صباح الخير يابنات
أسال الله العظيم رب العرش العظيم ان يشفي اولادنا

السلام عليكم
اختي ام الدموع الله يحفظ لك بنيتك ويحفظ لنا عيالنا جميعا
ياعمري بحول الله بنيتك بتكبر وبتسمن وطبيعي نحسب عمر العيال مو من يوم ولادتهم انا اسمع كثير ان الاطفال يحسب عمرهم من وقت خروجهم من الحضانه وبنتك طبيعية لا توسوسين وتضيقين صدرك كلنا مثلك الله يصبنا ويرحم ضعفنا
انت يا قلبي في اي شهر ولدتي وكم جلست في الحضانه
انا لي 20 يوم والده وولدي ما زال في الحضانه يرضع بالانبوب ووزنه ما زاد هل هذا طبيعي للي عيالهم طلعو متى عادة البيبي يطلع للبيت وهل اكون قادره على التعامل معه وهو حجمه صغير

اهلين سنا الففضة طبيعي حبيبتي مايزيد وزنه على طول يبيله وقت وخاصة عندما يكون عنده مشاكل
وقال لي الدكتور اذا جاء وزنه 1600 يرضعونه بالفم وكيلو800 يطلعونه للبيت
الله يقر عينك فيه يارب

سنا الفضة

مشكورة حبيبتي على ردج


انا ولدت بالأسبوع 34 يعني اخر اسبوع بالثامن

المفروض ما يكون الوزن بهذا يعني المفروض اكبر وخصوصا كان على دخولي التاسع 5 ايام بس

بس انا تغذيتي كانت جدا قليلة


وجبتها وزن كيلو و650 وطبعا اكيد نزلت ووصلت كيلو و400

وظلت بالحضانة 24 يوم ويوم 25 استلمتها

والحين عندي من استلمتها شهر والدكتور قال لي شيلي من عمره شهر ونص يعني الحين عمرها اسبوعين

ولا اتحاتين انتي في اي شهر ولدتي


انا بعد بنتي اول ما دخلت الحضانة ما ارتفع وزنها وكان ارتفاعها جدا قليل وجتها ايام ما ترتفع ابد


بس بعدين من قوت شوي صارت ترتفع بسرعه يعني لا اتحاتين هالسالفة

واما عن تعاملج معاه بالبيت لا اتحاتين ابد حبج له وحنان الأم يعطيج القوة ان انتي تعاملين معاه ويكون التعامل جدا سهل


بس يبي الصبر وخصوصا بالترضيع

انا استلمت بنتي 2 كيلو ما اقول لج نتفة والكل الي يشوفها يقول بيه وايد صغيرة والحمد لله الحين وصلت3 كيلو و290


بس انا الي مضايقني ما ابي احس ان بنتي غير عن الأطفال

العنود ياحبي لك الله يطمنك ويريح بالك
ام الدموع الله يريح بالك ويطمنك والله اني شايله هم بس الله ما يضيع احد وليه تقولين ان بنتك ماهي زي الاطفال العاديين الا تتطمني وتوكلي على الله وان شاء الله هي زي الاطفال العاديين واحسن والحمد لله انت جايبتها في نهاية الثامن والوزن ما يعتبر مشكله المشكله في الولادة المبكرة
الله يحفظ لك بنيتك ويفرحك فيها انت عطيها حلبه وادهنيها بزيت السمسم ودفيها والله انا اعرف وحده جابتها امها في الثامن كيلو و100 واستمرت معها بالحلبه وتدهنها بزيت السمسم ما شاء الله تبارك الله وش حلوها بسم الله عليها عمرها 6سنوات الحين عقبال وليدي وبنيتك وعيال كل الاخوات اللى يعانون تصير هالايام قصص نسولف عليهم وما فيه شي يصعب على الله