اخباركم واخبار العصافير الي طلع والي لسا
انا ولدي رجال تبارك الله بس جننتنا الاسنان كل اسبوعين او اكثر يطلع ضرس وتعب حراره ونرفزه وعصبيه
بس الحمد لله بالنهار يلعب بعكس اليل ماينام بسهوله ..
وانا الحين مااعتبره خديج طفل ولله الحمد مكتمل بس قصيرون مافيه طول خخخخخخ .



بنت الشمس البعيده........................ وربي اسئل عنك بس الاسماء كثيره اتمنى اعرفكم وحده وحده ّّ````(( خاشه جو)).
الله يسعدك فالدارين
مووووووووون ................................ اخبارك يالغاليه واخبار بنوتك اصعب شي يكون عندك خديج وتتركينه
علشان الدوام يكون بالك مشغول طول الوقت الله يطمنك ويكون بالعون ..

كرستاله ............ الدكتور قال لحماتي اذا شرق او غص اضربي انفه بطرف اصبعك بقوه ترى مايضره بس سبحان الله يساعده يتنفس ويفوق من الغشوه ..وكمان تنفخي بوجهه او تسكري الله يكرمك مقعدته بيدك وتحطي بطنه على كتفك ترى الطريقه هذي انا مجربتها والله العظيم مع ولد اخوي كان مصروع تماما ولا فيه نفس على طول رفعته وحطيت الله يكرمكم يدي على المقعده وسكرته
وكتفي عليه بطنه والله على طول استفرغ وصحى وتنفس كان يوم صعب بس الحمد لله تصرفت والحين رجال الله يحفظه ..

الامل القادم

هلا وغلا
بنيتي اللهم لك الحمد إن شاء الله انها في تحسن والدكتور قالي احتمال تطلع بعد شهر.... وانت صادقة صعب جددددا اني اداوم واخليها اصلا ماراح ارتاح بقعد طول وقتي افكر فيها.. غير كذا مابعد عرفت رأي زوجي (حكيم زمانه) مع اني متاكدة انه بيقول خذي اجازة:p



بنات اقصد ياأمهات
عطوني خبراتكم مع شفط الحليب.. انا كنت ارسل لبنتي والحين بدأ يقل الحليب ولي ست ايام ماارسلت لها يقولون انهم يعطونها حليب خاص بالخدج فيه حديد وفايتمين وانا بصراحة ماودي ينقطع مني الحليب..
وش افضل الحلابات اقصد (شفاطات الحليب) اللي جربتوها؟؟ أنا جربت بيجن وشيكو وكل وحدة تقعد اسبوع بعدين تخرب الضغاطة البلاستيك!! ودي استخدم الشفاطة الكهربائية بس مدري هي زينة والا لا؟؟

السلام عليكم ..

اخباركم ..

اعتذر عن انقطاعي ..

ودعواتي للامهات وخدجهم الله يلبسكم العافيه ..

صلووحي جايه حساسيه غريبه في منطقه الرقبه ومكان الحفاط

اتوقع اكزيمااا الله يستر
انصحوني وش اسوي :06:

مووووون

انا جربت الكهربائيه زينه ماتجلسين تشفطين بيدك وتتعبين .. بس تعور مررررررره :06: