في إنتظار معرفة تجاربكم مع الحملات ، بكل أمااااااااااااااااااااانه

:)

راعية محل الغاليه
حج مبرور باذن الله
الغاليه والله ثم والله لو تسألين دريم ودندونه كنت اقولهم ودي الف على الخيام واقول بصوت عالي: (راعيييييييييية محــــــــــــل) عشان أتعرف عليكِ بس خفت احرجك :D فهونت

اما بالنسبة لخيمتي فكانت الخيمة رقم 15 اللي بجنب خيمة الرجال على طول وازواجنا كانوا بالخيمه اللي بجنبنا على طول، والله مو متذكركتك لاني ما كنت من البداية قاعده وقت توزيع الجوائز، يمكن لو قلتي لي على الخاص اللبس اللي كنت لابسته او شكلك ممكن اتذكرك واكيد تقابلنا خاصه وقت الحمامات هههههه،وعلى فكره انا بعد فزت بساعة حائط واسمي غريب اجنبي ويبدأ بحرف الميم وكنت لابسه تنوره برتقاليه مع بني وبلوزه بنيه عليها
ها عرفتيني؟!!!!

والحج كان رائع بمعنى الكلمه احساس رهيب ما اقدر اوصفه خاصه يوم عرفه بصراحه كان يوم خيالي اجواء ايمانيه وشعور غريب وشعور رهبه وخاصه لما نجي نروح من عرفه خلاص ودك ما توقفي بكاء بنفسك ودك تخرجي وربنا غافرلك وكنا ندعي يا رب اجعلنا ممن رضيت عليهم في هذا اليوم
والله ايام رائعه بمعنى الكلمه

صح اننا في البداية اول ما دخلنا المخيم انصدمنا شوي نتيجة تغييرات بالحمله ما كنا متوقعينها والصراحه اني اعذرهم لانه في شيء حصل خارج عن ارادتهم خاصه انهم طوال سنوات طويله وهم محافظين على سمعتهم لكن صار معهم شيء مو بيدهم شيء مو منهم يعني خاصه بالنسبة لمسألة الحمامات والمساحه بالخيام وجزاهم الله خير على كل حال

لكن بعد يومين بالضبط من جلوسنا صرنا متأقلمين تماماً على المكان وصرنا كلنا قلوبنا على بعض ومثل اخوات نتناصح وندعي والله يجزاها خير اختنا الكبيرة ام ايوب بصراحه كانت الاخت النصوح لنا والناصحة الداعية لنا يوميا بالخيمة رقم 15 تلمنا كل يوم وتقعد تعطينا نصائح وفوائد الذكر وغيره وغيره الله يجزيها كل خير يا رب ويوفقها دنيا واخره

تعرفت على بنات قمه في الروعه كنا نذكر الله وكنا ندعي وكنا احيانا نسولف مع بعض وتعرفنا على بعض

والاجمل واالاجمل والاروع
تعرفت على اخواتي الغاليات من منتدى عالم حواء

تعرفت على Dream الاخت الرائعة المرحة الطيبه الضحوكة اللي تدخل الابتسامه على قلب كل من يشوفها بضحكتها الدائمة واسلوبها الرائع في الكلام تخلي حتى المهموم يبتسم معها :) وطبعا اخذت رقم تلفونها من هنا عبر الرسايل الخاصه وبعدين كلمتني وانا بالمطار وتعرفت عليها بالمطار وطلعنا بنفس الخيمة وفراشنا جمب بعض والحمد لله

والاعجب يا سبحان الله اننا كنا نسولف من الاول مع اخت من الاخوات بالفراش اللي قبالي على طول ونتكلم معها ومرتاحين لها ولما سألنا على الجنسيات وقلت لها انا جنسيتي فلسطينيه بس زوجي سعودي قامت قالت لي انتِ اجل (مليكة القلم اللي بالمنتدى) قلت لها اجل انتِ (دندونه)
فتعرفت على الاخت الرائعه الغاليه دندوووونه
سبحان الله كيف تجمعنا بمنتدى واحد وتجمعنا بحمله واحده وتجمعنا جمب بعض بمكان الفراش
الاخت دندونه اخت طيبه بكل معنى الكلمه تتسم بالهدوء وبالطييييييبه وباخلاقها وتعاملها الراقي معنا

