختراع خخخخخ على هالبحوث ...بس يله طلعت لكم بشي وشويات ...طبعا فيه نوادي قد سمعت فيها وماشفتها وفيه نوادي شايفتها ..وفيه نوادي اول مره اسمع بها خخخخخ

ببدالكم كل النوادي الي لقيتهم وانتم عليكم عاد تقولون لنا اذا فيه زياده..
وتقولون بعد المميزات والسلبيات

يله بسم الله لا يفوتكم بس الترقيم والتسطير اولى ابتدائي هههههههههه...

1-نادي مستوصف الحرمين.
شرق الرياض.. رياضه واجهزه وبدون مسبح ..طبعا ماشفته ..

2-نادي مستوصف شدا او شذا ..
((مدري وش سالفة هالنقطه )) المهم هو شرق بعد النادي يعتبر صغير والمدربات سوريات ..بدون مسبح.

3-نادي مستوصف حي السلام.برضو شرق الرياض صاله وحده وماعليها موصغيره ولا كبيره وسط وفيه اجهزه والمدربه هنديه ..وبدون مسبح.


4-نادي مركز الافاق.
((تبع نيوهورايزن)) المدربات يجننووون بس عيبه كان الزحمه الاشتراك 450والفحص ب150
وطبعا بدون مسبح..كان قبل مقابل مركز الامير سلمان الحين نقلو الظاهر للعليا ..بس نضيف ومرتب والمدربات اجانب ومشكلين

6-نادي الامير سلمان
طبعا غني عن التعريف طبعا الي يميزه عن نوادي الرياض فيه مضمارلانه بالاصل نادي اما باقي النوادي هي بالاصل مستشفيات ومستوصفات ..ويعتبر رخيص مقارنه بالنوادي الثانيه وعيبه الزحممممممممه

7-نادي مركز رثويه .النادي ماعليه صغير ومتواضع ..خخخخ...يوجد مسبح ولاكن يجيب الغلقه خخخخ لانه صغير ومكتوم وفيه درج ..وللمعلوميه اصلا هو للعلاج الطبيعي ..وفيه صاله ماعليها بس صغيره ..والمدربه كانت على خبري شرق اسيويه بس مدري من وين بالضبط ..وهو تقريبا شمال الرياض..تراني ما اعرف اوصف زين خخخ

8-نادي مركز التخصصي الطبي .نادي جداااا راقي وماعليه حلووو ..واناس الي فيه من الطبقات الي فوق شوي..هاذا على خبري قبل كم سنه الحين مدري عنه وهو بالدور الاخير اتوقع الدور التاسع .. وفيه مسبح ..انا بالنسبه لي مره حلوو بس بعيد عني مرررره.

9-نادي مستوصف راسان.نادي مره صغير بس حلوو ومايجيب الكأبه وفيه مسبح ومدربته عسل ووحده نفسها شينه ..وفيه تدريب سباحه اطفال اولاد وبنات يعني الي تبي تسبح مع بزارينها حلوو مره ونظيف واهم شي موب زحمه اما الرياضه ماعليها بس عيبها الصاله او الموزع مررررررررره صغير يعني اذا فيه ثلاث ماتقدرين تمشين معه الاشتراك 600رياضه و600سباحه.

10-نادي لاينر.او نادي بدي لاينر وهو موجود بسوق بشرى النسائي شرق الرياض
بالنسبه لي ما اعجبني مع انه نضيف ومرتب ..بس عيبه القزاز شفاف والي بسوق يشوفونك ..وانواع التميلح ..وفيه تدليك صيني وتنضيف بشره.وماعليه حليووو..وعيبه الثاني لازم كل مره تدخلين النادي تمشين مع السوق وطبعا فيه تفتيش في السوق وممنوع جوالات الكميرا يعني بياخذونه منك عند الباب

باقي النوادي ما شفتها بس بذكرها بالاسامي وانتم شدو حيلكم عاد

11-نادي مستشفى المشاري.

12-نادي مستشفى الحمادي.

13-نادي مركز اوباجي.

14-نادي النخبه.

15-نادي الملتقى .

16-نادي رياض الهجن.

17-نادي ريم الحجاز.

18-نادي عيادة بسمة الؤلؤ.

19-نادي مركز مناير الطبي.

20-نادي نيو لوك.

21-نادي يبرين.

22-نادي لومنيغ سنتر.

وبس الحين عاد الدور عليكم كملووو انتم وعطونا معلومات باقيه
واذا تعرفون نادي شرق الرياض وفيه مسبح علموني

وسلامتكم ..وصبح صبح....
417
249K

يلزم عليك تسجيل الدخول أولًا لكتابة تعليق.

تسجيل دخول

قمر®نجد
قمر®نجد
مشكور حبيبتي تمارا على المعلومات انا بالنسبة لي انا مشتركة بالمركز التخصصي الطبي وهو فعلا راقي بس صاير زحمة شوي :( هو في الدور التاسع ودورين هو الدور الثاني مسبح وكوفي وغرفة ملابس والدور الاول 3 صالات تدريب + غرفة ملابس + صاله اجهزة + حضانة هو صغنون بس رااقي بصراحة انا مستحيل اشترك بنادي غيرة
نـورة
نـورة
انا في نادي مستشفى المشاري
ومافي غيري خخخخخخخخخخخخخخ
المهم النادي يعتبر نويدي وفيه مسبح بس صغير


وبالنسبة لنادري رياض الهجن انا كنت فيه بس هو تقريبا بس غرفه
وعموما كلهم يجيبون الهم ههههههههههههههههههه

بس وحده من صديقاتي تمدح نادي مستوصف بسمة اللؤلؤ
قمر®نجد
قمر®نجد
معليش نسيت اضيف انه في الدور الثاني فية صالون :) للي يبي يسوي نيو لوك بعد الرياضة :)
ورديه 55
ورديه 55
انا اشتركت بنادى التخصصى الطبى جدا حلو وراااقى والبنات الى فيه يحمسون
واشتركت كمان بنادى اوباجى حليو ماعليه بس مكتوم شوى
**تمارا**
**تمارا**
مشكورين بنات على المرور
نوره
كل النوادي تجيب الهم يقولون نادي واذا رحتي تلقين قلت حياء موب ناديه غرفه وحمام أل ايه أل نادي خخخخخ.......

قمر نجد و ورديه
حلو مع بعض ..مشكورين اوي اوي اختي بتستانس على الحضانه بس مشكلته مره بعيد
كم اشتراكاتهم الان وكم الحضانه ؟؟
لان على خبري بهم قبل 5او6سنوات والله ما تذكره زين :)
عطونا التفاصيل ووش مدراباتهم وكيف الرياضه معكم نحفتو خخخخخ