كوبونات الراقية تسجيل الدخول

الشيهانـــة
الشيهانـــة •
ww. ee ww. ee :
لا يمكنك مشاهدة هذا التعليق لانتهاكه شروط الاستخدام.
ياعمري واخزياه منك :44: مع اني كل يوم اقرا الموضوع مدري شلون ماشفت ردك.. اشوى
انك رجعتي تذكريني .. اعذريني ماشفته عزيزتي..

مشكورة ياقلبي .. ان شالله بكثر جولات الاسابيع القادمة.. بجرب ان شالله فواحة الفانيليا ، انا كان
عندي فواحتين من لايف ستايل بس ريحتهم احسها رجاليه .. وودي اجرب نوعيات ثانيه خصوصا
ان زيوتهم العطرية تفوح بشكل مقبول يعني ماتجي هادية مرة زي تبع بودي شوب.. و لا قوية زي زهور الريف
فوحانها معقول جدا.. بالنسبة لأنفي..

وهذاني صورت لك عطوري كلها مع علبتهم السعف الي ماعاد تكفيهم يبيلي وحدة ثانيه شكلي..
العلبه شريتها من هوم بلازا يمكن من سنتين الي عاجبني فيها انها تخفي عطورك عن عيون المتطفلين
وتحفظهم من الغبار.. انا ماحب حركة صفصفة العطور عالتسريحه.. احب شكل سطح التسريحه يكون
فاضي




هذي علبتي الثمينه.. كل عطوري فيها مع الخمريات والمخلطات


اول مجموعة عطور الاحب الى قلبي،،



الاقرب الى قلبي مررة من العطور الثقيله هو ماقنيفيك.الي لونه احمراني . عطر ريحته غير مكررة أبدا.. وثباته حلو.. وريحته
تدخل القلب وتتربع فيه..:o
قوتشي.. جاي بالنص ذهبي مع بني.. اول ماشميته يوم كنت بشتريه ماكنت متعوده على روايح قوية كان حدي ورود ومسك..
فما تقبلت ريحته ابد.. لكن قلت لازم اعطي نفسي مجال لتقبل جميع الفئات العطرية.. ولما رجعت اشمه
عشقته.. ريحته فواحه مررررررة هو من العطور القليله الي فعلا احس ريحتها تسبقني ..

جل ساندر،، الي لونه ابيض مرتز بكل شموخ ياحبي له.. عطر ريحته غامضه وزي ماقالت شمشوم
مو اي احد يتقبله.. سبحان الله هالعطر من يوم شميته بالمحل قلت ابيه الان وحالا وماراح انتظر اخذ
عينه واجرب بالبيت.. تولعت فيه من شميته بالمحل.. احس هالعطر يعطي دفء ورزة وهيبه

عطر ديكني الاسود.. عاليمين.. عاد هذا 3 مرات اخذ له عينه واروح واجي عليه،، لين قلت يابنت والله ان تشترينه
ماتسوى عليك تتردين عليه.. :icon28: ريحته حلوة و مميزة..

العطر البني المنسدح الي كنه ماوس كمبيوتر :22: هذا نيوناترا.. من ايف روشيه.. عطر ريحته غامضه
وطريقة تمازج جوز الهند مع الفانيليا والباتشولي شيء عجيب.. ريحته مافي منها.. يجذبني هالعطر
بس مدري وين سبب انجذابي له ويمكن هذا سر تميزه..

عطر بولقاري الاسود،، وه بث.. يادينه ديناه.. هذا العطر فيه ريحة بيبي ومواليد على نعومة على روقان
على هدوء.. هالعطر يأسرني ومايروقني الا هو.. لكن الي عندي تواليت وناوية اجرب او دي بارفام
هذا العطر من العطور الي كل ماخلص الواحد يرجع يشتريه.. طبعا احكي عن نفسي لازم يكون موجود عندي
ان شالله يارب ماكرهه.. حتى للي عندهم حساسية والتهاب جيوب انفيه ومايتحملون العطور
راح يتحملون هالعطر.. قريبتي عندها التهاب جيوب انفيه وماتتحمل اي رائحه بس هذا.. سبحان الله
تقول ماسبب لي حساسية..

عطر لاكوست :32: مرتزن جنب جل ساندر..نظافه روقان دلع استرخاء شيء رايق..على قولة شام يخلي الواحد يسترخي
لين ينام.. امي من شمته عندي ماقدرت تقاوم وشرت لها واحد.. واشوف انه فواح..

نكمل بالرد القادم بقية مملكتي العطرية..