وتعرفنا على فتيات اخريات قمه في الادب والاخلاق



وبالنسبة لي في اول يوم من ايام التشريق رميت لكن في اليوم الثاني الشيخ في الحمله قال لزوجي لا تطلع زوجتك وخليها توكلك وانا كان ودي اطلع ولما شفت الكل طلع رمى من البنات العصر صراحه نزلت شوي دموعي لاني كان ودي ارمي بس زوجي اصر انه لأ لانه الشيخ بالحمله نصحه بانه ما يطلعونا النساء عشان الزحمه الزايده والحوادث اللي صارت وانا تميت اصر على زوجي فطلع من غير ما اعرف وارسل لي رسالة وقالي اني رحت ارمي فوكليني فوكلته ورمى عني

وفي اخت معنا راحت تحاول ترمي الظهر ما قدرت رجعت رجعوها الشرطه وتقول انها غصب عنها تواطت برجلها الاموات بالطريق

اما يوم الرمي صراحه حتى باول يوم من ايام التشريق تتذكري يوم الحشر الكل بملابس وحده وبشكل واحد وباتجاه واحد شعور يخلي بالواحد رهبه من المنظر اللي يذكر الانسان بيوم الحشر

يوم طواف الوداع كنت ادعي الله انه ما تكون اخر حجه لي
رغم التعب الكبير ورجولي الصراحه دماااااااارررر واحد باكستاني دعسلي على رجلي دعسه فرمها فرم

وطفت على السطح بالمرتين وسعيت على السطح فوق بالمرتين
صح المسافة اكبر بس الزحام اقل وفيه هوى كثير فوق اسهل للتنفس


شي واحد ضيق صدري
ما كنا نسمع الرجال مثل ايام زمان قبل سنوات طويله
ما يلبون ويكبرون بصوت عالي للاسف قليللللللللل جدا اللي يلبي ويكبر بصوت عالي
ليه كذا؟!!

نسأل الله ان يتقبل منا جميعا



وننتظر دندونه ودريم :) اخوات رائعات بمعنى الكلمه وان شاء الله تستمر صداقتنا

بالنسبة لي نسيت اقول اني كنت متمتعـــــــه
وهي اول زيارة لي لمكة بصراحه كان كل شي بالنسبة لي خيال
لما شفت الكعبه ودخلت الحرم بصراحه احساس ما اقدر اوصفه الكلمات كلها تهرب مني ما اقدر اوصف كانت اول مره اشوف فيها الكعبه فالاحساس كان غير طبيعي

انتِ شو كنتِ متمتعة ولا ؟

هلا بالغاليات وهلا فيك يامليكه كيفك بعد الحج ان شاء الله تمام ولا تعبتي ولاحاجه

صراااحه من بعد ماحجيت صار نفسي احج مره ثانيه وانا قبل الحج كنت خايفه ومرعوبه بس الحمدالله كل شي صار تمام وحبيت الحج ونفسي احج مره ثانيه

وانا نفس مليكه وكلت في رمي الجمره ثاني ايام التشريق

وكنت قارنه

ومليكه انسانه ظريفه وحبوبه وكمان دريم يا الله من جد انسانه وسيعة صدر وكمان حبوبه

والله يجمعنا في جنات النعيم ويغفر لنا ويقبل حجنا وجميع المسلمين

هلا والله بدندونه الغاليه
الحمد لله على سلامتك وحج مبرور وذنب مغفور باذن الله
التعب لا بد منه لكن كله يهون عشان الانسان لازم يؤدي فريضته والحج اجره مو على الفاضي اكيد الانسان يتعب لكن مثل ما قلتي بعد ما حجيت ودي احج مره واثنين وثلاث واربع والله لا يجعلها اخر حجة لنا :)

الى الان الحمد لله ما جاني انفلونزا بس زوجي اول ما رجع لوزه انتفخت وجاه انفلونزا وحرارة شوي بس اليوم صار احسن الحمد لله اخذ دواء وحطيتله كمادات بارده وصار احسن بفضل ربنا ورحمته

:)

وانتِ ان شاء الله باحسن حال والوالده والجميع سلامي لهم :)