الماسة81 :

سمسمة العوضي: ما تضايقي ولا شي ولا تاخدي بكلام الدكاترة يا ما قالولي روحي على البيت ما الك علاج بس ما لازم نهتم لكلامهم خدي الهرمونات التعويضية واستمري على الخلطات العشبية حسيتها كتير مفيدة لحالتنا ...والله يرزقك يارب بالحمل عاجلا غير آجل ام منصور :الله يرزقك بالذرية الصالحة المعافاة عاجلا غير آجل وتبشرينا بحملك يارب حبيبي زوجي:مبروووك نزول الهرمون واكيد في امل ما في شي كبير على ربنا او مستحيل وان شاء الله ربنا بيرزقك بالحمل المعافى

سمسمة العوضي: ما تضايقي ولا شي ولا تاخدي بكلام الدكاترة يا ما قالولي روحي على البيت ما الك علاج...

sali_h :

سمسمه معظم البنات اللي عندهم ارتفاع في FSH عندهم انخفاض في ال amh وكان ال فورم الاجنابي بيقولوا ان في مهم عندهم انخفاض في amh وحملوا ولمل طلب مني الدكتور وسألتهم على التحليل قالوا هوا بيحاول يثبتلك انك مش حتحملي بس فيه حملوا بصي المشكله ان FSH مرض غريب ولحد قريب كانوا يعتبروا نسبة الحمل تكاد تكون صفر والابحث اللي اتعملت للمرض ده مش كثير انا لفات على دكاتره كثيره في مصر محدش اداني اي امل بس برده انا عندي امل وخصوصا بتجاربكم انسي تحليل ال amh احنا ان شاء الله مشيين في الطريق الصحيح فانسي الكلام ده ان شاء الله ربنا حيكرمنا

سمسمه معظم البنات اللي عندهم ارتفاع في FSH عندهم انخفاض في ال amh وكان ال فورم الاجنابي بيقولوا...

سمسمة العوضي :

شكرا ياسالي ياحبيبتي على ردك وأنا على فكرة مصرية زيك أنا كمان لفيت على دكاترة في مصر كتير وأصلا في مصر كانوا بيقولولي ماعندك أصلا مبيض ومش شايفين حاجة حتى عملت منظار قالوا مفيش مبايض خالص وسبحان الله فضلت على كدة سنين طويلة وأنا ظانة ان مفيش مبايض بس كنت مستمرة على الهرمونات ولما سافرت وتزوجت أصر زوجي نتابع وسبحان الله لقيت مبيض حجمه صغير جدا لكن للأسف الهرمون عالي جدا واستمريت على خلطة العسل أكتر من 10 شهور لدرجة ان وزني وصل 71 كيلو وعمري مازدت عن 65 كيلو أبدا ومع ذلك مفيش تحسن وكمان الداهية أخدته 5 شهور ماجاب نتيجة معي والآن أنا آخذ خلطة دكتور سيد وهو بيتابع أخباري جزاه الله خير وقال أهم حاجة نفسية الاإنسان تكون كويسة لأني بعد الأخبار دي انتكست بصراحة وفضلت أبكي حسيت إن الدنيا قفلوها في وشي الحمد لله على كل حال أنا عندي حسن ظن بالله سبحانه وتعالى وربنا يرزق من يشاء بغير حساب.

شكرا ياسالي ياحبيبتي على ردك وأنا على فكرة مصرية زيك أنا كمان لفيت على دكاترة في مصر كتير وأصلا...

sali_h :

بصي اكبر دليل على ان ان شاء الله في تحسن ان مكنوش شيفين المبيض وابتدوا يشفوا ده احسن حاجه وفي ناس حملوا وهرمونهم مرتفع انتي عارفه انا نفس الشيء مبيبنش المبيض خالص في السونار وقالولي اعملي Pelvic MRI بس قولت حستنى شويه لحد مأخذ DHEA كذا شهر وبعدين اعمل انا حسه ان ربنا فرجه قريب جدا لأن الحالات المماثله كثيره وفي منها تغلبت على المرض وحملت بس اني مستمريه على الهرمونات البديله ولا موقفاها واه اللي بتأخذي يمكن محتاجه تغبري نوعه انا بعت اجيب فومستون من بره عشان كل البنات بيمدحوا وان شاء الله الاعشاب اللي بتأخذيها تجيب نتيجه بصي هوا اللي احنا فيه ده صعب وحاجه تفرحنا وعشره بيديقونا بس الحمد لله ان الوضع ابتدى يحظوا على اهتمام الناس والحمد لله انحنا مش لوحدنا ولقينا بعض جميعا وبنستفيد من خبرات بعض بصي متفكريش في الوحش فكري حتعملي اه ثاني عشان تخفي وتجيبي بابي يغلبك :)

بصي اكبر دليل على ان ان شاء الله في تحسن ان مكنوش شيفين المبيض وابتدوا يشفوا ده احسن حاجه وفي ناس...

سمسمة العوضي :

شكرا على كلامك الحلو ياسالي فعلا والله أنا قبل ماأشوف الملف ده كنت مفكرة إن أنا لوحدي بعاني من هذا المرض الغريب لكن لقيت فيه ناس كتير بتشاركني نفس المحنة وده يمكن خفف عني شوية كنت حاسة إني حالة غريبة بين الناس حواليه الحمد لله والشكر لله على جميع نعمه وأنا دلوقتي بآخذ هرمون البرجلتون نفس السيكلوبروجنوفا في مصر وأنا مقدرش أغير الهرمون من نفسي هنا ممنوع صرف أي هرمون من الصيدلية إلا بروشتة بس أنا سألت خالي أمس وقال كلها زي بعضها قبل كدة كنت بآخذ حاجة اسمها ترايسكوانس 28 حبة لا أوقفها حتى أثناء الدورة وانا الشهر ده لم آخذ البرجلتون قلت أجرب الأعشاب لوحدها مش عارفة آخذها تاني ولا إيه؟

شكرا على كلامك الحلو ياسالي فعلا والله أنا قبل ماأشوف الملف ده كنت مفكرة إن أنا لوحدي بعاني من...