السلام عليكم جميعا
ام عبد الرحمن
كيفك وكيف الصغير االله يحفظه لك وتستمتعي بضحكه ولعبه
ام التركي
كيفك وكيف العريس وتحركاته الجديدة
حبيبتي كوثر
كيفك ياعمري والله ان ي فعلا مقصره في الدخول بس اني متابعه لكم طمنيني عن كوثوره
دمعة جوري
الله يطمنك ياعمري مثل ما طمنتيني فعلا ام الخديج تعاني الله يجعل هذا في موازين حسناتنا
اوتار
الحمد لله على سلامتك وسلامت وليدك والله يحفظه لك ولا يهمك احد والناس لو بنحط بالنا لكلامهم كان ما عشنا ياحبهم للمقارنه والحركات البايخه اللى ترفع الضغط وانت منت ملزومه انك توضحين لهم وتفهمينهم ابد الله يخلي لك وليدك عمرهم ما فهمو بكره يكبر ان شاء الله وتشوفينه احسن منهم كلهم ترى كلنا نعاني من هاالنقطه وما يحس بالعله الا راعيها والناس والله ما يحسون بغيرهم ولا بمشاعر غيرهم ابد خذيها من سعه ووسعي صدرك
القلب المجروح
الحمد لله على سلامتك وسلامة الصغيره بالنسبه للحليب مالك حيله انا مثلك ما فيني حليب فاحطت لين عجزت واستسلمت في النهايه وبالنسبه للحلمه اذا لقيتي الحلمه اللى لونها بني احسها احسن من السيلكون لان السيلكون احسها قاسيه على فك البيبي الربل افضل ولا تاخذي فتحة سمول خذي لارج افضل لان الصغيريتعب مع المص وسمول ضيقة مره لا تخافي من لارج
بنت الشمس البعيده
كيفك وكيف نمومي الله يحفظه لك ويفرحك فيه
انثى لا تنسى
الحمد لله على سلامت وليدك والله اني مثلك مرره شايله هم زوجي مصر ياخذ موعد للتطهير ذا الاسبوع وانا مره خايفة

بنات انا مرره ضايق صدري لاني اليوم عني موعد عند طبيب اعصاب وقال ان ولدي فيه رخاوه زايده وخوفني بس انا اشوف ان وليدي طبيعي اللهم اني اذا رفعته من يدينه ما يرفع رقبته والا باقي تطوراته احسها طبيعية ما شاء الله الله يحفظه لي والله اني شايله هم لان الدكتور يقول ان رخاوه السببها نقص اكسجين وهو في الحضانه
من عنده معلومات عن هالرخاوه ريحوني الله يريحكم ويحفظ لكم والله ان حالتي حاله الله يرحم حالي انا فرحانه بوليدي مررره والدكتور اقلقني اليوم

انا خلودى كان رخو والحمدلله الحين بسم الله علية هم الخدج يجون رخوين
لاتخافى والله خالد يوم كنت اشيله رقبته طايحه على وراء وتميل يمين ويسار ودكتور المخ والاعصاب دكتور كبير بمستشفى الحرس بجده قال مايحتاج الحين اشعه عشان الرخاوه الااذا طولت عن السبعه اشهر والحمدلله الحين زين
ولعاقبه لوليدك يارب

كرستالا عادي لاتخافين وكلي الله ياشيخة ماعند هالدكاترة سالفة الله يحفظ لك وليدك
اعرف وحدة الله يمسيها بالخير يوم كانت حامل قالو ولدك بينزل لانو مشوه ومدري وشو وماراح يعيش وكانت منومة بالمستشفى

وتطلع على مسئوليتها عند امها والحمدلله ولدت وجابت ولد كمل التاسع ومافيه الا العافيه الحمدلله

حرام يفجعون الام بضناها وش ذا ...

انا ولدي تاخر بالمشي شوي واكلوني والحمدلله يهبل وذكي بسم الله عليه وله شعبيه وه بس فديته..مشى على سنه واربع شهور..

واهم شي حليب نيو شور مررررره ممتااااااز انصحكم فيه صح غثيث بس له نتيجة فالاخير

بنات انتم تطهرون عيالكم بالمستشفيات ؟؟

احنا بالطايف ماشاءالله عيالي كلهم طهرتهم عند الحكمي رجل شايب بس ماشالله طهورة نظيييف وبس ياخذون كم يوم ويطيبون

الله يريحك يالغاليه يام التركي ويحفظ لك خلودي طمنتيني الله يطمنك ويفرج لك ويرزقك ماتتمنبن
بس ودي اسألك ولو اني ابلشتك ولدك ما قالو ان سبب الرخاوه نقص اكسجين وتسلمين يالغاليه