بصي يا مروي صح كلامك مناره الايمان جارتي شكرتلي فيها جدااااااااااااااااااااااااااا واخت جوزي هتتجنن وتشتغل فيها مش عارفه روش معجبتكيش ليه يمكن فرع العاشر مش حلو مش عارفه بصراحه عشان مرحتهاش.

طبعا بخصوص السن فعلا صغيره خالص يا مروي انا لجين 5 سنين في 15 اكتوبر ولسه مقدملها كي جي وانا بصراحه من انصار انهم يدخلو كبار بصراحه استيعابهم بيبقي احسن وبيبقوا متفوقين علي اللي معاهم في الكلاس .

وبيبقوا مدركين اللي بيحصل احسن عمتا معلش الخيره فيما اختاره الله بس عينك في وسط راسك عليها يا مروي المدارس اليومين دول بيحصل فيها بلاوي ودي صغيره يا حبيبتي مش هتعرف تعبر قوي فخدي باللك.



روش اه انا لولو كبيره يمكن عشان كده بتكلم بثقه هي في شهر 10 هيبقي عندها 5 سنين الا 15 يوم.

وبالنسبه للمصاربف ما انت عارفه كريم وحالته فمضطره ادخله حاجه غاليه عمتا انا هجرب ولو في حاجه السنه دي هحولهم باذن الله وربنا كريم

ازيك يا ايزيس وحشانا يا بنتى
انا اسمى راندا

مارويبا بنوتك صغيرة فعلا انا بنتى كانت هتبقى 3 و10 شهور فى اكتوبر بس كنت مترددة ادخلها تدخل كبيرة احسن تستوعب اكتر ان شاء الله زى ما رشا قالت

لكن فى ناس بتدخل صغيرة وبتستوعب برضه بس انا مرضتش اجازف خلينا فى المضمون

بالنسبة لمنارة الايمان هما مستوى التدريس والانشطةمش على قد المصاريف بتاعتهم وبعدين المستوى الفعلى هيبتدى يبان من اولى ابتدائى المدرسات بيجبوهم لسة خريجين جداد مفيش خبرة فبالحظ فى كى جى كان هندنا مدرسة الانجليش كويسة والماس وحشة فى بريمارى 1 كان الاتنين سيئين فى فصول وفصول بس للحق حظنا فى العربى بصراحة كان مدرسات كويسين جدا اكتر حاجة متعبتش فى المذاكرة فيها مع سلمى العربى

وبعدين كل الانشطة جوا المدرسة بفلوس شهرية مفيش غير الاعاب والموسيقى والرسم اللى هما الانشطة العادية بتوع اى مدرسة حكومة ببلاش ويا ريت بيتعمل فيهم حاجة الرسم بيطبعوا للعيال صور من على النت ويقعدوا يلونوا خلالص هو ده نشاط الرسم
بس فالحين اول السنة طلبات وستان وترتر و3 اصناف الوان مية وشمع ومعرفش اية

الكتب 3 سنة اهو المناهج مبتخلصش وبتتكروت اخر السنة السنة دى والله العظيم الترم التانى لغوا الانشطة وقللوا وقت الحصص ليييييييييييييه عشان تدريبات الحفلة اللى هى واجهة المدرسة ودى اهم حاجة عند الحاج فتحى سابق صاحب المدرسة

رحت اشتكتلهم يعنى انتوا لغيتوا الانشطة وقللتوا وقت الحصص والحاجت دى كلها دافعين مصاريفها من دمنا كل ده عشان الحفلة طب خلوا العيال كلها تشترك فى الحفلة بدل الحاجات اللى اتلغت

لأ اللى بفلوسنا اتلغا واشتراك الحفلة للى عايز ب 100 جنية ده غير تذاكر الدخول مع العلم ان الحفلة فى المدرسة وعيالنا طلبة المدرسة يبقى الطبيعى ان دخول اولياء الامور يدخلوا مجانا لا التذكرة ب 40 جنيه

ماديين بشعيين فى لم الفلوس

معامل اللغة الفونيكس لاب من ضمن الحاجات اللى شجعتنى دخول المدرسة
بيدخلوة مرتين تلاتة فى السنة كلها

الاطفال طلعين برايمارى 2 مبيعرفوش يقولوا جمل انجليش بسيطة على بعضها

ده راى وراى كل البارنت اللى اعرفهم كلهم بيدورا على مدارس تانية بس للاسف معظم المدارس نفس الحال

وقولى للى عايزة تشتغل فيها بلاش لانهم كل سنة الناس تشتكى يقوموا ممشين المدرسات ويجبوا غيرهم جداد برضة ويرجعوا يمشوا تانى

والكويسين منمهم مبيستحملوش اسلوب المعاملة ولا المرتب وبيمشوا


فتحتونى لييييييييييييه

ده غير المصاريف طبعا انا بنتى الكبيرة كانت اول دفعة فى المدرسة اول ما فتحت فكانوا عاملين المصاريف 4 بس وكل سنة يزودوا بهبل

لحد السنة دى ما سمعت انهم كى جى 1 ب 9 ونص جنان طبعا ومصاريف مش متناسبة مع اللى بيتقدم نهائى

وكتير اشتكوا فى رابعة من منهج ماكميلان صعب والعيال مش مستوعباه
قاموا قرروا بدل ما يجيبوا مدرسات خبرة وكويسين يفهموا العيال لأ قرروا يغيروا منهج ماكميلان ويجيبوا منهج انجليش اسهل


وموصى المدرسات بشدة يجيبوا امتحانات سهلة للولاد وكلة يجيب درجات عاليه

طيب اضحكوا برايمارى 1 العشرة الاوائل فيه جايبين 100% 99.9% 99.8% 99.7% 99.6%

وبتكرار

واعرف ناس اصحاب بنتى بياخدوا دروس والله العظيم يعنى يبقى حرام ولا لأ لما تبقى المصاريف بالمنظر ده وناس تاخد دروس

بالنسبة للنظافة هما بيهتموا جدا بشكل ومظهر المدرسة بس من برة فقط لكن مثلا اشتكيت واحنا فى كى جى ان بنتى بتيجى كل يوم من المدرسة ايدها مش نضيفة واكيد بتاكل وهى كده
وقولت كذا مرة للميس فى الكلاس ومفيش فايدة

فاشتكيت رسمى ان البنت لازم تغسل ايدها قبل الاكل
قاموا ردوا عليا رسمى فى ورقة لسة محتفظة بيها معايا قالوا ايه

"دى مش مسؤليتنا احنا مدرسة مش حضانة" !!!!!!!!!!!!!

والله العظيم زى ما ان كاتبة كده

انا اسمع ان مدرسة المصرية اللى فى التجمع ممتازة ونفس مستوى المصروفات الحالية لمنارة الايمان

انا اللى مثبرنى على سلمى ان مصاريفها لسه تعتبر قليلة من مستوى المدارس التانية لانها داخلة قليل المشكلة فى الصغيرة انى هدخلها جديد فهيسرى عليها المصروفات الجديدة اللى هما مايستاهلوهاش فبدور على حاجة كويسة تستاهل مصاريفها