حبيبتى نسيت الك فى مطعم بطريق المطار اسمه العرايش مبارح كنت فيه مع زوجى وبالمرة حرامى ومو طيب اوعى تروحيله لانه عامل ضريبة رفاهية غالى كتير بس حبيت فيدك

يعني ما حدا كتب غير لوليا الله يعطيها العافية
و الله عيب, كل الدول عملوا ملفات ما شاء الله و نحنا السوريات ما عملنا شي :16:

شدوا همتكون، ما حلوة هيك

ححاول اكتب يللي بعرفه مع اني ما بنزل على الشام غير بالصيف

الاماكن السياحية: المصايف طبعا و ذكرتهم لوليا
و لمحبي البحر انا ارشح طرطوس, بحسها احلى من اللاذقية و بعدين فيكي تطلعي منها على جزيرة ارواد يللي فيها قلعة ارواد الاثرية

عندك كمان وادي العيون
و لازم تزوري قصر العظم و الجامع الاموي لتتعرفي على حضارتنا
و عندك مدينة تدمر الاثرية خصوصا وقت المهرجانات
نواعير حماه و قلعة حلب غنيين عن التعريف

الفنادق بيعجبني اكتر شي فندق الشام... و في طبعا شيراتون, ميريديان, كارلتون, و قريبا 4 seasons
بس طبعا الشقق المفروشة ارخص

اسواق تراثية, الحميدية و توابعه من البزورية للحريقة و ما حولهم

مطاعم غير يللي قالت عنهم لوليا, في عندك قصر النبلاء فيه مطعم صاير كأنه غابة, كله شجر و شلال و جدول مي و شغلات حلوة, اسمه المطعم الاستوائي, من كتر ما عجبني عملت فيه كتب كتاب رجال تبعي

في كمان الحديقة la jardian بالمريديان... كتير رايق

و في pizzeria بالشيراتون
و cafe بالكارلتون

و ما تنسي المطعم الدوار بأوتيل الشام, بيلف المطعم و انتي عم تاكلي لتشوفي كل الشام

قاسيون كمان فيها قعدات حلوة

و بالشام القديمة في بيت جبري و برجيس و غيرهن على الستايل القديم بس الفول و الفتة ما هالقد عندهم... لو بدك فول على الاصول ما الك غير بكداش بالشعلان و ست الشام مواجه الميريديان

لو رحتي على طريق المطار, لازم تروحي على مطعم زمان الخير... كتير حلو, و بيعملوا فيه عروض دلافين

اي نكمل...

في بابو رمانة مطعم اسمه اللوتس, هدا رايق كتير و رومانسي و عندهم اطيب اسكالوب بالشام

و مطعم دريم مواجه حديقة الجاحظ

ممكن كمان المشرقة بنادي الشرق بس مو دائما حلوة القعدة

اي تذكرت , نادي الشباب بالمزة عندهم قعدة كتير حلوة على المسبح

و اخيرا la casa بابو رمانة غريب كتير.. بتقعدي على طاولة على ستايل بانيو او مطبخ او سرير.. صرعة, بس انا بحب قهوته

و لازم تقعدي بعين الفيجة عند ابو كمال بس بالطابق التحتاني و استمتعي بمنظر النهر و مشاوي ابو كمال الطيبة

و اذا جاي على بالك cafe متل starbucks في باوتوستراد المزة cafe اسمها In House

الحلو: ما قصرت لوليا, سميراميس و بس

الكوافيريه: كمان لوليا ما قصرت, و انا بفضل زمردة مع اني بتعامل مع بنات بيجوا على البيت, يللي بدها ارقامهن, انا حاضرة

تصوير: ابولو محترم كتير, لما بتعطيه فلم للتحميض بيسأل ضغري, محجبات? و بدون ما تطلبي بيكتب على الظرف محجبات و بيطمنك انه عنده بنت بتحمض..
رفيقتي يوم عرسها جابت مصورة مجلببة من احسن محل تصوير بالبلد - ما بدي قول اسم المحل, بس هو كتير مشهور و عنده كتير افرع بكل الشام-
المهم, تاني يوم بعد العرس راحت سلفتها تحط فلم للتحميض عند نفس المحل, و إذ بتلاقي صور العرس على الطاولة و الشباب الموظفين بالمحل عم يتفرجوا عليهم!!
جوز رفيقتي سمع هالسمعة و ضربوا فيوزاته و ركض مسكين يوم صباحيته ليجيب الصور و يبهدل صاحب المحل
فديروا بالكم مو كل مصور توثقوا فيه

مكاتب تأجير السيارات: كلهم حرامية!! فما عادت تفرق

عطارة: البزورية معباية

شقق مفروشة: بعرف وحدة بتأجر بيتها بالمزة, يللي بدها الرقم تبعتلي

تعبت... بكرة ان شاء الله بكمل
تصبحوا على خير