اهلين ندو 00

وصادقه كلنا برمضان دايخين مو فاضين للخربطه


وانا مثلك واحيانا ما يمديني اسوي له شي
ويصير كل اليوم حليب ووجبه وحده زبادي او سيرلاك <<<<وجبة السرعه

وان شاء الله يخلص رمضان على خير ويبلغنا ربي اخره ونفضى لهم 0

انا بنتي عمرها 6 شهور بسم الله عليها

تاخذ حليب بليميل بلس 150
خضار ( كوسه وجزر وبطاطس )
سيريلاك
وبس

انا قلت ابدأ لها بالخضار قبل الفواكه لأنها لو ذاقت الفواكه ما راح تقبل اخضار لانها مو حلوه زي الفواكه
بس العصير للحين تشرق فيه ما ادري ليش
صرت احطه مع السيريلاك ومشى الحال

مراحب خواتي كيف حالكم انشالله بخيرانا مشتركه جديده وانشالله اكون خفيفه عليكم

وبالنسبه لاختي اصغر ام المفروض نسميج اكبر ام مشالله عليج عقلج اكبر منج:42:

بصراحه انا عندي بنت عمرها 7شهور جدولها مثل ماقلتي الاساسي سيرلاك الله يكفينا منه وحليب الرضاعه بس هذا اللي تتقبله...........
اعطيها عصير منجا وخضروات مهروسه اللي هي(كوسه+جزر+بطاطس)تمر مهروس مع شوية ماي طبعا بارد لان التمر حار شوي على الكبد والله العظيم شقولج لي شهر معها على هالجدول بس معيه تتقبله تعبت معها وتركته الصراح
بس بقولج شي انا يوم ربيت كنت عند امي تقريبا شهرين واعطيها تمر وحلبه وتشربه عادي وانا كنت ناويه لما الرجع عندزوجي استمر معها بهالجدول بس اهل زوجي خوافين وانا توني صغيره ماعرف شي عن الطفل وخوفوني معهم وقطعتها من الاكل بس وابها بعد خاف عليها وكل مايشوفني اعطيها يقولي توها صغيره وماتوقعت الطفل اللي عمره 7 شهورياكل كل هالاكل بس الصراحه انا عجبني جدولج وشجعتيني اسويه وانا معج الصراحه انا من معارضي وجبه السيريلاك لان مالها فايده

وحبيت افيد خواتي ترى مثل ما قلت اصغر ام السيرلاك ماله اي فايده
وعلى فكره اخوي يدرس بامريكا ولما رجع عندناوالله العظيم انه يقول انهم هناك مايكلون شي اسمه معلبات كل شي عندهم طازج يعني عهم يصنعون وانا ناكل وانا الحمدلله والششكر

الفاتنه هلا وغلا فيك في عالمنا :)
حبيبتي أعذريني تأخرت عليك في الرد ومشكوره على كلامك الحلو عني
حبيبتي مثل ما ذكرت سابقا ترى اكثر الأمهات خوافات ما عليه إحنا كلنا مرينا بهالمرحله أقصد مرحلة الخوف على الطفل وقت الأكل بس هذاك الوقت راح
ألحين لازم كل أم تحاول تثقف نفسها وتقوي قلبها حتى تقدر تأكل الطفل وهذا شي
مهم ومفيد له بالدرجه الأولى ولها حتى تكون مرتاحه وهي بتشوفه يكبر قدام عينها
بكل راحه وطمأنينه على صحته 000



عزيزتي حاولي معاها وشوي شوي راح تتقبل بس على فكره ليش تخلطين لها
الخضروات مع بعض يعني ليش ما تحاولين تغيري لها وتخلطين مثلا مع نوع واحد
أو نوعين من الخضره مع اي شي ............. يعني أنا لما بديت مع بنتي
خلطت لها ( أرز أبيض مطبوخ + قطعة بطاطس + قطعة جزر + قطعة دجاج مطبوخ )
والحمدلله تقبلته بس أول مره تلوعت لأنه شي جديد عليها وقلبي عورني عليها بس
والله خليت نفسي قويه وكان كل همي هي راح تتعب أكثر مني لو ما أكلت وحاولت معاها لحد ما تعودت عليه فأنتي حاولي وما عليك من أحد حتى من أبوها لأن الرجال
خوافين أكثر من الحريم في هالمسأله وبعدين راح أقولك شي مأبيك تزعلي مني
ما لازم تأكليها قدام أحد وحاولي وأنتي تأكليها تكلميها وتلاعبيها يعني حاولي
تحببيها في وقت الأكل وشوي شوي راح تتعود ولا تعصبي عليها لأن في كثير من
الأمهات يعصبون بسرعه لا بس حاولي طول الوقت تشغليها وضاحكيها وهي تاكل


حبيبتي لو على الأطفال الود ودهم ما ياكلون شي بس لما الأم تأكلهم راح يحبوا ياكلوا
ويجربوا حتى الأكل إلي إنتي تاكليه وأما بالنسبه للجدول إلي حطيته جربي عزيزتي
وماراح تخسري شي وفعلا السيريلاك ماله فائده إلا تشبيعه وخلاص
بس إذا بنتك الله يحفظها لك تحبه لا تقطعيه لا بس خليه بين الوجبات كإضافه
يعني ممكن تعطيها أياه على العصر أو على الضحى أو ممكن تخليه بس لطلعات
والمشاوير الطويله .

وأتمنى ما أكون غثيتك بكلامي بس ما هان علي ما أرد عليك وأتمنى لك الفائده
من كل هالكلام
وياهلا ومرحبا فيك مره ثانيه
:26: :26: :26:

مشكوره حبيبتي سبحان الله احس كل اللي تقولينه صج
فعلا انا كل ما اعطيها اكل احاول اضحكها واسويلها حركات اشوفها تاكل وتنسى الطعم
( أرز أبيض مطبوخ + قطعة بطاطس + قطعة جزر + قطعة دجاج مطبوخ )
حبيت اسالج الرز الابيض هل هو المصري او العادي........ وهل اطبخهن كلهن مع بعض واحطها في الخلاط واحط معهن سكر وملح ولا لا
ويعطيج العافيه على مجهودج وياااانا