ملف خاااااص لمابعد الولاده يالله أدخلو أيش تنتظرون

بكتب لكم انا اللي عندي واي اضافه جديده بتوصلها اكيد بقولكم عليها

أولا اول خمس ايام راحه بعد الولاده من ثم اول شي بلبس المشد الحراري
ومن ثم بربط فوقه شماغ هذا بالنسبه للبطن ..

وأكلي سيكون كالتالي خضروات وفواكه ودجن(بر) يعني مطازيز_قرصان_مرقوق_
مراصيع وأكيد باكل حلبه مع الشروبه او المرق المسلوق وكل يوم بخلص
زمزمية دارسين مع الزنجبيل وبشرب قشر الرمان لانو مفيد جدا للوالده وبدل
القهوه بشرب قشر القهوه لانو يمسح البطن مسح ويلزقه بالظهر باذن الله

مــــــــلاحظه : حوامل انا كتبت الاكل اللي مفيد وسألت فيه اخصائية التفذيه
وطبعا لازم كوب حليب الفجر مع الحلبه يوميا من اول يوم حتى العاشر يعني
اقصدكثر الحلبه يخرب اللي تحت ..

هذا اللي يحضرني بالنسبه للاكل




أكمل بالنسبه للي بالي بالكم

لازم تحضرين لك ملح خشن + ورق الزعترالبري + خوا وجوا
لانوو مهمين كثير للمنطقه ,,..


الملح يساعد على التعقيم والتضييقى والطريقه انك تدخلين قطعة ملح بعد
ماتنظفين المنطقه او تحطينها بمويه دافيه وتجلسين ربع ساعه
وهذا بيعقمها وينظفها ويضيقها ..


والزعتر البري تغلينه وتصفينه وتجلسين فيه وهو دافي
ممتاز لكي يلم المنطقه ..
وخوا وجوا يطهر الجرح يعني تحطينه على الجرح ..


هذا والله أعلم


وبقولكم شغله مهمه لازم تمشون نصف ساعه يوميا وهذا من بعد اليوم الخامس للي تعبانه مره

واللي مافيها شي تبدا قبل لانو الجلسه لاسمح الله تسبب تجلطات
في الارجل والاطراف ومنهاتخفيف للكرش العصيب


واذا لقيت شي بقولكم وماراح ابخل عليكم


أتمنى قدرت افيدكم

الله يعطيك العافيه يااااارب

بس ابي اسالك الخوااا جوااا كيف انقعه بالماااء واتشطف به ؟؟؟؟ ياليت توضحين لاني بوولد بيعيد عن اهلي زين مني اذ قدرت انفس عمرررري

الله يعين بس

مشكووووووووره نجمه ع الملف ولي عوده باذن الله

مشكوره يانجمه ياليت تحكون عن القيصري وكبف العنايه بالجرح ومتى ربط البطن وممكن يرجع لوضعه ولا ماتروح الكرشه بعد القيصريه
ولاتنسين الكبو مهم في العشرين يوم الأخيره مااذكر مكوناته بالضبط بس اللي اذكره
خوا جوا
قشر بصل
مره
فلفل هواء
كمون
وان شاء الله اذا ذكرت الباقي كتبته

مشكوووره نجمه ع الملف وان شاء الله الكل يستفيد