ملف غرومة.. الثاني للأطباق الساخنة فيه تشكيلة مختلفة بكل جديد ولذيذ حياكم يالغوالي ..

مـــاشــاء الله .. تـبـارك الرحـمـن ..


هذا مـلـفي الثاني للأطباق الساخنة منها اللي انا ماخذته من المنتديات مع تعديلاتي البسيطة ومنها أطباقي الخاصة وبإذن الرحمن راح تلاقون فيه تشكيلة مختلفة فيها كل جديد ولذيذ :23: ، ان شاء الله تعجبكم و أشوف التطبيقات والآراء :35: ..



فهرس الملف



1- البرياني الرهيب ...... الرد رقم 1
2- سمك مشوي بالبرقوق سويت أند سور مميز ولذيذ ...... الرد رقم 5
3- صينية البطاطا البيورية لذيذة جدا جدا ...... الرد رقم 6
4- طاجين اللحم والحمص بالكزبرة بنكهة مميزة وطعم رهيب ...... الرد رقم 8
5- طاجين الدجاج بالفريك والمكسرات والخضار مميز ولذيذ ...... 86
6- المرقوق ...... الرد رقم 87




بسم الله ..

راح أبدي مع أولى الأطباق :cook: ..







1- الــبريـانـي الرهــيــب ..

هذا البرياني طريقة الغالية عيون حزينة فديت قلبها أروع طريقة جربتها ، بس مع بعض الاضافات مني :) ..





المقادير :

1 كيلو دجاج مقطع ومنزوع الجلد

3 بصل متوسطة ( مفروم)

3 طماطم متوسطة مقطع مربعات صغيرة
2 م ط زنجبيل مبشور
5 فصوص ثوم مفروم
1 كوب زيت
1 علبة زبادي ( روب)
بهارات مطحونة ( 1 م ص فلفل أحمر – 3 م ص كزبرة جافة – 2/1 1 م ص ملح – 4/1 م ص كركم - م ص دارسين ناعم - 2 م ص كمون ناعم)
بهارات صحيحة ( 2 عود قرفة – 7 حبات قرنفل ( مسمار ) – 4 حبات هيل أخضر – 1 حبة هيل أسود – 1 ورقة غار – رشة كمون – رشة يانسون – 10 حبات فلفل أسود )
6 قرون فلفل أخضر حار
5 م ط كزبرة خضراء مفرومة

4 م ط نعناع مفروم






2 م ط سمن

2 م ط زبدة

شوي زعفران + شوي صبغة منقوعين في 4/1 كوب ماء ورد







4 أكواب رز منقوع (انا استخدم رز انديانا جيت عجيب والله وريحته وطوله عجيبين)

1 ورقة غار





للتزيين :

كازو مقلي

كزبرة مفرومة


بصل جوانح محمر






الطريقة :

في قدر على النار نحط الزيت والبصل ونحمره ( يصير ذهبي ) ..





P1010263



نضيف الطماطم ونحرك ونغطي ونتركه إلى أن يذبل ..



P1010273



نضيف قطع الدجاج المنزوع الجلد والمقطع صغير ونقلب إلى أن يطلع ماي الدجاج ..



P1010275



نضيف ( الزبادي ) الروب ونقلب شوي ونغطي ونتركه 1 دقيقة ..

نضيف البهارات المطحونة والصحيحة ونقلب شوي ونضيف الفلفل الأخضر الحار ونغطي ونتركه 1 دقيقة ..





P1010280



نضيف الثوم والزنجبيل ونحرك ونغطي ونتركه 1 دقيقة ..



P1010281