ملف خاص بالاخوات الي قومهن الله بالسلامه بشرينا شوه يبتي ومتى تاريخ ولادتج

اتمنى ان يثبت الموضوع عشان نعرف من الخوات منو الي ولدت واتمنى لو تعطينا نبذه لو بسيطه عن ولادتها وتاريخ ولادتها وشوه يابت بنت او ولد

اول وحده بخبركم عنها حرمة اخوي ولدت بتاريخ 31-10-2006
ويابت بنت كتكوته وسموها شيخه على اسم جدتي الله يرحمها
بس قصة ولادتها قصه
كانت في البيت وانتو بكرامه راحت الحمام ونزل عليها الدم كان عالساعه وحده وطبعا كان دوامهم في السلع فكانت الخدمات الطبيه هناك مب لين هناك وهي بكر فخافت واخوي طلب لها هليكوبتر تنقلها من السلع الى بوظبي لان مستشفى السلع كان لو صارت عمله نحن غير مسئولين فركبوها طياره وكان هذا في الساعه خمس الفجر وصلت مستشفى الكورنيش وبعدين ولدت هناك بعد معاناه على الساعه هدعشر الصبح والله يسر لها الحمد لله
وكانت حليلها تقول كل شوي ادعيلج الله يرزقج ذكر الله يجزيها خير يارب

والحين اتمنى من الخوات الباقيات يحكون النا لو بالمختصر عشان نعرف منو ولد من الخوات
انا خلاص كملت التاسه ان شاء الله ان ييسر علي واولد اليوم قبل باجر لاني فعلا تعبت