ماشاء الله عليك أختى دوحه القران

انا أن شاء الله ناويه أجرب الجريش,لأن عندى عزومه كبيره يوم الخميس...وأنتىماحددتى مقدار الجريش .

أنا بحط 3 أكواب من الجريش,التنقيع بخليه نفس المقادير

لكن أذا حطيته على النار أضيف له 2 كوب ماء,أيش رأيك؟؟

اهلين بالغاليه
{ عبايه فوق الراس }
الله يعافيك ويخليك لعين ترجيك

هلا بك اختي
{ مــرام }
الله يعافيك ويخليك لعين ترجيك



هلا وغلا باختي
{ فداكي روحي }
حياك حبيبتي انا بعطيك مقادير مظبوطه ان شاء الله
لثلاث اكواب كبيره للتنقيع كاسين حليب وكاس مويه
مغليه وثلاث ملاعق كبيره سمن
وعند الطبخ زيديه نص كوب حليب ونص كوب مويه
واذا طبخ شوي حطي اللبن كاسين ونص
وكل مانشف زيديه بس لاتكثرين على نص كاس
لان الجريش يختلف شي يشرب وشي لا والباقي نفس
الطريقه السابقه واذا هو عشاء شبي عليه بدري وقصري
له مره وانسيه لانه كل ماطول يكون الذ اما الحبحر والمسمنه
والزبده لاتحطينها الا قبل العشاء بساعه
وعلميني النتيجه انتظرك ياحلوه
واي استفسار لا تترددين انا في الخدمه ان شاء الله

والله يجزاكم الف خييييييييييير
:cook::39::cook:

ابدعتي يا فنانه

ماشاء الله تبارك الله الل يعطيك العافية حبيبتي

(دعوة للأخت العزيزة والمبدعة دوحة القرآن )
جربي هذا الطبق وأتمنى يعجبك

الدجاج المحشي بالمكرونة على طريقتي أكيد بالصور والكل معزوم
دجاج محشي بالمكرونة مع الرز
وهذي صورته


المقلدير:
1_ دجاج يكون حجمه صغير منظف ومنقوع لمدة عشر دقائق بملح وليمون وبعدين نغسله ثاني ونخليه ينشف عن المويا
2_البهارات الخاصة بتتبيل الدجاج( ملح وفلفل أسود وليمون ماتصير التتبيله سايله نتبل الدجاج من برى ومن جوه ونخليه على جنب
3_ الآن نحضر الحشوة حقت الدجاج:
• نكسر المكرونة ( سباغيتي ) ونسلقها ماعندك أي مكورنة المهم خليكي سنعه ملاحظه: قبل ما تحطي المكرونة لازم الموية تغلي وفيها ملعقه زيت وشوي ملح عشان ما تلزق المكرونة ببعضها ضيفي المكرونة وقلبيها شوي الآن خليها تستوي ونحضر الي بعده
• نجيب قدر نحط فيه شوي زيت نخليه يسخن نضيف البصل ونقلب إلأى ما يشقر لونه نضيف عليه الطماطم ومعجون الطماطم وملح وفلفل وكمون قليل الآن نروح للست مكرونة ونصفيها عن المويه ونضيفها على ميييييييييييين على الخلطة الطماطم اللي سويناها ونقلبهم مع بعض المهم ما نخلي المكرونة ناشفة خلاص عشر دقايق ونرفعها عن النار
• طبعا بهذي الخطوة نحتاج قدر أو أي شئ عارفه عندكم عقده من القدور ههه المهم نحط فيه شوي زيت وبصله مفرومه ونقلب إلى ما يشقر لونها ونضيف عليها الحم المفروم ونقلب إلى ما تنشف المويا بعدها نضيف البشوات الثلاث اللي هم ملح وفلفل وكمون . خلصنا اللحمه؟
• بهذي الخطو ة نصيب الصنوبر ونحمره بملعقه أكل زيت نخلي لونه أشقر مو أسود بعدين شكله وطعمه يسد النفس ولما تحمريه خلي النار واطيه . وبعدين حطيه على ورق عشان ينشف الزيت منه
• الحين خذي نص المكرونة ونضيف عليها اللحم المفروم والصنوبر وذوقي الملح الفلفل إذا تمام خلاص نبدأ بحشو الدجاج ( ملاحظه) : لا تحشي الدجاجة زياده عن الحد عشان ما تفتح معاك بالسلق المهم بعد ما نحشي الدجاجه نحط بيضه مسلوقه وهههههههههه وبعدين نبدأ نخيط الدجاجة بالإبره والخيط ههههههههه ونسكرها تماااااااام وأرجع أقول لازم نخلي فراغ بالدجاجه من داخل لا تزيدي الحشوة وتقولين خليني أحشيها زياده لعل وعسى يصير شكلها سمين مثل ما أنا سويت أول مره لالالالا غلط تخرب الطبخه.
• الآن تحط الدجاج بالقدر ونسلقه سلق عادي زي ما نسلق الدجاج دائما نشيل البلاوي اللي تطلع فوق ونحط بصله ورق غار ملح فلفل غير مطحون وهيل غير مطحون ومستكه وبس ونخليه يستوي تمام .
• نصفي الدجاج ونخليه على جنب ونحضر الرز اللي نكون غاسلينه زين
• نحط قالب زبده كامل من الحجم الصغير ونهدي النار عليه ونضيف مستكه + عود قرفه ولما تطلع ريحه المستكه وتذوب نضيف الرز ونقلبهم مع بعض ونضيف المرق اللي سلقنا فيها الدجاج ونخليه يستوي زين وإذا يحتاج مويه ساخنه نضيف ملاحظه لاتضيفي على الرز مويه بارده ترى يبين بالطعم وخصوصا عن الناس اللي يميزون هذا الشئ بعدين يقولون ماتعرف تطبخ الرز
• بعد ما يستوي الرز وتنشف عن المويه نوعا ما نجيب الصبغة البودره اللي لونها أصفر خاصه بتلوين الأكل وناخذ من الصبغه قد حبه الحمص ونحط على وجه الرز بكذا مكان من غير ما نقلب وتغطي القدر
• تقولون كيف بودره لازم نذوبها لالالا غطي القدر ومع البخار تذوب ملاحظه: إذا حبيتي تخلي طعمة مثل طعم الرز المندي حطي جمر بصقدي وتحته صحن يتحمل الحرار ة وصبي عليه شوي زيت وغط القدر شوي بعد عشر دقايق شيلي الصحن اللي فيه الجمر
• نبدأ بقلي الدجاج بطوه مو مليانه زيت عشان أثناء القلي لا يتطاير الزيت نحط الزيت اللي يغطي لو نص الدجاجه وكل ما حمر جزء نقلبها على الجزء الثاني إلى ما ننتهي
• ملاحظه : لازم الزيت يكون ساخن عسشان ما تلزق الدجاجه بقاع الطوه أثناء القلي وتطفشك
• الآن قدميه بالطريقة اللي تعجبك مع سلطة خضار أو أي سلطة تفضليها وهذي صوره ثانية

وهذي صور ثانية عشان أشهيكم أكثر



وعلى ضمانتي إذا ما قالولك بليز أطبخيلنا هذي الطبخه ثاني ما أكون ريتووووووووو

ماشاء الله ماشاء الله ماشاء الله ماشاء الله ماشاء الله ماشاء الله ماشاء اله ماشاء الله ماشاء الله
صراحه حاجه تجنن كل اكله احلى من الثانيه تسلمين حبيبتي على الطبخات الروعه واعذريني نسختها عند في الجهاز علشان اطبقها