جيتكم بجولتي الجديده:
1- مسك مكه من أجمل:
مريت اجمل وقلت ليه ماشوف مسك مكه على مدح شام .. عجزت اقاوم ،، بالعادة اخذ عينه
واشاور نفسي وارجع اشري.. بس هالمرة ع طول شريته ب 40 ريال..
ريحته فواحه جداا.. لما رحت لامي بمحل ثاني بالسوق خليتها تشمه وراحت تشري لها
2- مخلط رشا من الشرهان:
طبعا سبق قلت رايي بعد العينه الي اخذتها للبيت،، الورقه الي كان فيها مسحه من المخلط..
طولت مررررررة وهي محتفظة بالريحه يمكن اسبوعين او 3 اسابيع.. مرة ناعم هالمخلط
وفيه نفحه فانيليا كذا حسيت.. انا كني فهمت منكم ان سعره 150 ريال .. يوم رحت اشريه
قالي ب 80 ريال ولان عندنا تخفيضات بيكون ب 50 ريال :icon28: قلت ابد هاته
الان ننتقل للعينات الي اخذتهم عشان يمرون بمرحلة الفرز :
1- عطر خلاب من اجمل:
حسيته كانه دهن عود كمبودي بس فيه شوية عفن :( .. شكيت بنفسي وخليت امي تجربه
وقالت نفس كلامي.. سعره 500 ريال.. يمكن عشاني قارنته في مخي بدهن العود البورمي
تبع جنيد.. طبعا جنيد احلى ومافي مقارنة..
2- دقة العود الطائفي او بالورد الطائفي من الشرهان:
شام مادري اذا تقصدين هذا ولا في نوع اخر لاني كنت مستعجله.. بس ريحته غريبه مرة
مدري لانه توه يطلع البخور ريحته ماعجبتني ابد..
3-
Delicious Night by Donna Karan
هالعطر 3 مرة اخذ له عينه.. واحس لو اخذه فيه نقله باختياراتي..وبخرج عن المألوف في العطور
الي حبيتها.. بس مدري ليه اول ماشمه احس فيه ريحة شيء نفاث او لاذع واذا برد احس كان فيه ريحه
خفيييييييفه تذكرني بالبخور
4-
Sensuous by Estee Lauder
هالعطر ثاني مرة اخذ له عينه عشان اتاكد من ريحته،، حسيته هادي ونعوم وريحة بودرة..
5- عطر فيرساتشي..
العطر ماعرفت اسمه بس انه مربع ولونه يازرق او سماوي.. ريحته مألوفه جداااااااااااااااااااااااااااا
واحس انها ذكرتني بايام المتوسط والثانوي
6-
Guilty by Gucci
بصراحه الحين بطلع عن وصفي للعطور بزيت دابر الى شيء اخر .. ريحة هالعطر
ذكرتني بمناديل تشبز للاطفال.. مافيه اي تميز ابد ابد
7-
Intuition by Estee Lauder
ريحته غريبه احس فيها مكونين رافضين يمتزجون مع بعض، لذلك تشمين كل واحد بشكل بارز
وظاهر في نفس الوقت او بالتناوب.. احس كان وحده متعطرة ومارة مطحنة بهارات او شيء
زي كذا
8- provocation من المصباح
هنا نجي للمقلب.. اذكر شام تكلمت عن عطر بروفوكيتور زي هالصورة
رحت ادورة بسينسي وامشي انا صراحه ناسية الاسم بس اتذكر ان فيه كلمة بروفو وتتكون من
كلمتين فوق بعض.. والقى بالرف عطر نفس لون العلبه ومكتوب عليه كلمة وحده بس
provocation ويوم شفته عرفت انه مو الي تقصده شام خصوصا لما قالي الموظف
هذي من عطور المصباح.. وراهم يقلدون نفس العلبه وكل شيء للعطر صاحب الصورة فوق
المهم عطرهم احسه عادي.. وامي واختي رموا الورقه وتلطموا
9- pure dkny
العطر حلو ومافيه اي عيوب.. بس بالبدايه ماحسيت انو جذبني..بس بعد 6 ساعات رجعت اشمه
كنه جازلي.. ولاحظت فيه نفحه فانيليا.. اخيرا صرت اعرف اطلع الراوئح :icon28:
عاد امي واختي قالو موب حلو وهم توهم ماسكين الورقه طيب اصبروا تعمقوا بالريحه
حاولوا تدخلون جو وكنكم تسبحون وتحاولون تطلعون الدرر الي في العطر بس :09:
مايمديهم يشمون الا رجعوا الورقه قالو عادي..
حسيت انه حلو عطر صباحي هادي.. مررررررة.. احس اني بديت احبه :42:
انتهت رحلتي.. وان شالله لامن نزلت نوبتن ثانيه خذيت عينات اكثر..
>>>>>>>جازت لها شمشمة العطور والابحار فيها
لا يمكنك مشاهدة هذا التعليق لانتهاكه شروط الاستخدام.
الكبير بسينسي ب 480 ريال.. هذا كلامهم العام يوم شريت تبعي الحجم الصغير لانه قالي
زيدي 80 ريال وخذي لكبير اوفر لك بس ماسمعت كلامه
العفو عزيزتي..
زيدي 80 ريال وخذي لكبير اوفر لك بس ماسمعت كلامه
العفو عزيزتي..
الكبير بسينسي ب 480 ريال.. هذا كلامهم العام يوم شريت تبعي الحجم الصغير لانه قالي زيدي 80 ريال وخذي لكبير اوفر لك بس ماسمعت كلامه العفو عزيزتي..الكبير بسينسي ب 480 ريال.. هذا كلامهم العام يوم شريت تبعي الحجم الصغير لانه قالي زيدي 80 ريال ...
ايه معروف ان المصباح ارخص من وجوه بس انا لما اشتريته كان عليه عرض حلو تجي معه شنطة وفيها روج صغير
وزيت عطري صغير نفس العطر وماادري وش بعد عجزت اتذكر لاني شاريته قبل سنتين
وزيت عطري صغير نفس العطر وماادري وش بعد عجزت اتذكر لاني شاريته قبل سنتين
لا يمكنك مشاهدة هذا التعليق لانتهاكه شروط الاستخدام.
العفو قلبي وترى هالعطر من اروووووع العطور اللي مرت علي في حياتي واذا شميته يغير لي مزاجي ونفسيتي ان شاء الله يصير نفس الشي معك
الصفحة الأخيرة
طيب هل هو ثابت ولآلآ اذا عندك فكره عنه ؟؟
وهل ريحته تشبه الترا فيوليت !؟
وشنو رايكم بعطر بلاك اوركيد؟
:)ودي آخذ دوره بمكونات العطور