ملف رمضاني

دافديل :

موضوع حلو واشكر صاحبة الموضوع على طرحه ويعجبني التخطيط المسبق احنا مشكلتنا في التخطيط يعني شغلنا كل وقت بوقته عشان كذا نضغط انفسنا ونطلع بشي اقل من اللي نتمناه سواء في العبادات او السفر او الحفلات تلقين الوحده عندها الوقت وتركن الشغل لآخر يوم ...وبعدين تجي تقول تكفون ساعدوني ... ما عندي وقت ومزنوقه:mad: وعشان ما اطلع من الموضوع بهذر ما له فايدة عندي كم نقطه :35: اول شي استعدي لرمضان وكانه ضيف عزيز ناوي يزورك فترة قصيرة ويمشي وما تبغين تضيعين الوقت في المطبخ اكيد راح تجهزين صينية الشاهي كاملة والقهوة وتحطين السفرة قبل تجي صح اولا طيب ....... كلنا متفقين ان رمضان اغلى ضيف علينا كلنا واللي ما يحس بهالشي بصراحة أعزيه في أولوياته اولا الحين اذا عندك اطفال وعندكم عيد يحتاج استعداد ابدأي التجهيز له من الآن احسن من يروح وقت رمضان الشريف في الاسواق( فرصة بعض المحلات بدات تخفض ) ثانيا ضعي مخطط للجدول اليومي لرمضان ( مو شرط جدول بالدقيقه ... لأأأأ اهم شي حطي مثلا اليوم الاول ( ... صفحة من القرآن )(صلة رحم بالهاتف ... تاخذ نص ساعة .. باركي بالشهر وسلمي على ارحامك ولا تطولين )(صاة التراويح ... خليها مثل الفرض ترى كلها نص ساعة )( اقرأي تفسير الايات اللي ناوية تقرينهاا ... جربتها رااائعة وتخليك تقرين بتفكر وخشوع وما تفكرين بشي ثاني ) ثالثا ابحثي عن الافكار اللي تساعدك في اختصار وقت اعمالك المنزليه وخاصة الطبخ ( وما اتوقع يحتاج اشرح فيه لان المنتدى ما شاء الله مليان من التخطيط للطبخ !!! ) ولاتنسين ان حتى اعمالك اليومية مأجورة عليها واعداد الفطور من ظمنها ... واحتسبي اجر تفطير الصائم ( بالنية تنقلب اعمالنا اليومية لعبادات ... اللهم لك الحمد ) رابعا اشعري كل من في البيت باهمية الوقت في رمضان واجعليهم يخططون معك ويشاركونك الهم .... حتى يتشبعوا بافكارك ويتعودون عليه في كل حياتهم .... وهذي لاحظتها في بعض الاسر .... تلقين طفلهم يبادر اصحابه وش رايكم الاسبوع الجاي وش نسوي اذا اجتمعنا ... وخاصة البنات ... يتصلون على بعض ويحددون شي يسوونه في اجتماعهم العائلي وكل بنت صغيره تجيب شي من الاغراض ويشتغلون مع بعض ( اشغال فنية .. تلوين ... تصليح بطاقات ... يلعبون حريم ... مستشفى ....ألخ ) حتى الكبار لهم اهداف اكبر وانتاج اروع ... اهم شي نعرف ان الوقت هو الحياة .... لي عودة ان يسر ربي

موضوع حلو واشكر صاحبة الموضوع على طرحه ويعجبني التخطيط المسبق احنا مشكلتنا في التخطيط يعني...