رنو2000
رنو2000 •
ww. ee ww. ee :
لا يمكنك مشاهدة هذا التعليق لانتهاكه شروط الاستخدام.
الله يسعدك ياشمشوم هذا هوعطري بس ماقلتي وش رايك فيه:39:
رنو2000
رنو2000 •
الشيهانـــة الشيهانـــة :
اليوم أمشي بالسوق وأمشي و أمشي ولا تطيح عيني على كشك الوليف.. توني أشوفه بالعثيم مول - الربوة- الرياض.. قلت يالله دام وصلنا ناخذ عينه للمسك الي مدحته شام ويعطيني عينه واحطها بالجيب الداخلي للشنطة مع جوالي.. وكل ماخذت جوالي فاحت ريحة المسك :icon28: روووووووووووووعه.. و فواح من قلب.. أعجبني و اعجب أمي مرررة قالي سعره 160 ريال.. ويوم شافني اخذت العينه ورحت قال ترا اخر حبه عندي.. :09: أكره هالاسلوب على باله ببيحمس الحريم عشان يشترون.. بعدين طرت بعباتي :) للقرشي.. شكل عندهم تخفيضات اخذت ربع تولة مخلط سولافا ب 75 ريال استغربت لاني كني اذكر سعرها ب150.. ريحته :o زي ماقالت شام جاي على بخور وفواح مرة ريحته ثبتت بنقاباتنا يوم كنا نجرب بالمحل.. مرة حلو.. شكلي باخذ لي واحد ثاني دام سعره رخيص بعدين اخذت عينه لمخلط الاميرة نوف.. ريحته زي دهن العود المعتق بس على أرقى،، يعني اممم فيه ريحة دهن معتق تجي مرررة ثقيله وعالبا اشمها مع جداتنا و احسها مرة مركزة بشكل مايستسيغه الواحد.. بس خلطة الاميرة نوف حسيتها دهن عود راقي.. اعجبني واعجب امي سعر التولة قالي 5000 وربع التولة 1200 ريال.. أحس اليوم توفقت بعيناتي وكانت كلها على قد مدح شام بالضبط 100% الله يجزاها عنا كل خير
اليوم أمشي بالسوق وأمشي و أمشي ولا تطيح عيني على كشك الوليف.. توني أشوفه بالعثيم مول - الربوة-...
وين القرشي لقيتيه بالعثيم الربوه لاني مالقيته الااللي بالعثيم النخيل
وصراحه مشوار لان اقرب لي العثيم الربوه ولاعليك امر وين مكانه بالضبط:26:
الشيهانـــة
الشيهانـــة •
ننتقل الى الفئة التالية من العطور:



نبدأ من الصف الاخير، ومن اليمين:

عطر لايت بلو، عطر منعنش ليموني بس موب زي الروائح الحمضية الي نشمها في بعض العطور،،
احس هذا المزيج متركب على بعض بشكل راقي.. حلو مرة بعد الاستحمام وع الصباح يحسسني
بالانطلاق :42: واني ودي مندفعه للحياة..

عطر مونتال المسك.. هذا جابته لي امي.. ماعليه احب استخدمه بعد الاستحمام او للبيت او للاسترخاء

عطر جوفان مسك اظن كلن يعرفه..

الصف الاوسط ومن اليمين:

عطر فانسي ، هالعطر ريحته تختلف تماما عن باقي عطوري كلها.. فانيليا على فخامه على اني اكرة روائح
الحلويات والكراميل واي شي ء يشبه لهم.. بس هالعطر.. غلبني.. وخلاني ماحصر نفسي بنوعيات معينه
من العطور..

عطر سربنتين.. :o.. عطر فخم على أنوثه ورقي.. :42: .. عاد هالعطر عاجبني صوت الغطاء
حقه لما اسكره يطلع صوت عاجبني.. كل شوي افتحه وأسكرة .. البطاله وماتسوي :22:

عطر العنبر من ايف روشيه.. عطر حلو وفخم واحسه يحسسك بانك رسمية..

الصف الاخير،، عطر نينا ريتشي جايني هدية.. نوعه فلورال فروتي وهالنوعيه غالبا تصدمني بروائحها
:09:.. بس هالعطر مقبول جدا.. واستخدمه للبيت..

نواعم من جنيد.. يحسسك بانك أنثى ناعمه ومدلعه.. وحالمه.. مرة حلو..

باقي اخر مجموعه
روان8
روان8 •
يابعد عممري ياشام الغرام مشكوره الله لايحرمنا منك ولا من ردودك اللي تشرح الصدر والله وربي يشهد اني ماافتح النت الا علشان افتح ملف العطور واقرا رد شام الغرام على البنات احس ردودها تشرح الصدر الله يحفظك ياشام ويبعد عنك كل الشر