صباح الخير يا بنات
روشانا زلط ده زمان كان كويس و كانت الشوز من عنده تقعد أد كده بس دلوقتى لالالالالا ما بقاش كده خالص إنتى روحى و إعملى اللى عليكى و أعتقد مش لازم الفاتوره هما بيبقوا عارفين حاجتهم طبعا بس ماتتأخريش أكتر من كده

عنك حق يا شيمو .. يالا بقي يا روشانا روحي بسرعة وكلنا بنشجعك انك تروحي ... بس ابقي قوليلنا عملتي اية

مرسي على تشجيعكم
انا روحت النهارددة واول ما شافها قالى ده سوء استخدام وماكنش عايز ياخدها .....استهبال من اولها
بس انا قاوحت قولتله سوء استخدام ازاى بص حضرتك على كعب الجزمة زى الفل البنت مابتمشيش بيها فى الشارع خالص على قد وقت المدرسة
وبعدين دى مش ولد عشان اقول من كتر لعب الكورة
وكمان احنا مش اول مرة نشترى جزمة وعندها جزمها زى الفل بس مقاسهم صغر عليها شايلاهم لاختها ودى اول مرة تحصل فى جزمة اشتريها كده

لقانى بقاوح ومصرة انها غلطتهم قالى طب سبيها هانعرضها على المصنع نشوف هايقولوا ينفع تتصلح ولا لأ !!!!!!!!
من اسبوع ل 10 ايام واسأل عليها
سبتها ومشيت لما اشوف هايعملوا اية بس فى نيتى اخر مرة ادخل زلط ده اى فرع لية

اشتريتو لبس العيد للأولاد ولا لسة .. يا ريت اللي جاب منكم يقولي الحاجات الحلوة فين لأني نزلت ومش لاقية حاجة شيك