سلام عليكم واخيرا استطعت المشاركه في هذا القسم من المنتدى
لان بصراحه حابه استفيد :27:
بنتي كوثوررره انولدت ب26 اسبوع يعني من اول الخدج
تاعبتني كثيرررر وكل جالسه معها في البيت اخاف اطلع معها
لان صدرها تعبان تمت ع جهاز التنفس 2شهرين ونص
وصار عندها مشاكل نزيف في الددماغ وانا خايفه صار لها 10 شهور من الولاده ولاجلست ولا سننت
ومدري احسها ماتلعب بيدها مثل اليهال و:04:
مدري اذا وحده مرت بتجربه مماثله
بس مع العلم انها مااشاء الله النمو عندها اوكي والوزن تمام والفهم مرررره تمام

سنا الفضة
الله يسلمك ياقلبي أنا بنتي مازالوا يعطونها الحليب بالانبوب عن طريق الخشم وأمس وقفوا عنها الحليب لأن يطلع مع صدرها بلغم ومعها التهابات بالامعاء!! أنا يوم قالي الدكتور هالكلام سكرت السماعة بوجهه المسكين :p وجلست اهوجس وضاق صدري مدري من وين جاها البرد والبلغم؟؟ ياخوفي انهم يحممونها دايم ولا يدفونها!!

يارب تشفيها وتشفي جميع أطفالكم..

اختي ام الدموع الحمد لله ولدي على حاله
اختي حبيبتي كوثر الله يشفي بنيتك ويفرحك فيها كثير اطفال ما10 اشهر وما يجلسون بس الاطباء ايش يقولون
اختي Moooonلله يطمنك على بنيتك وتوكلي على الله مايكون الا الخير بحول الله يتكون هذي ذكريات تقصينها على بنوتك لا تضيقين صدرك ترى الشيطان هذي فرصته فوضي امرك لله والله اني مثلك اليوم رحت اشوف وليدي يقطع القلب وا الانبوب مقطع قلبي ووزنه زي ماهو بالعكس احسه نحف وبالنسبه للترويش الى بعمر عيالنا ماظن يروشونهم بس يمسحونهم وحتى لو روشوهم المكان دافي الله يكون في العون اهم شي ادعي له واستودعيها الله والله يحفظها لك ويقر عيونا بشوفتهم متعافين

عالبركة الملف واول اولادي خديج بعد اللحين عمره 7 سنوات ونص

وعااادي مافيه فرق عن اخوانه الصغااار ..

فديت قلبه والله يخليه لي ويخلي لكم عيالكم يارب ..

السلام عليكم ورحمة الله وبركاتة كيفكم ياأمهات الاطفال الخدج القدماء الله يشفيهم لنا ويبلغنا برهم والجدد اسال الله العظيم رب العرش العظيم الذي فرج عنا ان يفرج عنكم ويلم شملكم ويشفي اطفالكم انه سميع الدعاء
اخواتي والله اذا قرأت موضوعكم اشعر بغصة وعبرة لاني اتذكر ايام بنتي شهد
شهد جبتها في الاسبوع 30بدون اي سابق انذار المهم وقت صلاة الفجر ومابكت ابدا خرجت لونها ازرق فضيع تذكرت ولد اختي مابكى ولدته في التاسع ومات الله يرحمه وبكيت بكيت وانا اسمع صوت الاطفال الي يبكون كان نفسي اضمها المهم قالوا الممرضات انها طيبة وامكن تخرج معاك اليوم وانا ماشفتها جاء زوجي العصر ورحتلها والله امشي بخوف وامل واول ماشافنا الدكتور قال لزوجي هاذي بنتكم قال ايوة تدرين اش قال الدكتور عندكم غيرها بكل برود ووقاحه الله يسامحة قال زوجي لية قال هذا مرة تعبان رائة مافي يكتمل لسى وفيها وفيها ...........وجلست شهر ونص وخرجت 1600وبعده البنت ماتتحسن ووزنها مايزيد وبطنها تنتفخ كنت كل اسبوع اتنوم معاها في العناية وتعالي شوفي ابر وليات وحالة مايعلم بها الاالله كنت احيانا اتمنى انها ماتت ولا اشوفها في هذا العذاب ونخرج من المستشفى واسبوع نرجع مره ثانية ونفس الحالة هي تبكي وانا ابكي الين جاء ذاك اليوم الي استفرغت براز الله يكرمك من شدة انتفاخ بطنها ومحد عارف اش فيها وحولونا على مستشفى ثانية باسعاف وركبولها لي في انفها ولي في دبرها واليوم الثاني عملوا لها عملية لقيوا عندها انسداد جزئي في الامعاء وجلسنا اسبوع وبعدها رجع الانتفاخ مره ثانية وقالو لازم عملية ثانية البنت من كثر الابر ماعندها اوردة ومانقدر نعطيها حليب قلت لة العملية خطر عليها وبالذات انها اقل من اسبوع بينها قال خطرررررررررة بس مافي خيار ثاني والله انا لبستها ثوب العمليات بيدي وانا اقرا عليها اية الكرسي واستودعتها من لا تضيع ودائعة وانا قلبي حسيت انه تقطع وانا اوديها لغرفة العمليات وجلست في العناية ثلاث ايام وجلسنا في المستشفى شهر كانه سنة الحمد لله والشكر وكان عمرها خمسة شهور ووزنها اقل من ثلاثة كيلو والحمدلله وحده عمرها الان تقريبا سنة بس صار لها اسبوع بس تبكي ماني عارفة اش فيها وابوها يقول طيبة مافيها حاجة مولازم نوديها لدكتور يكشف عليها ماادري شكلة تعقد منهم الله يشفيها من عندة يارب
سامحووني على الاطالة ويعلم الله اني ماكتبتها الالأذكركم ان رحمة الله واسعة وان الله اذا احب عبدا ابتلاة ومن اراد الله له الحياة سوف يعيش رغم كل الامراض الي يطلعونها الدكاترة فيهم ومن اراد ان يتوفاه فسوف يموت ولو انه في حضن امه اوفي ريعان شبابة بس المهم الصبر (ندمت على عدم صبري في تللك الايام الله لايوريه لاحد فيكم لاني احبكم في الله)